عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يابطات..
يعلم الله اني من قبل ما أولد وانا افكر اكتب لكم قصة ولادتي..لأني كنت اتحمس كثييير لقصص الولادات..بس كل ما انوي اكتبها..هييييء يوجعني بطني..الحين يوجعنني بس معليه خليني اسولف لكم..
وان شاء الله تستمتعون معاي..يااااه ياحلو الذكريات..
بنات انا بكتب الين اتعب وبعدين بكمل.زلاتقعدون تزعلون ومدري ايش تحسبوني اتقصد..وانشاء الله ان شاء الله اني اخلصها كلها..
بسم الله..
بداية..انتم تعرفون ان بالاشهر الاخيرة تصير المراجعة كل اسبوعين..اخر مراجعة لي كان فيه بعدها اسبوع..وبعدين كانت اجازة اسبوعين ما فيه مواعيد..<<بعدين قالولي كان علمتينا نعطيك موعد لمستشفى الملك خالد لأنه كان يداوم بالاجازة..وانا كنت اراجع بمستشفى الملك عبدالعزيز
المهم رحت وكان مر على اخر مراجعة لي 3 او 4اسابيع..رحت في يوم20-والدكتورة كانت متوقعة لي الولادة بيوم21
المهم يوم كنت في الانتظار جات الممرضة قالت:التوووووووووووت ماولدتي لدلوئتي؟؟؟كوول الي معاك ويلدوا!!!!
يوم بدت النفاضة..قلت لها احسن انا اصلا ودي اولد 1/1
لأن كنا بآخر شهر ذي الحجة..قالت يامقنوووووونه وهو بإيديكي؟؟قلت لا بس لو مايطلع يعني ان شاء الله زين..وش بيضره 10 ايام يعني؟؟
المهم دخلت ع الدكتورة قالت ماااااااااااولدتي ؟؟يوم كشفت علي وكل شي سليم الحمدلله والرحم مقفل قالت خلاص البيبي كمل مدري كم اسبوع نسيتها والله وخطر يجلس ازود من كذا يالله يالله تحويل طلق صناعي لمستشفى الملك خالد..قلت خير وليش مستعجلة يادكتوره؟؟صناعي لأ اذا بيطلع بيطلع من نفسه
هو البيبي سليم؟خلاص الحمدلله قالت لااااااااازم طلق صناعي..الحين انتهى الدوام ماراح يدخلونك بكرى تروحين ..قلت لو تموتين روحة منب رايحة ولا تتعبين نفسك..جت الممرضة الملقوفة قالت يادكتورة هي عايزة تستنى 10 ايام لحتى تولد في واحد-محرم..الدكتورة صار وجهها<<مالقيت فيس يناسب!!
المهم انها صدقت؟؟قالت وانتي حتحبسيه لغاية 1-1؟؟؟؟قلت لاعادت من سوالف انا وهالممرضة..قلت يادكتورة يعني شرايك لو طلع بأدخله؟؟بس انا الود ودي اني ما أولد..قلتلها ترا قبل كم يوم نزل دم خفييف وانا جاية بس اتطمن عن البيبي والرحم..دام الرجم منصك البيبي سليم خلاص..قالت الدكتورة لالالا دخول التنويم اقبااااااااااااااري(اجباري)-شكلها خافت اني صدق ماراح اطلعه-ودقت على زوجي وقالتله السالفة..كلمني زوجي قال جيبي امر التنويم وانتي ساكته..!قلتلها جيبيه اصلا بارميه من ازباله–إيوالله ولدي باطلعه على كيفي..
