عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير يا أحلى فراشات 
عيدكم سعييييد يارب وينعاد علينا وعليكم بصحة وسلامة
طبعا طول فترة حملي كنت أحب أقرأ قصص ولادات الفراشات واليوم جيتكم بقصة ولادتي
معليش انها متأخرة..
لاني ولدت يوم 15-8
المهم انا بكرية وكانوا أهلي مسافرين برة عند أخواني.. وطبعا بحساباتي انا وامي اخلص التاسع على نهاية الشهر وطول الشهر ماكنت اعاني من اي الالام عشان كدة اتوقعت اولد نهاية التاسع لكن ولدت قبل ما ينتهي ب6 ايام
في البداية مراجعاتي كانت مع د. هدى في زغلول في ففقيه لكنها سافرت فحولت على د. سوسن وانا زعلاااانة لكن كانت خيييييرة والحمد لله
حسيت بالالام الطلق وانا ماكنت ادري انه طلق وفراشات المنتدى قالولي طلق كان الم يروح ويجي وكنت ابكي لاني خايفة اولد وامي مو معاية..
جاتني الام ورحت يوم 14 كنت متوقعة اني حولد لكن رجعوني لان الرحم لسة مافتح مع ان الالم كان قوي ورجعت بعد الفجر ونمت وصحيت وطول الوقت كنت الله يكرمكم اطلع خلاص مافي شئ اكله الا اطلعة مع الالم حسيت نفسي بموت ورجع زوجي وداني المستشفى ماكنت قادرة استحمل وقالولي مافتح الرحم لكن خلوني في الملاحظة واعطوني مغذي ونمت نووووم عميق صحيت بعدها في الصباح على جية الدكتورة الله يسعدها تكشف على قبل مااطلع الا قالت لي الرحم فتح وما راح اخليكي تروحي حنجلسك عندنا فرحت مرة المهم ونقلوني لغرفة الولادة شئ يفتح النفس طبعا وكنت طول الوقت اقرأ في كتاب الافادة فيما جاء في ورد الولادة واستغفر وحاطة في ال mp3 سور من القران ومعايا المصحف طبعا دا كل كنت لحالي لان زوجي في الدوام واهلي مسافرين والحمد لله كل ماتكشف على تقلي الرحم ماشاء الله تبارك الله بيفتح وطول داك الوقت الممرضة ماتركتني الله يرضى عليها وعلى طاقم التمريض كله راااااائعين مهتمين في حسيت اني اميرة
نسيت اقلكم انه الطلق لما قوي على جلست ابكي وطلبت ابرة الضهر وجا طبيب التخدير وضرني هي وهاد الشئ الي خلاني مبسوطة ومو خايفة وجا زوجي ونتحكي ويصورني ويصور الغرفة طبعا احلى شئ انهم في دي المستشفى يسمحوا ل2 يرافقوكي وقت الولادة وزوجي كان معايا
المهم على 7 الا ربع تقريبا بدأت الاستعدادات للولادة وبدأ وزجي جنبي يساعدني عشان ادف ويشجعني وكانت نص ساعة ماحسيت فيها بأي الم يارب لك الحمد تبارك الرحمن من 7 ونص الين 8 طلع العسل احلى قمر ولدي أبي ربي يحميه وحطته على بطني وكان حيلي مهدود وعلى طول جو طبيبات الاطفال واخدوا المهم لهنا وكل شئ تمام
بعد دي اللحظة بدأت أحس اني دايخة والدنيا بتسود في عيني وناديت على زوجي اقله تعال احس اني دايخة وماحست بشي الا ضلاااااام فتحت عيني بعد 10 دقايق لقيت هلمة بيقولي دي استجابت وفتحت الحمد لله وجا زوجي وانا اقلهم ابغى موية وهما يضحكوا وكمان عاوزة مية بعد ماخضتينا
بعدين قلي زوجي انه اغمي على ووقف قلبي وسولي انعاش والحمد لله ربي كتب لي اعيش اولا وتاني شئ المستشفى كان مستعد تماما يعني لو كنت في ففقيه ماكان دخل زوجي معايا وما اظن انهم مستعدين زي الطبي
سبب الدوخة وكل دي الحكاية انه عندي انيما وماكنت ملتزمة باخد الحديد والكالسيوم يوم اخد و10 لا وماكنت اكل اكل صحي وزيادة عليها وزني في الحمل كان 44 وقبله 37 يعني اهتمي بنفسك فترة الحمل
الحمد لله اللي رجعني للحياة وشفت ولدي وعرفت زوجي قد ايش يحبني كان مسكين يبكي على والدكاترة والممرضات يهدوه حبيبي
وهادي قصة ولادتي.. طلبتكم يابنات تقولوا ماشاء الله تبارك الله تدعولي ربي يخليلي زوجي وولدي ويحمينا من العين ويقدرني اربي ولدي تربية صالحة
المستشفى يا بنات قمة الروعة في التعامل يعني انا ما قد شفت دكتورة تستقبل مرضاها د. سوسن اول مرة جيتها لقيتها في الممر تسأل عني واستقبلتني انا وزوجي والتمريض راااائعات وما يصرخوا ولا يتقرفوا جلست بعد الولادة يومين كأني اميرة 😛
اي استفسار انا حاضرة:ق1:
