محتاجة خبراتكم وخلطاتكم الحلوة..

محتاجة مساعدتكم بعد شهرين راح يكون زواج بنت عمتي وطبعا كأي بنت حابة يكون شكلي حلو وفي أي اشياء كتيرة أبغا أسويها وحابة تساعدوني فيها.

اول شيء: الركب- الأكواع-فصوص الايادي – الإبط أغمق من لون جسمي فعاملتلي أزمة …

تاني شيء: رجولي آه وماأدراك مارجولي والله يابنات جلد التمساح يمكن أنعم منها

فعشان كدة حبيباتي أبغى بعض منكم يمسكوا بيدي ويساعدوني ويقولوا لي خبراتهم وأفكارهم وتجاربكم في إزالة السواد من المناطق اللي فوق وماسكات وكريمات ترطيبحلوة للبشرة (دهنية) والجسم وطرقكم في العناية بالرجول واليدات والأظافر وإيش ممكن آكل من الأكل عشان بشرتي تصير حلوة..

بنات والله مانزلت الموضوع إلا وكلي ثقة في إنكم ماراح تخذلوني..

أدري طلباتي كتير بس كلوا حيكون في ميزان حسناتكم وبنات كتير حيستفيدوا وخصوصا اللي عندهم زواجات قريب..

بانتظار ردودكم..

بنات أنا نزلت الموضوع هادا في منتدى نسائي تاني ومافي ولارد واحد فياترى حلاقي وحدة منكم بنت حلال وأصول ترد عليا والا ماحلاقي رد مع إني متأكدة إنكم حبوبات وتحبوا تساعدو الغير بنات وبعدين انتوا ماشاء الله عندكم خبرات كتيرة فلاتبخلو بيها عليا..