عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مدخل ~
كيفكم أخواتي وكيف إجازتكم إن شاء الله مبسوطين…… دوووم يارب
والله يزيل هم كل مهمومه ويفرج كرب كل مسلمه بقدرته وعظيم سلطانه ويشفي كل مرضى المسلمين
مشتاقه لكم وللمنتدى كثيييير بس مع هالإجازه سهر وسفر يارب رد كل المسافرين لبيوتهم سالمين غانمين
أكيد طوال هالفتره بالإجازه صار بين الأسر تجمعات وإستراحات يعني إلتقيتوا بكثييير بنات أقارب صديقات وهكذاااا …..
لاحظت بهالتجمعات منطق غررريب عند أغلب الفتيات خاصة ً المتزوجات حديثا ً يطبقونه شعروا بذلك أولم يشعروا
إنها تسحب على الكل يا أرض إنهدي ما عليك قدي كأن ما أحد تزوج غيرها وكأنها ملكت ماااال قارون وتسحب على كل الناس اللي يحبونها
أيعقل إذا تزوجتي تبيعين الناس اللي يحبونك أهل وصديقات ولا تقيمين لهم وزن في إطار حياتك وتعتبرين كل بنت غير متزوجه حاسده لك أو غيرانه 😀
حقيقه فئه تستحق الشفقه عايشتهم وأرحمهم 😡
ما أختلفنا زوجك حبيبك تعتبرينه كل حياتك <<< ولو إنه هالمنطق ما يعجبني
ممكن تكونين وجدتي عنده أشياء تفتقدينها قبل دخوله إلى حياااتك
لكن هل معنى هذا أنا وزوجي ومن بعدي الطوفان ……..؟؟؟؟؟؟؟
ليييييييييييه يابناااات وربي عييييب وأسلوب أناني الناس للناس والكل بالله وإن صفت لك الحياة يوم ما تصفى لك كل يوم
لولا قدر الله جارت عليك الأيام لمن ستلجأين وأنت بعتي كل أحبابك أناس بذلوا لك أرواحهم وما زالوا ….. ترخصينهم من أجل هالزوج 🙁
لو كل الناس طبقوا هالمبدأ بنصير مجتمع عدائي من ليس معي فهو ضدي 💡
وبعدين سلامات يامتزوجات خييييييييير;) ….. قبل الزواج كنت تتمنين هاليوم اللي تكونين فيه زوجه وأم ولا صار تنسين أيام صبرك وألمك وما تراعين مشاعرغيرك مع إنك مررت بنفس وضعهم ويمكن البعض أسواء 😆 idea:
حقيقه بت أجهل البشر على كثر ما رأيت من نماذج في هالدنيا
هههههه <<<< جاتني ضحكه لعلها ضحكه ألم أو إستغراب أو دهشه المهم مشوهالي 😉 ويمكن من الكلام اللي بأقوله ألحين ……..
من هالمنطلق وعد مني بأسحب عليييييييييييكم كووول أبوكم وجدكم يا متأخرات إذا تزوجت وأجلس أتمنن عليكم بجلستي معكم وبوجودي بينكم 😛
وحتى لو سولفت معكم بأقول فديت زوجي بيغنيني عنكم امممممم وش بعد وش بعد ❗
بعدين بعد كل هذا بأقول أعذروني بس أمزح معكم ما ينمزح معكم
أنتوا صايرات حساسات يااااي 💡
وقتها وش بتردون علي
<<<< فديتكم قولوا بالطقاااااااااق من باعنا بعناه ولوكان غالي
<<<< تهئ تهئ تهو تهو زعلتوني 😆
وش رأيكم يا بنات بالله ما تصير لكم هالمواقف أو ما يشابهها ؟؟؟؟؟؟؟؟؟؟؟؟؟؟؟؟؟؟
ما يدرون إن النعم زواله ومرد الواحد للصديق الصدوق (ماديا ومعنويا ونفسيا وأخويا وكل شيء بالحياة )
عاااد لا تصدقون بأسوي كذا لا معكم ولا مع غيركم لا بالمنتدى ولا بالواقع ➡
لو الله أكرمني بإبن الحلال بأذكركم بكل سجده بدعوه خالصه من كل قلبي إن الله يكرمكم بالأزواج الصالحين
وماراح أنسى الأيام اللي عانيتها وإن في بنات مازالوا يعانونها
<<<< رجااااء لا وحده تدخل تقول لا تخلون كل همكم الزواج 😆 idea:
لان الزواج ( ستر – تكوين أسره – أمومه……… )
وما ترينه ليس ضروره غيرك يراه ضروره
اللهم إني اسألك العفاف والغنى والفوز بالجنه والنجاة من النار
همسه لكل متزوجه : مهما بلغ حبك لزوجك لا تجعلينه محور حياتك ابذلي له كل حقوقه ولا تقصرين عليه بشئ
لكن أصنعي لك حياه بقدر المستطاع …احتفظي بحياتك …احتفظي بهواياتك ..احتفظي بصداقاتك ..
احتفظي بإهتماماتك ..واضيفي لها زوج …أحبيه واغدقيه حنان ودلع…… وعيشي معه ولكن لاتعيشي له …….
فكره أخيره للدكتور العريفي : المقصود أن يدرك الناس أخطاءهم .. وليس شرطاً أن يصححوها أمامك .. فلا تغضب ..
فإن أكلوا لحمي وفرت لحومهم
وإن هدموا مجدي بنيت لهم مجداً
وليسوا إلى نصري سراعاً وإن هم
دعوني إلى نصر أتيتهم شداً
ولا أحمل الحقد القديم عليهم
وليس رئيس القوم من يحمل الحقد
ورقة من حياتي (وأفوض أمري إلى الله )
شو رأيك الوفا ما قدرت أنام لين أرمي هالورقه 🙁
