عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يا بنات النيل
هلت علينا السنه الجديدة ربنا يجعلها سنه سعيده على مصر
كلها ايام ويهل علينا اول عيد للثورة 25 يناير
كل واحد بيستعد يحتفل بطريقته
اللى هينزل يحتفل في الميدان
واللى هيقعد في بيته منعا للتظاهرات
وللاسف في نوع تالت بيجهز لاحتفال خاص ….تدمير البلد
للاسف في جماعات بتنادى بثورة جديدة يوم 25 يناير وانها ثورة ….مش سلمية
وانهم بيستعدوا لحرب مع العسكري لاجباره على التخلي عن الحكم
خدتوا بالكم من حرب مع العسكرى …حرب مع جيشنا
الفئة دى عايزة الشعب يقع في حرب مع الجيش
يا نهار …. ؟؟؟
عايزين يولعوا البلد
هما للاسف مش هيستنوا انه الجيش ينزل لهم ..؟؟
لا دول ناويين يطلعوا على وزارة الدفاع راسا
وطبعا بيقولوا ان اى رد فعل من الجيش هيتبعه رد فعل اعنف منهم
وطبعا هيبقي في النص ناس تشعللها حتى لو الجيش تحكم في نفسه هما هيحاولوا يستفزوه باي شكل واى خطا ولو بسيط من اى مجند طبعا هما اساتذة
هيصوروه وينشروه بطريقتهم لتهيج الراى العام والناس وساعتها هيبقي اللى بيعملوه في البلد رد فعل على عنف الجيش
للاسف الناس دى واللى وراها عاوزين البلد متقفش على رجليها خصوصا لما الانتخابات جت باللي مش عاوزينه
اسلاميين
للاسف هما عاوزينها دوله منحله
انا مش بجيب الكلام ده من عندى
في فيديوهات بتنتشر دلوقتى لحشد الناس
اتفرجى معايا
وده واحد كمان
ارجوكم وارجوا اى مصرى بيحب مصر الزم بيتك
خلاص المشوار قرب يخلص
وعملنا مجلس شعب وبكرة مجلس الشورى
وبعدها يتفتح باب الترشيح للرئاسه واختار اللى انت عاوزة
وساعتها البلد هتستقر
ومحدش يقول المجلس العسكرى حاجه والجيش حاجه واحنا عاوزين المجلس يمشى ويتحاكم
المجلس العسكرى هما قادة جيشك ولما فجاة تحاكم كل قادة الجيش مين هيمسك مين هيعين غيرهم الا رئيس الجمهوريه
….اللى لسه مجاش؟؟؟
وبعدين في الاخر اللي هيموت شاب مصرى بسيط
او مجند مصرى غلبان نفسه الايام تجرى ويخلص جيشه ويرجع بلده ويعيش حياته
اتقوا الله في مصر وبلاش الدم يملىء ايدين الكل
العالم كله احترمنا بثورتنا السلميه البيضاء
بلاش تخلوه يضحك علينا لاننا شعب غبى موت ثورته بايده ورجع بلده لعصر التخلف واقحمها في حرب الشوارع
لك الله يامصر
اللهم انى استودعك بلدى فانك لا تضيع ودائعك
