تسااااااااااااقط الشعر .

السلام عليكم ورحمة الله .

مرحبا لجميع الفراشاااااات .
اليوم عزيزاتي بحط لكم تجربتي مع الشعر المتساقط .
نجيكم بالسالفة /
أنا ياناس جت شعري فتره يتساااااقط بالهبل يكب كب .. 😐
تصدقون صرت ماأمشط شعري الا مره بعد كل استحمام بعدها خلاص اخليه الين أستحم مره ثانيه . 😛
المهم هذاك اليوم وانا أطالع في قناة بدايه وترسل وحده خلطه لتساقط الشعر .
واقوم أبقق عيوني لاتفوتني .. مع أني ما أحب أستخدم خلطات كثير .
والخلطه مره بسيطه وماتكلف .
وهي كالتالي ..
1علبة زيت جوز الهند .. أنا أستخدم براشوت الأزرق ..الصراحه هالزيت رهيب .والهنود يستخدموه .
2ثوم .
المقادير و الطريقه :
بيالة زيت من جوز الهند.
4 رؤوس ثوم .
عاد أنتي إذا تبين مره وحده تخلطيها عادي بس أهم شي التساوي في المقادير .
يعني كل بياله زيت يساوي 4 رؤوس ثوم .
الين تخلصي العلبه .
تخلطيهم بالخلاط الين يصير لونها أبيض .
تدهني راسك مع التدليك وتترك مده ساعتين .
الله يعينكم على الريحه تصك الراس صك ..
تستخدم مره كل أسبوع .
بس تبون الصدق الحمدلله شعري خف تساقطه عن أول كثير والحمدلله . 👿
الله يجزاها خير وين ماتروح هالحرمه .
وهذي تجربتي أنا شخصياً مو منقوله .
ياليت يابنات اللي جربت شي ونفعها تحطه الله ينور عليها .
بالتوفيق .
دعواتكم لي ولزوجي بالهداية والصلاح.
على فكره نسيت أقول لكم ترى الخلاط بيطلع له ريحه مو حلوه .. الله الله بتنظيفه ..