عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اكيد الكثيرات منكم سمع عن السفيد اب وداخوا السبع دوخات….. عشان يلقونه…..ما لقوه
وهذا لسببين:
**الأول :إنه مب موجود أصلا في السوق
**الثاني:إن العطارين ما يعرفونه باسم سفيد اب ويعرفونه باسم ثاني وهو ( اسبيداج بندقي )
هذا الكلام قريته من منتدى نسائي وصاحبة الموضوع تقول إنها لقته في الرياض باسم( اسبيداج بندقي) في سوق ينقاله حلة القمصان
أما عندنا في دبي ينباع عند العطارين الايرانيين ويعرفونه بالإسمين
شكله:
هو يجي على شكل حجر ابيض بس اللي لقيته بودره يعني مطحون وهو مثل بودرة التلك ابيض ناصع تقريبا
………….اذا جاك بيج او مصفر فهوا مغشوش ……………
مفعوله ونتايجه :
يقال انه يبيض البشره ويشدها وينقيها ومفعوله يبان من اول استخدام يعني تحسين انك حاطه بودره بعده ……
اما بالنسبه لطريقة استخدامه:
يمكن استخدامه بدون أي إضافات
الصراحة االموقع فيه أكثر من طريقة مع إضافات (بحاول أنقلهم كلهم)
هذه الخلطة الأولى:
خاصة للعرايس:
اول شي نمسح ليمونه علي جسمنا كله (مساء قبل النوم)..وبعدين عقب ماينشف نحضر روب(زبادي)…..
.وبعدين نحضر شي من الصخر ينباع عند (العطار) اسمه سفيداب لونه ابيض ,,,نطحنه ونخلطه مع كريم جلسريين …
ونغسل جسمنا من الليمون والروب…ونحط الخلطه الكريم على الجسم ..
وهذه الخلطة الثانية :
افركي جسمك بكريم
مكون من
كريم جيليسرين
وصخر سفيداب مطحون
بعد ماتستحمي بمويه دافيه حطيه على جسمك وافركي باليفه المغربيه
وممكن تجربي الجلوسليد مع الليمون والفكس والمويه الورد
وهذه الخلطة الثالثة
بياض ونعومة الجسم:
– حمام مغربي مع ليفته.
– سفيداب ع ليفته
– سكر خشن وزيت زيتون
تؤخذ صخره من السفيداب وتنقع في ماء الى ان تتخثر ..
بعد غسل الجسم تحت الدش ويكون حار شوي… يوضع السفيداب على الجسم
10 دقائق..وبعده يفرك بالليفه.. ثم يترك عدة دقائق ويغسل الجسم.
ثم يفرك الجسم بصنفرة السكر والزيت بشكل دائري.
هذا يستخدم مرتين بالإسبوع.. ومره الحمام المغربي ونفس الطريقه…
وبعد الإستحمام يدهن الجسم بالجلسرين السائل وزيت اللوز المر.
للعلم فقط الموضوع كله منقول من الألف للياء ولكنه أخذ مني جهد كبير جدآ
هذا كله عشان خاطر عيونكم
أن شاء الله نستفيد كلنا
اللي عندها أي معلومة
ياريت ما تبخل علينا
بها
إختكم dubai2
