عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
شخبآرِكم يآبنآآآت؟؟؟
موضوعي هذا ابراء للذمه
شفت بعض من العضوات اذا عاجبهم شي معروض يقولون نبيه خلاص وتاخذين كلمه منهم وتحجزينه لهم وتوقفين عرض عليه تجيك بعد فتره تقول لك خلاص لقيت طلبي والله يوفقك ببيعته والا تقول لك ماناسب اللي عندي أو تقول لك سعره ماناسبني مع ان السعر مذكور من البدايه بس مادري وش الهدف هل هي مضيعة وقت !!؟؟
او بعض من الاعذار الثانيه ……..ألخ
والا تجيك عضوه تقول لك ابيه خلاص وتجلس فتره وهي كل شوي بعذر واذا قلتي لها تبينه تقول ايه ابيه بس عندي ظروف أو ادور حساب ثاني احول لك عليه او ماعندي أحد يستلمه أو … أو …ألخ
ومن هالاعذار اللي احيانا تستمر لشهر كامل واذا جاريناهم يمكن تستمر لشهور مو شهر بس
انا مثلا قبل فتره عرضت جوال للبيع والجوال كان جديد صحيح مستعمل بس جديد موديله جديد يعني بالاسواق مانزل سعره وتعرفون الجوالات كل ماراح وقت على موديله ينزل سعره يعني يمكن بااسبوع ينزل سعر الجوال والاخت الكريمه جلست تماطل لمدة شهر مع اني عارضته بسعر حلو بس بعد ماراح شهر نزل سعره بالاسواق واضطريت اني ابيعه لشخص ثاني بااقل سعر لان نزل سعره خلاص
الاخت هذي جلست لمدة شهر وهي تماطل والمشكله ليت ظروفها وحده او عذرها واحد نقول يمكن ماانحلت كل شوي تطلع لي عذر وكل ماانحل عذرها طلعت عذر ثاني واستمر هالوضع لمدة شهر ولو جاريتها كان ممكن استمر هالحال لمدة سنه وهي مااخذته ههههههههههه
واخر شي بعته لشخص ثاني وطبعا اختنا الكريمه زعلت اني بعته قلت لها انتِ جالسه تماطلين ومااحسك جاده بالشراء
وعشان كذا ابراء للذمه الحجز ممنوع والاولويه للجادات اللي تسلم المبلغ قبل
اما اللي تقول انتظري علي واحول المبلغ ومادري وش وبالاخير تسحب لا
يعني انتِ تشوفين المعروض عاجبك خلاص خذيه مو عاجبك لاتجلسين تماطلين
واذا تبين تشاورين اللي عندك وتفكرين بالشي قبل لاتاخذينه لاتعطين كلمه انك تبينه وخلاص جاده
بعد ماتفكرين اعطي كلمه
اتمنى وصلت المعلومه للكل لاني مابي اشوف وحده تزعل ان اللي تبيه راح عليها
واتمنى اني ابريت ذمتي ومادخلت بالشبهات
ياليت اللي تمر على الموضوع ترفعه ولو بدعوه عشان يوصل للكل
بالتوفيق للجميع .,