طلعت قال زوجي اصلا محد مشاورك الحين بأوديك لمسشفى الملك خالد..قلت ولادة ما راح اولد الا من ربي ..قال وهي على كيفك؟انا ابي ولدي بالطقاق انتي!!هيييييييييييء!!قلت خلاص والي يرحم والديك خلنا نرجع البيت اتجهز يعني ونهدأ شوي..وجلست اصيييييييييح لما رحمني ووافق..رجعنا البيت جينا نمنا هذاك النوم يعني تعرفونه والله الي نفس؟؟بس مدري وش طراله -المهم اذن المغرب راح صلى وقمت اتروش..طلعت والقاه قال لحظة لاتصلين..و..يااااااااه انا مالي خلق وتعبااانه قلت يرحم امك شوي بارتاح مااااااااااااابي -ويجي بالغصب-عمره ماغصبني وانا اصرخ– اصلا هو وجهه كاان مايبي خلق زي المغصوب ..هو بعدين قال لي انه لتسريع الولادة..والله انه يابنات عجيب هذا الشي..المهم يوم دخلت اتروش حسيت فيه لسعة واتذكر فيه نصايح يقولون خلي الموية الدافيه على ظهرك. علشان تتأكدي اذا هو طلق صداق ولا كذاب…والدش يضرب على ظهري..يوووووم حسيت زي اللسعة بظهري..!!يمممممممممممممه مدري هو صدق ولا اتوهم ولا افرح ولا اخاف..طلعت وتدق امي..قلتلها الي صار قالت اننننتبهي من الطلق الصناعي..خلاص قولي لزوجك اني باخذك بكرا لطبيبة خاصة تكشف تشوف هل يستدعي التنويم ولالا..بعدين اقعدي عندنا اليت تجيك الولادة المهم انا ماقلتلها عن هذي اللسعات أسكتت..لأني من زمان مقررة اني ما اخبر احداا ابد..وكان عندي بحث بالجامعة وجالسة ارتب الفهرس..وهات يالسعة ثانية!!ووومغص زي حق الدورة!!ومغص ثاني برضه!!بس انا الى الحين كنت مكذبة!! جيت قلت يالتوووووت كملي بحثك لا يصير صدق هذي الطامة وهذي هي الولادة.منو هاد بيصلحه لي..واضغط على نفسي واكتب اكتب الين خلصت الحمدلله..وعندي كان كتاب الافادة فيما جاء في ورد الولادة..أحسبه صفحتين وبس..أثره طوييل جبته وجبت جيك ما وقعدت اقرا فبه اقرا فيه وانا ع السرير اليييين سبحان الله اشكرك ربي جاني النون الساعة11 ونمت!!مع اني مااااعمري نمت ههههه دايم اواصل..
المهم نمت ذيك النومة الي ياسلام..صحيت الفجر قال زوجي يالله تجهزي بأوديك معي احطك بالمستشفى واروح للدوام..قلت امي آآآآ..قال ولا كلمة..نمت بعد الفجر وقمت 7عشان فطور زوجي..والله يكرمكم حسيت بشي لزج..أنا كل التاسع اذا حسيت بالافرازات هذي ارتجف قبل ما اشوفها اخاف يصير مها دم..لأن اذا ثار معها دم خللاااص هذاهو عنق الرحم انفتح..والله يوم شفتها وأثرها بدم!!!!!!خلاص هذي البينه يعني مع الطلقات الخفيفة حقات امس..رحت لزوجي قلت..بأولد!
قال ايه ان شاء الله بتولدين..وصرخ يالله وين اغراضك؟؟قلت لا ان شاء الله باولد يعني من نفسي..قال علي؟؟تسكتيني؟قلت لا ان شاء الله انا حاسة باعراض ولادة والله واللله اذا مو ولادة بادق عليك..قال طيب وطلع..
عاد انتم حسوا بشعوري..الصبااااح محد قايم..ومحد درى عني..وزوج مكذبني..وبكرية..ومتأكدة اني على وشك ولادة..لا ومقررة اني ما اعلم احد..والله وابدى-تخبرون الوحد ببداية زواجها والسناعة الزايدة-قمت غسلت ملابس زوجي…!والطلق يزيد..واجلس امسح في المطبخ وانظف الدروج من الداخل..مدري ليه..يمكن ابي اقضي الوقت؟؟وخلصت المطبخ نظفته..
كنت حاطة ورقة من قبل كاتبة فيها كل احتياجاتي للنفاس وللمستشفى..واقوم ماسكة الورقة وادور بالبيت واجمع اجمع بهالاغراض..لما كملت الشنطة وشنطة البيبي..والطلق يزوود..تعبت جيت باحاول ارتاح انام اقوم من الطلقة..افتح الدولاب بعدين تجي واتمسك بالدولاب اضممممه بقوه واذا راحت حسيت اني توي مولودة للحياة..سبحان الله والله انها يابنات زي الموت..يعني اذا قربت قربت اصير ارجف من اخوف زي الاعصار اذا صار بعيد ويقرب يقرب بعدين تصيرين وسطه وتنسين نفسك وبعدين تصحين كأمك صاحية من غيبوبة..
