عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته,,
صبآح/مساء الخـــــــــــــــــــــير ع الجميع
كيفكم كروشات واللي فكوا البقشه وحشتووووني بس ما وحشني القسم 
وما كنت أحس ببوادر ولادة الموهيم جاء الليل وتعشينا ونمنا و
وع الفجر قمت للحمام الله يكرمكم وحسيت بشي نزل قولت معقوله ماني قادره أمسك نفسي أنا ف الشهور الأخيره كترت روحاتي للحمام لأن الضغط يزيد ع المثانه
وبعدين ما شفت مويا كتير قولت لا ي بنت ما في شي وبأطلع إلا أحس بشي ينزل وماني عارفه أخاف أكمل نومي وتطلع مويا وأخاف أروح المستشفى ويقولوا ما في شي 
وبطني حسيتها قاسيه وهوا ما يتحرك مرا خوفت جلست أحرك يدي عليها شويا الحمد لله اتحرك واتطمنت
وجيت بأطلع وأحس بشي قمت حطيت مناديل إلا لون المويا ع وردي هنا عرفت إنو ما يبالها أكيد دي المويا
وروحت إتوضيت وصليت الفجر مدري صلاتي صح أولا ؟؟؟
وصحيت زوجي ياقلبي كان نايم دواموا ف الصباح وقام مفجوع قالي تعبانه قلتلوا المويا نزلت قالي يلا إتجهزي وإحنا ف السياره جاء مغص خفيف وراح وبعد 5 دقايق جاء وزوجي ماسك يدي يقول في ألم قلت إيوا ولما وصلنا المستشفى من الفجعه إختفى الألم هههه كانت الساعه 6 صباح
وطلعنا لغرف التخطيط وقالت إش سار قلت المويا نزلت قالت كتير ولا شويا قلت يعني
وراحت وبعدين جات سوت تحليل دم وراحت وجات وحده مصريه وقاست مرا عورتني يدها مرا عفشا
وراحت وما قالت شي
وجات الدكتوره المناوبه قبل ماتروح وكشفت قالت من 4-5 سم بعدين حسيت بألم وهيا عندي قالت في ألم قلت ايوا قالت بكشف قلت لها لا لا خلاص راح خخخخخ
وكلمني زوجي وقلت له .. والألم يروح ويجي وجات ممرضه سعوديه حطت لي أكسجين وراحت واللي جنبي طلع صوتها وأنا مرا خوفت
بعدين حسيت جسمي يرتجف ما أددري هوا خوف ولا برد حزنت عليا الممرضه
بعد يمكن ساعه جات الدكتوره وكشفت قال 6سم ما شاء الله , وكلمني زوجي وقلت لو قالي أجيب لك أكل قلت لحظه أسأل وسألت الممرضه وقالت للدكتوره قالت لا بس مويا قامت جابت لي وكلمتو وقلتلو لا ممنوع,,
وبعدين قلت لممرضه فلبينيه بروح الحمام وإنتو بكرامه قالت لحظه بكشف قلت لا قالت سويا سويا
وصح ما عورتني ولما روحت قالوا غيري لبسك لأنو المكان انعدم
ورجعت لسريري وأحس الألم بدأ يزيد قولت للممرضه السعوديه أبغى مسكن وكلمت الدكتوره وجابت زي الإبره وحطتها ف الوريد والله مدري هوا مسكن ولا طلق صناعي لأنو الألم ما خف 
قلت لها ما خف الألم قالت هوا مو قوي
وجلست أدعي وأقرأ آيات أحس نسيت كل شيوكل شويا يتصل زوجي يتطمن,,
وكل شويا يزيد الطلق ع الأقل أول كان في راحه بين كل طلقه دحين لا بينو دقيقه ونص أو دقيقه
الموهيم بعدين سرت أحس بدفع وقعدت أدفع وأقوم وأجلس مو قادره أنسدح أبغي أجلس وأدفع
ونزلت التخطيط قامت قالت لي كدا ماينفع لو شافت الدكتوره التخطيط ح تقول قيصري قلت بس برتاح بعدين حطيه والله هوا اللي يضايق أكتر شي بعدين قالت لي يلا لمتى لأني غفيت شويا مرا نعسانه كنت,
قلت لحظه بعدين قلت مافيها بتحطو بتحطو وحطته وراحت وقلت بروح الحمام قالت لحظه نكشف وقالت للفلبينيه قالت لها أنا أول سوي كشف 6 بس شكلو كان يا 7 أو 8
وروحت الحمام تكرموا كنت مرا أحس بدفع واستغفر الله ف الحمام مرا أرتاح وما أبغى أخرج
ولما خرجت رجعنا للي ما يتسمى التخطيط تخيلوا حتى الجهاز اللي ف الإصباع ما أبغاه مرا كنت متضايقه خصوصآ لأني لوحدي
دعواتكم لي ولزوجي وولدي 
