عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
🙂صباحكم ورد ،،،ومسائكن فل وياسمين …
&& الكل منا عارف التقويم المستمر للمواد الدراسية واللي أبي أعرفه هل أنتي من المعارضين أم من المؤيدين له وش الأسباب …أنا سمعت ولأ ادري عن صحة الخبر أنه ممكن ترجع الأختبارات زي قبل ..
&&وهل ترغبين بدفاتر الواجبات للماده أو يكتفى بالحل والانشطه اللي في الكتاب ..
أبي تفاعل بالله نبي نشوف وجهات نظركم …
بالنسبة لي ….أفضل طريقة التقويم المستمر لأنها طريقه مرنه وفعاله اذا استخدمتها أو استخدمها الطاقم التعليمي بشكل سليم وفعال لأنها طريقه من اسمها تستمر المهاره طول السنه مع الطالب لين يفهم ويتقن المهاره ..صحيح انه يطلع فيه تشابه بالمستويات بس المدرس الواعي يقدر أنه يميز بين كل طالب وطالب ولو بالهدايا ..كمان خففت من حالات الخوف اللي ممكن يعيش فيها الطالب قبل الاختبار ..وكذالك ضربات الحظ لأن الطالب ممكن يتلخبط ويضيعه سؤال ما يكون فهمه فتضيع الدرجه عليه ..
بس الأهم أنه يكون فيها إختبارات مبسطه يوميه أو اسبوعيه بالشكل المناسب …
&&الدفاتر ..ما أرغب فيها لأنها تسوي زحمه للطالب وتشغله عن أشياء أهم المفروض المواد العلميه مايكون له دفاتر ويكتفى بالكتاب، الكتب الحين مرررره حلوه ومليانه انشطه وممكن يعمل اوراق عمل أو كراسات أنشطه من مجهود المعلم وتكون على مجموعه من الدروس ..بشكل جذاب ..وطبعا أيا كانت الطريقه يرجع التميز لمجهود المدرس والأهل مع الطالب ..
بس ممكن مادة القرأة والاملاء ياحبذا لانها تساعده في تحسين خطه والتمرس على الكتابه … 👿 اتمنى اشوف وجهات نظركم ..