يووووم جت الساعة 10 وتدق خالتي..سبحااااان الله كل الناس عارفين اني ما اقوم الا العصر متى عمري قمت الضحى..والصراحة ذبحني الفضول اني ارد بس قلت يالتوت اذا بتحافظين على سرك لا تردين لأن اكيد بتجي الطلقة باقولها استني شوي؟؟وانا الصراحة انبسط عليها خالتي هذي وكنت بحاجة ان احد يوسع صدري بس قلت خليها اذا شي مهم بتدق ع الجوال واحسن علشان ماتطول وتكشفني…اصلا بتكشفني اذا قالت وش مقومك الساع 10…..
المهم الطلق كل ماله الوقت يقرب بين الوحدة والثانية..10 دقايق 9دقايق 7 دقايق..يوووووووووم صار 5 دقايق صار خلاص قالولي اذا صار بين كل وحدة والثانية 5 دقايق روحي للمستشفى..قلت لا باستنى لما اتأكد يمكن بس هذي الطلقتين الي بينهم 5 دقايق وجت الي بعدهم وانا اقول لا بأستنى لما نسيت عمري يالهوي!!!!!وانا اقول بعد كل وحدة لا الثانية!!
المهم على اذان الظهر قلت لزوجي تعال..قال ليه نروح ع التنويم؟؟قلت لااااااااااااااااا انا باولد حقيقي!! قال ايييييييييييييييييييييش انا مسافة الطريق بس..وهو دايم يابنات يجلس ربع ساعة ننص لما يطلعمن دوامه لما يجيني يقول المواقف بعيدة او الطريق زحمة لكن ماشاء اللهماسكر السماعة الا وهو عندي..قلت ياماشاء الله شلون سريع وانت دايم تكذب علي ..قال مو وقتتتتته يالله اركبي!قلت ةليش مستعجل اعصابك واقوم واستحم وهو بيكسر الباب والبس الكلوت الي بس لبسة وحدة وينرمي..يوم وصلنا الباب قلت لاا نسيت غرض بروح اجيبه قال لاااااا انا اجيبه..ايش هذا الخبة الحمدلله انه مادرى منن البداية والله رحمة من ربي ولا كان الساعة6 وانا في المستشفى.. يابعد عمري انتم والله كل ما ابوقف اهون..بس شسوي انكسرت ايدي تهئ تهئ..
لما طلعنا تذكرت كلام انه الوحده تبرد في غرفة الولادة ومدري ايش قلت لزوجي يليت تمر الهرم ابغى شراب!بغى يجيني ذاك الطرااااق!!قال انتي بتولدين ولا لا؟؟قلت الا بس ودك اولد وانا برداانه؟؟قال انتي غريبة انا اشوف بالمسلسلات صراخ ومدري ايه ليه انتي كذأ؟؟قلت ودك ياعمري اصارخ؟ اصارخ عادي؟؟قال لا بس كذا الولادة عادي ماتصارخون؟؟قلت من الالم الواحد مايقدر يصارخ..
المستشفى يابنات كاان بعيد والوقت بين الطلقات كان يقرب لما وصل بين كل طلقة والثانية دقيقتين بس!!وانا بموووت كنت اصلب بالسيارة زي الخشبة ومنزلة المرتبة وعضلاتي تعبت والله ياكافي..
