مشـــــكلتي مع اتصــــالات .!!!

شحالكم يالربع

من 3 ايااام استوت لي مشكله ويا الاتصالات .!!

الله يسلمكم رحت ابا احجز دومين .ae من الاتصالات باسم ربيعي لان عندي وايد دومينات باسمي ..

اوني قلت اظمن واحسن لو احجزه دايركت من عندهم ,, يوم رحت اول يوم ويا ربيعي ,, يلست وعبيت البيانات وكل شي ,, قالي الموظف خلاص خل الطلب عندنا وادفع 150 قيمة الدومين وراح يتسجل عقب ساعتين لان السستم معلق .. قلت له هب مشكله .. وانا نسييييييييت اني اخذ منه وصل ..

المهم اتريت لين اليوم الثاني الدومين مانحجز .!!!

رحت لهم مره ثانيه .. وشفت واحد ثاني هناك يالس مكان الريال الي عبيت عنده طلب الحجز .. قلت له الموضوع قالي الطلب موجود بس عليه هولد لانك مادفع المبلغ .!!

قلت له عيل كيف الريال استلم الطلب ودخله فالسستم يوم اني مادفعت المبلغ ؟!! وعلى اي اساس تاخروني يوم كامل انا مابتم كل يوم اراكض .. قالي بشوفلك الموضوع .. عقب شويه قالي خلاص الدومين انحجز بالاسم الي انت عطيتنا اياه وراح نطرش لك ايميل بباسورد الدومين .. قلت له هب مشكله .. وجيه البارحه فليل متلاقي ويا ربيعي عسب نرتب موضوع الدومين .. ووصلني الايميل ع البلاك بيري ..

لقيت مكتوب

Dear ….
والقبيله هب قبيلة اربيعي .!!

استغربت ؟!

دقيت لهم ورد عليه واحد .. قالي الدومين مسجل فالطلب بالاسم الي انت حطيته بس اسم المستخدم اسم ثاني .!!

قلت له كيف جيه .. بالعقل انا مسجلنه باسم ربيعي كيف يتسجل الدومين باسم ثاني ؟!!

يعني فالطلب اسم والي تسجل اسم ثاني .!!

راح لهم اليوم ربيعي وخبرهم بالموضوع .. قالو الدومين مسجل باسمك .!! بس يوم اجيك ع موقع دومينات اتصالات الدومين مسجل باسم ثاني بس الايميل ايميلي ..

مع ان دوميناتي كلهن مسجلات باسمي .. الا هذا تسجل باسم واحد ثاني ..