مكوة طبيعية للشعر خصوصا الشعرالمجعد

النهاردة انا جايبة لكم وصفة رووووووووووووووووعة للشعر هتخلى شعرك كانه مكوى تمام ، وبتفرد الشعر المجعد وتزيد من نعومته وليونته ، والاهم انها طبيعية 100% .
وطبعا من باب رد الفضل لاصحابه فهى من وصفات الدكتور العلامة / عبد الباسط سيد استاذ الكيميا الحيوية فى المركز القومى للبحوث فى مصر .

يؤخذ 25 جرام أملج مطحون ويعجن ب 50 سم زيت سمسم ويدهن به الشعر جيداً ويترك
لمدة طويلة حوالي ساعتين ويغسل بالشامبو الطبيعي .
وفى كمان كام وصفة لتنعيم الشعر الجاف والمجعد بس بصراحة مش زى الاولى ديه بس هاقولهم للافادة وهما :
1- يدهن الشعر يومياً بنسب متساوية بعد خلطها جيداً وهي زيت الخروع وزيت اللوز وزيت
الجوز هند .
2- يخلط زيت الذرة مع زيت السمسم بنسب متساوية ويدهن به الشعر يوميا .
بس اوعى تفوتك وصفة الاملج وزيت السمسم ديه والله العظيم روووووووووووووووووووووعة 😉 ، انا شعرى مش مجعد بس فى نفس الوقت مش سايح اوى يعنى زى اغلب المصريات شعرى عادى وجربت الوصفة والنتيجة اكتر من روعة كانى لسه عاملة شعرى بالظبط نعومة ومفرود ومن غير اضرار .
يا رب تجربوها وتعجبكم وما تنسوش تدعوا لى