بنات الرياااااااااااااااااااااااااااااااااااااااااض … ألحقووووا

حبيباتي بنات الرياض وكل بنت عندها خلفيه عن الشي الي ابيه

بنات الله يخليكم لاتبخلون علي بطلباتي << شوفوا طلبات مو طلب ماتنعطى وجه 😳

بنات ملكتي بعد اسبوع وانا وحيده مالي خوات ولا عندي احد اطلب منه مساعده

بنات اول شي محتاجه واحده تسوي لي حمام مغربي مو اي واحده لا ابي واحده شغلها لايعلى عليه وياليت لو تكون تشيل حلاوه ………. هذا اول طلب

ثاني طلب … بنات تعرفون عياده تسوي تبييض للاسنان .. ابي عياده واسم الدكتور وايش نوع التبيض الافضل بنات ابي سنوني تلق .. ابي يكون شغلهم مزبوط ماعليه كلام

الطلب الثالث ….. بسبب مرض اخوي مااستعديت عشان فستان للملكه اذا احد يعرف محل فساتين يكون فساتين فخمه تصلح ملكه دلوني عليه وانا اروح له ركض ولو يحصل بعد فستان فرح 😆 ابيكم تساعدوني بنات ماتتخيلون كيف انا ضايعه

الطلب الرابع …. بنات اذا فيه عيادة متخصصه او مركز متخصص ابي اسوي تقشير لجسمي وتوحيد لون وتنظيف بشره وكل شي يخص العروس الي تعرف عياده او مركز بس تكون مجربته او تعرف احد مجربه بنات ماتتخيلون كيف محتاجه لهالشي جسمي مره تعبان وبهالجسم وبهالالوان الي فيه والله الرجال بتحوم كبده .. ارجوكم لحقوا علي مالي غناة عنكم … الله ماعطاني خوات واتمنى تكونون خوات لي الله يسعد كل بنت تساعدني

الطلب الاخير … بنات انا سمعت عن ان بعض المشاغل او المراكز تسوي تركيب رموش لمدة ستة شهور ابي اعرف يابنات هل هذا صدق يعني فيه ؟؟ واذا فيه فيه احد مجربه .. وحتى لو ماجربتيه فيه احد شفتيه مجربه بنات وين ممكن اسويه ؟؟

واي شي تقدرون تساعدوني فيه عشان تجهيزي ياليت ماتبخلون علي ترا ماعندي اي فكره بهالخصوص وطلعاتي للاسواق مره قليله وما اعرف شي