عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الـسلام عليكم يا فراشاااات 
انا فراااااشه جديده وحبيت ابدأ مشواري معاكم بتجربتي الخاصه “زفتي” 
عشان افيد كل العرايس الحلوين المقبلين على دخول القفص الذهبي
زفتي كانت غريبه وفخمه وحلوه وشياكه عالاآآآآآخر
زوجي واهلوا والمعازيم كلهم اتجنن عليها
حتى منسقة القاعه قالتلي: انتي احلى زفه مرت عليا من اول ما بدأت اشتغل هنا
فعلا يا بنات كانت شي جوناآآآآآآآآآن
ببساطه انا كنت اسمع اغنية حبيب الكل راشد الفارس ::تنام حبيبتي بدري::
على الاي بود نانو حقي الي جبلي هو توأم روحي يوم الملكه
ولاني اعشقها وزوجي يعشقها قررنا ننزف عليها والي عملناه هو كالتالي 😳
اخترنا الكوشه انها تكون ستان ابيض يلمع ؛ وفي النص نازل قمر ونجوم بالفلين ومرشوش عليها اكلير فضي؛ ومزجنا مع الخلفيه شكل غيوم بالريش والقطن اعطتها منظر روعه؛ وطبعا ما نسينا الورد .. اخترنا لون الورد ابيض (قرنقل وفل) وطلبت منهم يحطو وقت الزفه اضائة زرقه خفيفه والدخان طبعا 👿
خليتهم يقفلو الانوار كلها وطلعت من باب خلف الكوشه بالزبط على الكوشه واتمددت على الكنبه وسويت نفسي نايمه طبعا بطريقه ناعمه و رقيقه وبعدها فتح النور وسلطت اضواء خفيفه زرقاء عليا مع الدخان وفقاقيع صابونيه
الناس استغربو كلهم ووقتها بدأت الاغنيه 
تنام حبيبتي بدري … وتحلم حلمها العذري اميرة قصرها قلبي …يااجمل بنت بالدنيا ..!
حنونه زي بنات الامس …خجوله وكل حكيها همس ..!في نظرتها يموت اليأس يا أجمل بنت بالدينا ..!
في بسمتها بشاير خير …غناوي بالأماني تطير …على قلبي لها تأثير …وهي قلبي بهالدنيا ..!
بريئه ما تعرف الزيف …مثل نسمه في ليله صيف …حسنها فاق كل توصيف …يا اطيب بنت في الدينا ..!
تنام حبيبتي بدري …وتحلم حلمها العذري …ميره قصرها قلبي …يا أجمل بنت بالدنيا …!
وطلعو بنات الزفه لابسين فساتين ناعمه ولابسين على ضهرهم اجنحت الملائكه كلها ريش مشيوو البنات على الكوشه ورشو الورد على الارض لحدت الكنبه ورشو عليا شويه ورد
وبعدها طلعت وحده بنت من بنات الزفه ماسكه عصايه سحريه في طرفها نجمه واشرت على الباب
و دخل عريسي اخواته الصغار مسكو اياديه ومشيو معاه لحد ما وصل عندي
وانا طبعا الوقت دا كلو مسويه نفسي نايمه ووصل حبيبي عندي 😈
ونزل هو على ركبه وقرب مني وباسني في جبهتي
وقتها انا فتحت عيوني وقمت بنعومه قعدت بعدين حبيبي مسك يدي ووقفني
ورقصنا على باقي الأغنيه
و جو الجاويات الي في القاعه ووزعوا هدايا تذاكريه كانت فكرت حماتي ام تاج راسي;)
كانت عباره عن مخدات صغيره مخيط فيها عباره بالانجليزي
I love you
كانت قمة الرومانسيه والرووووعه
وخالتي الله يطول لنا بعمرها اتبرعت انها تجيب كتيبات صغيره (ابو خمسه ريال) ولصقناها ورى المخدات
بنات احلى شي الواحد يعمل افكار مميزه
وهاذي نصيحتي لكل العروسات ➡ ➡
كوني أميرة فرحك وأبو عيالك