زوجي كان معه امر التنويم الي امس..اتصل على دكتورتي وقال انه الحمدلله جاني ولادة طبيعيه وهو متجه للمستشفى اروح للتنويم أو الطوارئ؟؟قالت لالا روحوا للتنويم احسن لانهم حاجزين لها سرير ومصلحين امورها..يوم يابنات اشرفنا على البوابة حقت المستشفى يووووم بوووووم حسيت مووويه داااافيه تنزل مني..يعني اوصف للبكريات كأنك الله يعزك تتبولين بس ماتقدريت تمسكين نفسك
انا احسب اانه كذا واحاول احاول والماء ما شالله يمشي..انا خوف استغراب يووووووووه تذكرت هذي الموية الي بالولادة..؟صرخت قلت بأوووووولد..جا زوجي نزلني عند البوابة واستعجلني..أنا كنت احسبه بيستعجل يكلم احد او بيروح بالسيارة لمكان يمشوني سريع..الرجال نزلني ورااااح والما يصب تخيلوا!!أثره نزلني علشان ما أوسخ السيارة تهييييييييء راح يوديها المواقف وانا واقفة الظهر بالشارع فيني الصياااح واشوف الطالبات الامتياز بكشختهم واجسامهم وانا بكرشتي اخرررر وهو يتضاحكون وانا بي روعات الدنيا كلها..قلت ايه زوجي حبيبي الحين بياخذني على غرفة الولادة علطول هو راح يجهز لي الوضع!!وانا مو قادرة اتحرك لا امشي لا اقعد ولا شي …هههههه واتذكر الليموزينات نشبوا لي !!المهم بعد فترة جا المحروووس احسب معه الكرسي المتحرك..لااااا ..ويمرمطني بأسياب المستشفى تخيلوا؟؟يدور قسم التنويم وانا خلاص باموت من الروعه قلت خلاص الموية خلصت واساسا بين كل طلقة والثانية دقيقتين اكيد الحين نشفت الموية والجنين بيموووت وااااااع ..لقى زوجي قسم التنويم والقى كرسي واجلس عليه والموية تمممشي خلص زوجي واقوم والكرسي فيه مووويه..أدري بس شسووووي قولولي حراام لي ساعة واقفة بالشارع واتمرمط بهالاسياب مع زوجي يوم قعدت صارت هالبركةالماء..لو انادي عاملة نظافة واقولها اخاف تفضحني؟؟المرة الجاية ان شاء الله باخذ معي سماط..!قمت مع زوجي وبرضه مغامرات بهالاسياب اقوله جبلي كرسي متحرك؟؟يقول خلاص خلاص وصلنا..وبعدين يمشي سيب طوييييييييل واذا وصل يصير غلط ونرجع كل هذا الطريق مرة ثانية وانا أوقف اتعصر وهو يصرخ يالله امممشي هو يحسبني واقفه بس تعبانه ما يدري انه انا الحين عاصرتني الطلقة ومنا دارية عن نفسي..يمكن بالسيب الواحد 3 طلقات..ويشوفونني الموضفين ويعرفون الحاله يقولون من هناك من هناك الطوارئ..وانا مابي الطوارئ…لما بحمدالله وصلت القسم وانا خااايفة قلت لزوجي قلهم اني ولادة قال لا اذا قلتي ولادة بيودونك للطوارئ..اسكتي اذا دخلتي علميهم..لأن فيه ناس بالطوارئ ماتلقى اسرة..قلت مو وقته ان شاء الله يودوني لقريح مو لطوارئ انا جالسة اولد تفهم؟؟المهم سكتني وقال لاتتكلمين جا الكاونتر طلبوا منه اوراق يجيبها من تحت..واشوى راح الحمدلله ..جت النيرس قالت ادخلي هذي غرفتك_هذي الغرفة للي نفس حالتي قبل تجيني الولادة يعني للي يبغون طلق صناعي_يوم راح زوجي واصبح قلت نيييرس انا فيه ولادة..قالت طيب ادخلي هنا..قلت لا انا الححييييييين فيه ولادة!!قالت خلاص تجي الطبيبة وتقرر متى تعطيك الطلق الصناعي..قلتلها الحييين فيه مويه شووفي..ويوم شافت الموية قام كل الكونتر قالت تعالي هنا واختبوا دخلوني غرفة قالت جيبي كلوت تبغى تاخذ عينه من الموية تشوف هل هي موية الجنين ولا افرازات يوم اختبرتها اثرها موية الجنين قالت من زماان؟قلت من يومنا عند البوابة..عصبت قالت متى انتم عند البوابة..قلت مدري ولاتذكر الساعة يوم كنت احسب لطلقاتي قلت يمكن الساعة وحدة قالت يووووه من زمان وتنادي الطبيبة..عاد يوم جت الطبيبة انا احسبها من طالبات الامتياز وبتلعب فيني..قالت بأكشف..قلت اممم اكشفي قلت بيني وبين نفسي بس هالمرة مرة وبس ..مرة ثانية معصي!..طبيبتي الي بتكشف مو الطالبات…أنا اكثر ماكنت متروعة منه هالكشف..يوم كشفت قالت اممم الرحم مفتوح6سم..دخلتي مرحلة الولادة ..ودوها …قلت انتي وشو الطبيبة؟!يعني شلون طالبة تقرر؟؟أثرها ماشاء الله الطبيبة ..! مرحبا فراشات..
