عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكمكيفكم يا احلى بنات بالدنيا
انا اليوم ماجيت اشكي 
قبل سنه وعليها كانت الدنيا مسدوده بوجهي
وكنت دايم ماده بوزي
عشان اشياء كثيره
الوظيفه والزواج ومشاكل بالبيت والخ الخ
لكن اليوم فررررررررررق كبييييييييير
البنات بالقسم ماقصروا ذكروا التقرب الى الله بس كان الهدف من ذا كله انك تعرسينطيب ليش ماتنسين العرس كله ومتى ماجاء حياه
بس مو زي الحين تقعدين تنتظرينه ويدك على خدك
مو احسن لك تنسينه؟
الحل موجود
وهالشي انا جربته
وجربوه انتوا بعد راح تتغيرون عالااااخر
بس اقروا كلامي للاخر عشان تفهمون وش انا مسويه بالضبط
اول الحل : لاتقعدين لحاااالك اختلطي بالعالم
مو عشان تتزوجين لا لا اتركي عنك الزواج
اهم شي المزاج يصير تمام والعرس متى ماجاء يجي اصلا راح تنسينه
ليش؟
لأنك راح تلقين اهتمامات ثانيه مع الناس
وبعدين لاتختلطين مع اي احد يذكرك بالعرس
يعني صديقاتك المتزوجات لاتكثرين طلعات معهم لأن سوالفهم كلها زوجي وزوجي وعيالي ومدري وشو… وهالشي يخليك تقلبين المواجع
لا ياحلوه روحي مع اي ناس راعين فله وسعه صدر
عني انا شخصيا انشغلت بتويتر والطقطقه فيه يمر الوقت بدون ما احس وما اتابع النفسيات بس اتابع راعين الفله والضحك
وبرا النت سحبت على صديقاتي وصرت اماشي صديقات اختي اللي اصغر مني وافلللها بنفس هبالهم وصرقعتهم ( اهم شي لايكونون صغار مرره ) يعني حقين ثنوي وفوووق كويسين ومابتكوني بالنسبه لهم كبيره اذا انتي طلّعتي روح الشباب والحيويه المكبوته فيك
انتي شوفي وش يناسبك سواء بالنت او برا النت
هذا اولا
ثانيا: بالبيت انشغلي بأي شي شوفي تلفزيون اسمعي الاذاعه وبرامجها اللي كلها اخبار مالها هدف مثل اخبار “( اغبى حرامي , سيده اوربيه صلحت فندق دجاج ), هالسوالف اللي مالها سنع راح تضحكك وبنفس الوقت تستمتعين فيها
ثالثا: اذا عندك اخوات صاحبيهم وبرضه اخوانك الاولاد اذا فيهم روح الشباب وباقي ماصاروا كبار وثقل
فليها معهم وشاكسيهم
لاتقولوين وش طولي وش عرضي واستهبل معهم.. لا ياحلوه
بالبدايه اجبري نفسك ومابيمر شهر الا يصير طبع فيك
<< وترى اهلك اذا تعودوا هبالك وحركتك بالبيت يفقدونك اذا غبتي
ونقطه ثانيه.. امك وابوك اذا هم احياء فلّيها كمان معهم
شاركيهم افكارهم وخليك صندوق السر حقهم
حتى لو ماعجبهم الوضع بالبدايه راح يتعودون بعدين
<< امي زمان كانت كل يوم تسمعني دعاوي الله لا يوريكم
اليوم صارت كل ماصار شي بالتلفزيون نادت علي: تعالي شوفي معاي وتابعي
وتستشيرني بكل شي .. سبحان مغير الاحوال 
وبالنهايه انا مسؤوله عنهم.
” لاتشترين طيور الا بعد ماتصير نفسيتك نحو الاحسن مو وانتي نفسيتك تعبانه لأنه لو نفسيتك تعبانه ماراح تهتمين وتفضين لهم “
خامسا:
هواياتك المدفونه ياحلوه طلعيها كلللللللها
فاهمه يعني ايش كلللللللها 
احوووبكم
