قمر حتى في رمضان

السلام عليكم فراشاتي ومبارك عليكم الشهر الكريم يارب ولو انه متأخر ➡
كيفكم يابنات وعلومكم …تدرون توهقت مادريت وين اسدح موضوعي وأخير قررت أسدحه هنا
بما اني ام عيال وراعيه بيت ورمضان كله مسؤليه وشغل وكرف وطبخ ونفخ وأدري اكثركم مثلي الا اني هالفتره شاغل بالي شي أكتشفته مع الوقت ومع الخبره ومع الحياة
وحبيت افيدكم فيه لأنه يغير في الوحده فينا أشياء كثيره:P
في أشياء بسيطه جدا تخلي الوحده تحس انها محلوه ومتقبله شكلها وراضيه عنه..حتى لو كان سنها كبير ولا مليانه ..ترى هالكلام مو بس للحريم المتزوجات تراه بعد للبنوتات
حبيباتي لا تنسون أنفسكم في رمضان وتحت ضغط الشغل ومسؤليه البيت ..تذكري دائما انك أنثى 😛
مثلا حبيبتي الي فوق الثلاثين واكبر اهتمي بلبسك برمضان لاتنسين نفسك ابد قبل او بعد الفطور خلك نعومه ومرتبه لا تنسي شعرك تقولي اخلي الصبغات للعيد وتنسي ان فيه شعرات بيضاء بتظل معك طول رمضان وبتأثر على ثقتك بنفسك 💡 تخلصي من الشعر الزائد من جسمك أول باول تراه يعطي نور للوحده ونظافه ونعومه وجمال ….. مو تقولي خلاص اخليه للعيد !!
والأكل وما ادراك ما الأكل وعمايله ..بغض النظر عن الي يسون دايت وهذا احلى شي في رمضان لان الدايت يصير سهل ..لأن بنكون طول اليوم صايمات..بس قصدي أن نخفف الاكلات الدسمه والملح والحلى انا ما اقولك جوعي نفسك بس اقولك أحسبي لقمتك..لأن الوحده في هالسن جسمها يحبس السوائل بقوه وينفخ البطن والجسم عامه ويخلها تطلع بشكل اسمن واكبر سن..وحتى البشره تتأثر من السوائل المحتبسه فيغمق لونها وتروح نعومتها …جربي ماراح تخسري شي ..جربي أنك مثل ما تكوني طاهره ونظيفه وجميله من داخلك في رمضان تكوني كذا من برا بعد 😎
جاء دور بناتي فديتهم معليش اهتميت بالي في سني بس مانسيتكم ههههههههههه
حبيباتي أنتوا بعد أهتموا في بشرتكم وشعركم ولبسكم في نهار رمضان قبل ليله ..وتذكروا دائما انكم لما تتخلصوا من الشحوم والسوائل الزائده بالجسم بتكونون في اجمل صوره وافضل حال
أهتموا بأظافركم وبشرتكم بالكريمات ولا تنسوا البدكير في رمضان تراه نعومه ونظافه والله
بنات اتمنى أكون أفدتكم بكلامي وسواليفي ❗ وأتمنى كل وحده منكم تشاركني بفكره ولا رأي
😳