عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عندي فساتين وابي ابيعها منها خياط ومنها جاهز انتوا شوفوا انا بحط الصوره ووصف القطعه وسعرها واللي يعجبها شي ماراح اقصر معها ان شاءالله .
الاول:
هذا تنوره وبلوزه تفصيل لونها خربزي وفيها فصوص فضي وللامانه ما انلبس ولا مرره البلوزه سواريه وفي على الرقبه حبل وفيها اسفنج للصدر والتنوره طويله ومن وراء ذيل ومقاسه يلبس من وزن 50 الى 60 يعني تقريبا m او L والموديل جدا هادئ.
السعر :300
الثاني:
فستان موديله عادي قماشه مدرج من العنابي الى الوردي الفاتح وفيه ورود صغيره ورديه وفصوص يلبس m و L
السعر:200
الثالث:
قطعتين مره حلوه عباره عن بلوزه عنابيه بقماش مشغول وفيها ياقه ومن وراء اكس على الظهر وتنوره تفته عنابي ساده فيها فتحه من النص لين الركبه تقريبا وفيها مثل الحزام شيفون مشبوك ببكله كريستال في النص وله شال شيفون عنابي
السعر: 300
الرابع:
فستان مررررره هادئ وياخذ شكل الجسم ويصلح لاي مناسبه كبيره او صغيره لونه خربزي على برتقالي وطويل وله سيور وشال
السعر : 100
الخامس:
قطعه صراحه مرتبه لبسته بصراحه مرتين والكل انهبل عليه هو عباره عن بلوزه سواريه قماشها صراحه غريب مدري كيف اوصفه بس يعتبر مشكوك وفيه كلف ودناديش (اتورطت) وتنوره تفته ساده عشبي ومن الجنب شيفون بادي من فوق لين تحت كسر بلاسيه وله شال شيفون نفس اللي في التنوره (تفصيل) ويلبس من m او L
السعر :300
وباقي 6 ثانيات بس تعببببببت وترا الاسعار مطيحه منها اكثر من النص يعني لعيون اللي يعجبها وانا تحت امركم اللي تبي اي قطعه تقول رقمها او وصفها وتراسلني على الخاص عشان اعطيها رقمي واكلمها واروح لها مكان ماتبي واوريها القطعه اذا اقتنعت كان بها ما اقتنعت الله يعوضني لان لازم اللي تشتري تشوف البضاعه طبيعي وهو بصراحه التصوير شوه الملابس على العموم انا من الرياض
