عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
حابه أعرض لكم أغراض أخت الجديدة
وبصراحه أحبها بس مضطرة أبيعها لأني مستحيل استخدمها ثانية
وما أبي أجمع علي أغراض زيادة يكفي ملابس البيبي وحوستها 😥
بسم الله , توكلت على الله ,
المجموعة الأولى قطعتين من تصميمي
+ أكسسوار هدية
القطعة الأولى : قميص رضاعة
مقاس s وطبعاً يلبس إلى L لأن مقاسات قمصان الرضاعه كبيرة
القميص طويل ونص كم , بس أنا خليت الكم أطول بالقماش الصيني
وخليت القميص ميدي ” على نص الساق ” وأسفله قماش صيني
والصدر لبسته من نفس القماش وأضفت الأزارير …
القطعة الثانية : مهاد ” كوفلة ” للبنت أبيض والأطراف قماش صيني
الأكسسوار: طوق
وبصراحة أنا اللي مسويته أي كلام ولا حسبته بالسعر يعني حطيته هدية فوق البيعة
هو باللبس طالع جميل ومرتب بس إذا شلتيه تلاحظين إن الشغل مو نظيف مره ❗
وفيه قطعة قماش ” صغيرة مرة ” باقيه عندي , يعني تصلح تسوون فيها ربطة للبيبي !
سعر التكلفة : 400 ريال
سعر البـيـعة : 200 ريال
الاستـخـــدام : 5 مرات , كلها أقل من ساعه
الــجــــــودة : 100% نظيف ولا فيها أي خلل
المجموعة الثانية قطعتين من تصميمي
+ أكسسوار هدية
القطعة الأولى : بطانية أوف وايت وعلى جميع أطرافها كلفه
القطعة الثانية : مهاد ” كوفلة ” طبقات بالكلف من أوله لآخره
الأكسسوار : عبارة عن وردة تتثبت عليه بعد الللف
سعر التكلفة : 500 ريال
سعر البـيـعة : 300 ريال
الاستـخــدام : مرتين , في استقبال المستشفى
الـــجــــودة : 90% نظيف ولا فيها أي خلل
فيه بقعة صغيرة على داخل ما بيّنت نهائي ما تجي 1.5×1.5سم
بصراحة مدري هي كوفي أو تشوكلت بس إنها ما نظفت مع الغسل !
والسعر مرتفع لأن متر الكلفة غالي واسهلكت أمتار كثيرة
والخياط ما قصّر علي بالسعر , يقول خياط الطبقات صعب 😛
فساتين السهرة
الأول : قماش حرير أسود .. مقاس S / XS
الثاني : قماش قطعة كاملة .. مقاس S / XS
سعر التكلفة : 700 ريال
سعر البـيـعة : 100 ريال للواحد
الاستـخــدام : كل فستان مستخدم مرتين فقط !
الـــجــــودة : 100% نظيف ولا فيها أي خلل
الثالث : جاهز .. مقاس S ويلبّس M بالراحه
سعر التكلفة : 1200 ريال
سعر البـيـعة : 800 ريال
الاستـخــدام : مرة وحدة أقل من ساعه , في ملكتي
الــــجـــودة : 100% نظيف ولا فيه أي خلل
في الرياض التسليم يد بيد في مجمع ” سلام مول / الفيصلية / الرياض غالري “
أو عن طريق الشحن , وفي خارج الرياض طبعاً عن طريق الشحن
في الخبر برضو تسليم يد بيد للي حابه في ” مجمع الراشد / الظهران مول “
والشحن طبعاً على حسابكم وأتم اختاروا أي شركة حابين أشحن لكم عليها
الله يعافيكم لا يراسلني إلا اللي جادة بالموضوع والله لا يحلل اللي تضيع وقتي
والأسعار اللي حطيتها شبه ثابته , ولو حصل تفاوض بيكون بحدود المعقول
يعني ما راح أنقـّص شي كثير لأنها مكلفتني واجد واستخدامها نظيف
اللهم أرزقني رزقاً حلال .. وأغنني بحلالك عن حرامك
😈
