قل خيراً او اصمت!

السلام عليكم ورحمة الله وبركاته
كيفكم فروشات ..؟ ان شاء الله تكونون بخير وسلامه

حبيباتي انا اليوم بطرح ظاهره سخيفه بالمنتدى
النقد والتعقيب على المواضيع بطريقه زي مايقولون شوارعيه
يعني ياقلبي اذا انتي عندك رأي وانتقاد اختاري الفاظك
والنقد هذا كوم والتحليل والتحريم كوم ثاني

انا نزلت هذا الموضوع في قسم المستعمل لاني شايفه ان البنات اللي يبيعون شي نادر مثلا
او غالي ياكافي الله يفكهم من السنه البنات
ويجون يقولون حرام ليه كذا
او على ايش هالسعر

انا ما اقول لا تنتقدين .. بالعكس انتقدي
بس باسلوب يعني ممكن انك تقولين على الاقل بالتوفيق
مو تدخلين وتذمين بالبضاعه وتقطيعين رزق البنيه
ومجال النت مفتوح للكل
والمنتدى هنا عرض وطلب
يعني منتي مجبره على شي
واذا انتي بخاطرك شي ارسلي لها رسالة خاصه وانصحيها

والله انا ما كتبت هالموضوع والا وانا شايفه ردود والله الواحد يستحي انه يقراها

ويكفي انك تحسنين بالبنت وتكتبين دعاء او ذكر او حتى للرفع وتاخذين فيها حسنه
والا عشان يعني محد عارفك يصير لسانك يلوط اذانك زي مايقولون
يختي على الاقل حطي باك واطلعي من الموضوع وبس
وتذكري .. بين الشاري والبايع يفتح الله
وهذا كلامنا حنا العاميين
بس تعالي شوفي وش يقول الرسول عليه الصلاة والسلام

جاء عن النبي (صلى الله عليه وسلم) أحاديث عديدة تحذر من آفات اللسان منها:

” من كان يؤمن بالله واليوم الأخر فليقل خيراً أو ليصمت”
(متفق عليه عن أبي هريرة)

وجاء عنه(صلى الله عليه وسلم):
رحم الله امرءاً قال خيراً فغنم ،أو سكت فسلم”.
(رواه ابن المبارك في الزهد بإسناد حسن) وروى بطرق أحرى.

ولاتنسون الحديث الرائع بكل معانيه
رحم الله امرى سمحا اذا باع وسمحا اذا اشترى

يعني للبنات اللي تقعد تقول خفضي – مايسوى خفضي – مايستاهل خفضي
وين حنا بحراج ..؟
يعني هي البنت قالت قابل للتفاوض يعني مستعده تنزل مو تتخسر نص السعر ياكافي
والله انا مره عرضت شنطه جديده ب 2000 ووحده تقولي اذا تبين 100 انا شرايه
خير ان شاء عسى ماشر
اتصدق فيها احسن من 100 ريال والله عجب 👿

شوفو معاي ردود بعض البنات الله يهديهم