شي ضروري للبشره اخذته من خبيرة التجميل شخصياً.

بما اني من زمان مانزلت موضوع
قلت انزل شي مومنقولمن اي منتدى يعني
عن طريقي انا شخصيا
قبل اسبوع جاتني دعوه من شركة تجميل معروفه
لحضور(( دورة في العنايه بالبشره))
بصراحه كانت مفيده جداً<<كأني طولت عليكم

طيب ببدأ بالتفاصيل
وبالنقاط المهمه
أولا:
مثل ماتعرفون البشره نفسهاتتكون من من ثلاث طبقات وهي:
1<<سطح الجلد وفيها المسام.
2<< قنواة المسام وبجانبها غده دهنيه وغده عرقيه
3<<خلايا الجلد الجديده

عشان نحافظ على بشرتنا من البقع الداكنه
وآثار حب الشباب لازم لنا عنايه يوميه
وهي شي أساسي لازم تحافظين على هذا النظام عشان ماتتعب بشرتك
المحافظه اليوميه في ثلاث خطوات:
1<<الغسول
الرغوي للبشره الدهنيه والمركبه
والكريمي للبشره العاديه والجافه
طبعا هو من وظائفه يفتح المسام بمعنى آخر ينظف سطح البشره فقط
2<<التونر
يستخدم بقطنه ويمرر على الوجه والعينين
يزيل الرؤوس السوداء والبقع الداكنه مع المداومه عليه
يطهر المسام وقنواتها يعني موسطح البشره فقط
3<<المرطب
يكول تعويض البشره الفيتامينات الناقصه اللي تسبب له الجفاف

لابد ان نستخدم الثلاثه مع بعض
عشان تكون بشرتنا كبشرة الاطفال ناعمه وحلوه

يبقى لنا الخطوات الاسبوعيه بنزيد على خطواتنا اليوميه شيئين مهمين ونستخدمهم من مرتين الى ثلاث مرات اسبوعيا وهم:
1<<الغسول
2<<المقشر(سكراب) طبعا طريقة استخدامه يكون الوجه رطب قليلاتفركينه بطريقه دائريه من الانف الى الاذنين ولايستخدم على العين
بعدها نمسحه بفوطه رطبه
طبعا المقشر يساعد البشره على تجديد خلاياها لان البشره تتجدد كل 28 يوم
عشان كذا يكون فيه بعض الايام سمره بالبشره بدون سبب يذكر
3<<نستخدم التونر والتوونر مثل ماقلت يمسح بالقطنه على الوجه ويمرر على العين يعني مايظرها
4<<قناع الوجه يوضع بعد التونر لمدة لاتقل عن 15 دقيقه الى 20 دقيقه
نغسله بماء دافي
5<<آخر خطوه هي المرطب
طبعا فيه انواع من المرطب للبشره
وكل شي له وظيفته:
1<<كريمات النهار
ترطب تحمي البشره من اشعة الشمس
لكن لاتغنيك عن وضع واقي الشمس بعد عشرة دقائق من وضع كريم النهار

كريمات الليل :
تنشط الخلايا وتجددها
ملاحظه:
استخدام كريمات النهار في الليل والعكس يسبب اكسدة الجلد وزيادة التجاعيد.

اتمنى تكونوا استفدتوا من دورة العنايه بالبشره مثل مااستفدت منها.