باركولي

سلاااااااااااااااااااام على احلى فراشات
كيفكم وش اخباركم
ابشركم ولدت يوم الخميس الظهر22/6 وجبت احلى بنوته وسميتها لمار
وكانت قصة ولادتي انه من يوم الاربعاء من صحيت الصباح وانا احس بثقل في ظهري غريب وماكنت قادره اجلس اكثر من خمس دقايق من التقل والتعب ولما جاء المغرب كنت احس بطلق بارد بس مو منتظم يعني مره كل خمس دقايق ومره ربع ساعه ومره ساعه وبعد صلاة العشاء طلب زوجي انه نتعشى برا وامشي شوي وطبعا طلعنا وتعشينا في المنتزه ومشيت يمكن خمس دقايق وماقدرت اكمل من التعب والالم ورجعنا البيت ونمت وصحيت الساعه 6 الصباح على الم الطلق وكان مومنتظم بس حمى شوي صليت وجلست صاحيه لساعه 7 ونص وفجاه نزلت مويه وافرازات مع دم طبعا صحيت زوجي وفطر وجلست في البيت الى الساعه 9 ونص وبعدين رحت المستشفى وصار الطلق منتظم وكمان بدا يحمى اكثر واكثر وصلت المستشفى الساعه 10 ودخلوني الطوارى وكان الرحم مفتوح 7 سانت وبعدها دخلوني غرفة الولاده ولما صارت الساعه 11 ونص كان الرحم مفتوح 10 سانتي وصرت ادفع والالم اتعبني وكنت ادعي وعلى هذا الحال وراس الجنين موراضي يطلع واتذكر سورة الزلزله وصرت اقراها وادعي ولما قريتها تسهلة الولاده وطلع البيبي الساعه 1 الظهر وجلست الدكتوره تحاول في المشيمه الين نزلت وطلعت والحمد لله كانت ولاده متعبه بس الله يسرها وشفت بنتي الله يخليها لي يارب
بنات عليكم بسورة الزلزله اذا طولتوا في الولاده انا تعسرت ولادتي بس لما قريت السوره اربع مرات الله سهلها والحمد لله
الله يسهل ولاتكم يارب وتفرحون بشوفة اطفالكم يارب