طريقة زيت جوز الهند (النارجيل) بالبيييييييت واللي جربتها تقوووول

اخباااااركم بناااااات 😀
هذي اول مشاركه واول موضوع لي وحبيت افيدكم ➡
انا بصراحه شعري مو خشن يعتبر ناعم كيرلي بس دااااااايم استشوره ❗
وداااايم اشوف خلطات واشياااااء ودي اسويها للشعر بس اني عجاااااازه وخواااااافه
بس مره قريت باحد المنتديات زيت جوز الهند وسويته بنفسي بالبيت لأني مااضمن اي شي احطه بشعري اخاااااف لأن شعري خفيف ويتساقط 😆 وماابي اغامر الا بأشياء مضمونه
المهم رحت جبت جوز الهند من السوبر ماركت وبما اني عجااازه كنت بخلي المهمه للشغاله تسويه لي
واول ماجيت بفهم الشغاله الطريقه قالت انا دااااايم اسويه بالفلبين وهي اصلا كان عندها اجازه راحت ورجعت لنا وكانت جايبه معاها الزيت مسويته هناااك
عاد انتو تعرفون شعر الفلبينيات ماشاء الله عليهم يحبون يهتمون فيه
المهم الزيت يطري الشعر بشكل كبييييير ويعطيه لمعه خطييييره وبصراحه الشغاله تقول انه يطلع الشعر اذا كان عندك تساقط
بس انا لسه صار لي الحين تقريبا 3 اسابيع استخدمه مره او مرتين بالأسبوع على حسب
وطريقه:
1- تاخذين مثلا 10 حبات وتقشرينها
2- تاخذين الأبيض اللي داخل وتبشرينه وتنقعينها بماي حاار الين ماتحسين انه لون الماي صار كأنه حليب
3- تصفين جوز الهند من الماي وتعصرينه
4- تاخذين الماي اللي نقعتيه فيه اللي مثل الحليب وتغلينه على النار بيطول معاكم تقريبا ساعه او اكثر على حسب الكميه اليييييين ماتشوفينه تبخر ومايبقى لك في القدر الا زيت وهذا هو زيت جوز الهند
خلاص خليه يبرد وكل مره حطيه على شعرك
وريحته حلووووه والله ونتيجتها مررررره حلوووه وانا مجربه الليونه اللي صارت بشعري خطييييره
ادري انها حووسه شوي بس انا اخاف ماادري ايش يكونون حاطين مع الزيت اللي ينباع اقل شي مواد حفظ العلب اخاف انها تأثر على الشعر:)وانا مو ناقصه

وبجرب الصبار لأن عندنا النبته واشوف الشغاله دااايم تقطع منه وتفتحه ويكون لزج من داخل وتفركه بشعرها
اذا جربتها وشفت نتايج بقول لكم ➡

ادري طولت عليكم وياليت اللي جربتها تقوووول
ويعطييييييييكم العافيه