مشكورين ياعسلاااات كلكم ع المتابعه..
وبالنسبة للسر للروقان يابنات لأنه ماكان احد يعرف ..لأن لو عرفوا الناس بخبونك..وبس يدقون هاه شصار؟؟وش فيه..ياحيااتي يامسكييينه..للحين ما ولدتي ..سوي كذا وسوي كذا..وزيادة ان الوقت كان صباااااح ماتحسين بالحركة..والناس دوامات كان يوم اثنين الله العالم لو كان باجازة..وبعدين لأن مافيه حركة ومافيه صلوات لاحظوا..ماكنت احس بالوقت..يعني انه الوقت بدري توي..6سااااعات بس راحت بشغل البيت -ياحياتي انا- 😳 واحس انه اليوم مابدأ!!!يعني بلو بدأ بي العصر وجت الساعة 9 باليل تحسون الن الوقت طوييييل صح؟اكيد بانهار وباتوتر وفيه ناس وحركة تخليني استوعب..لكن لوحدي تقريبا كنت مو مصدقة انه حقيقي بأولد!!اضافة للموية الي قريت فيها كتاب الافادة فادتني طثييير والحمدلله كنت ما اشرب الا منها وامسح بطني منها..
نكمل..
انا ماكنت اعرف انها الطبيبة..
ودوني لغرفة احسب انها حقت الولادة..وفيها زي الاحزمة..قلت ناقصة انا كتمة عشان يربطوني؟؟دورت سرير حزامه طايح قلت ان شاء الله مايدرون عن حزام هذا وماينتبهون له..قلت ودوني لهذاك..قالت وليه كله سوا سوا..قلت لا هذاك احسن عشان بالزاوية..المهم اني كنت احسبها غرفة الولادة قلت الله يخسهم باولد عند الخلق؟كان فيه 6 اسرة..وفيه حريم احس انهم شوي ويطلعونهم بهدوووءوتدخ ثانية وتطلع قلت ما شاء الله كذا الولادة؟؟,الوحدة ساكتة؟؟يالله الحين اولد واصير مثلهم..
المهم حطوني ع السرير وبسسم الله طلعت الحزام وربطتني!!أثره هذا الجهاز حق نبض الجنين..ياحليله اشوى ماكتمني لانه كان مغاط..
اييييييييه والموية الي كنت كل اليل وانا اقرا فيها؟؟كانت مع زوجي عاد هذا هو وقتها ..كنت جايبتها معي..قلت للسستر روحي جيبي موية من بابا ..راحت جابت لي موية صحة من عندهم..قلت لا من بابا قالت انه عادي وش الفرق..قلت الحين وش بيفهمها انه مقري فيها..ويمكن انها مو مسلمة وترفض تجيبها بعد!!رفضت قالت مويه هذي عندك موية..قلت لا الي مع بابا دواء!!صرخت قالت لاااا مشكله هذا ..يابنت الناس يايا ورررفضت تجيبها..
انا وشوله اعطيها زوجي؟؟خفت انها تضيع او يصادرونها..نسيت اني باشربها هههه خلااااص هذا هو وقتها اذا ما شربتها الحين متى اشربها..خلف الله علي بالموية..
وجوالي كنت خااااامته على قلبي من اول ماحملت وانا ناوية اني انا الي اعلم اهلي….
المهم يوم حطوني بالسرير جتني وحدة زنجية كبيرة الممرضات وتنفخ تقول ارتفعي بيحطون تحتي المفرش الي زي السماط..وانا عاصرتني الطلقة..واتلوى وهي تصارخ..يوم هديت قلت والله هذي البداية يالتوت..ناديتها قلت شوفي..انا تعبااانه تعرفين شلون؟؟انا ولادة لازم ناتي كويس ترا مالي خلق..تقومين تصرخين ترا بأسطرك لاني ما احس بنفسي..يوم سبحااان الله هدت مدري شلون!!
