عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي اقول بسم الله
انا تزوجت من شهر ثاني يوم من زواجي رجعت لاهلي يعني تزوجت الخميس السبت وانا عند اهلي
ليه ووش صار ماادري .. اول يوم اللي هو الجمعه كان معي زي العسل كلام حلو وجاب لي صباحيه
وتغدينا و رجعنا للفندق مافينا شي بعدها طلعنا لبيت الزوجيه نستريح فيه وبعدها نسافر شهر العسل
بس من وصلنا للبيت الرجال مو يمي ابد حتى العشاء تعشيت بروحي لانه يقول تعبان وابي انام
المهم تعشيت لحالي ورجعت نمت وطلع الصبح يجيب فطور وقالي جهزي نفسك بنسافر
جهزت اغراضي وجاء وقالي انتي ماتصلحين لي ووووو مع العلم انه ملتزم انا استغربت كلامه احسبه
يمزح معي طلع الرجال صادق بكلامه وقال لي بوديك لاهلك 👿
بكيت وحاولت افهم وش السبب ولاطلعت بنتيجه .. رحت لاهلي والكل منصدم عرووس وثاني يوم
عندهم .. بدات عاد الاتصالات بين امي وخالتي ام زوجي حتى هي منصدمه من الموضوع
قالت لي اصبري وبشوف وش السالفه وصبرت يوم يومين وطلع فيه عين شيطانيه لانه ماتحصن يوم
العرس وصار يقرا عند شيخ كل يوم له شهر وهو يقرا ولا تغير شي اذا ذكروا اسمي عنده يتضايق انا كلمته يقول احس بضيقه في صدري
وهالشي مو بيدي .
انا مليت ونفسيتي تعبت فيه من اهلي من يقول تطلقي وارتاحي وفيه اللي يقول اصبري شده وتزول
الحمد لله انا اصلي وادعي له بكل صلاه
ابي رايكم فيه احد صار له مثلي وش اسوي تكفون ابي مشورتكم 😆 🙄
