الخياطة التجميلية

الله يكتب لنا الاجر ويخفف عنا وعنكم
بنات ابي خدمة منكم ارجو المساعدة
انا ولدت من ثلاث شهور ما اقدر اوصف لكم ولادتي شلون صارت جميع انواع الالم شفته ولدت في مستشفى التخصصي بالرياض وهي اول واخر مرة ان شاء الله

حذاري وانصح كل وحدة ماتولد عندهم وانا نصحوني صديقاتي بس ما سمعت كلامهم للاسف
ايش اقول لكم الممرضات وخصوصا السعوديات النفس شينة وتكلمك من طرف خشمها ولاتعذر الظروف الي انتي فيها
ناسية ان التمريض مهنة انسانية قبل لا تكون مادية
انا جيتهم واصلة 8 سانتي وقايلوني ببرود تام نعبت وانا اصيح ولادة الحقوني ولادة ولا حياة لمن تنادي كنت راح اولد وانا واقفة بالاخير جت الدكتورة تتمخطر على حبة ونص شاطرة تطالع باظافرها بس

طبعا طلع راس الجنين شوي كبير والدكتورة حسبي الله عليها ما رضت توسع الين طلع الراس وسببت لي تمزق في منطقة المهبل ومنطقة العجان بالكامل حتى البواسير طلعت معي
وجت وحدة متدربة تخيط ولكنها ما سوت ولا شي خاطت غرزتين والباقي مفتوح حسبي الله عليهم توبة والف توبة ماراح اولد عندهم لو يكون اخر مستشفى بالرياض
وعلى فكرة الدكتورة هذي تفاجات فيها بالولادة اول مرة اشوفها اثاريها وقت مراجعاتي ترميني على دكتورة مناوبة او ممرضة بعد ما سالت زو جي قال اي النوعية هذي تاخذ فلوس وما تشوف مرضاها
وهذي اسمها الدكتورة النمر في التخصصي ولا تغلطون غلطتي
هذا غير الوجبات ما في امل يجيبولك الاكل الا اذا طلبتي انت يعني لو تنامين راحت عليكي الوجبة هذا غير ان اكلهم مثلج ما تشتهين تذوقينه
ابي منكم خدمة بليز منو تعرف دكتورة ممتازة تسوي خياطة تجميلية بالرياض ودي ارقع الباقي