المهم الحرمة قعدت قدامي على كرسي وتعبي اوراق وتطالع شاشة وراي..وقالت مدام اذا حسيتي سوا سوا براز علميني..الله يكرمكم قلت وبس هذا الولادة؟؟يعني بأولد روحي عمن يعميكم؟؟وانتي تتفرجين بس؟؟طبعا هي مافهمت كلامي بس انها سفهتني وجلست تكمل اوراقها..قلت يالله نشوف وش اخرتها ووشلون بنولد؟؟المهم كانت الطلقات من جد مثل الموت قلت سيستر انا بمووووت الم فضيييع..كنت اقرا هنا عن بنج الاكسجين ..قامت جابت ابرة..قلت لااااا ابرة ظهر مابي مابي خلاص مافيني الم..فالت لا مو ظهر هذي بنج..انا ماصدقتها قلت ماااااااابي ..قالت هذي مانعطيها الا البكر بس!!وعطتني اياها ويااااسلام..يعني اعصار الطلقة هذا كان نص الام وانتي تشوفينه جاي مقبل..لا هذي الابرةماتشوفين شي ماتدرين الا وانتي وسط الاعصار..وفجأة طالعة منه..يعني تحذف بحمدالله المقدمات وبعد ماتخلص اصير احس بنوووم..بس كانت ترفض تقول اذا خلاص ولادة نوم..اصلا كان مايمديني اول ما ابي انام والى الطلقة الثانية جاية!!
المهم جلست على هذا الجال لما حسيت الله يكرمكم زي مافالت احساس البراز..كأنه يعني غصب عني!!يممه يروع ذاك الشعور بس حلو لانه ان شاء الله الفرج..قلت نييرس خلاص جا سوا سوا براز يوم شافت الجهاز الي وراي قالت خلاص9سم!!-مدري شلون يدرون =الحمدلله محد كشف علي غير هذيك السعودية وووبس..المهم قامت بسرعة وقالت يالله غرفة ولادة..عمى وانا ان شاء الله وش قاعدة فيه؟؟ويطلعوني يدفوني على كرسي متحرك..وانا طالعة لقيت زوجي وبأعلمه انها انا مالقيت طريقة الا اني اعطيه جوالي….ياااااااااااااحسافة جوالي..!
المهم ودوني لغرفة لحالي..ةاسمع عاد الحين الصرااخ..اثر هذوليك الي طلعوا من الغرفة الي كنت فيها واحسبهم ولدوا..اثرهم جوا هنا يولدون ويصرخوون؟؟
حطوني بالغرفة وجابو لي سسترتين.وبرررضو قعدوا يتفرجون!!ياعالم انا ابي اولد وهم رفعو رجليني شوي وغطوني وجلسوا يناظرون..وانا من الالم ماااقدر افتح اثمي كنت اتكلم بالهمس..بالله مدري شلون الناس عندهم طاقة يصرخوون!!وهو يعلموني طريقة الدقع والشهيق والزفير اذا راحت الطلقة تقول مافيه ادفع وتصرخ مااااااااااااافييييييه ادفع قلت وانا شوي واصيح والله والله مادفعت..هههه هي كانت تقوا إدفا اقولها وشو..أنا كنت انتظر بوش بوش سامعتها من المنتدى هههه قالت ادفا يعني اطلع قلت يعني بوش؟؟قالت ايييوه قلت خلاص تكقين قولي بوش نفسي فيها ههههه وجاني نوووم عجييييب ..بنااااام..المهم مع التعصيرات وشوي وتنكسر ايدي السرير بحمدالله
جيت صرخت قلت دكتورة ماااصارت هذي حاله وش القصة الحين؟؟يوم التفتت قالت ايوه ايوه في شوف راس..أيوه..يالله ادفاااااااا ادفاااااااا انا ذاك الوقت كنت احس اني مو بالدنيا..منب بوعيي بتاتا..وشو راس وشو؟؟يعني صدق ببطني بيبي وبيطلع؟؟
المهم وتقول ايييوه ايييييوه اييييوه بعدين قالت فيه قص؟؟وتلوح بالمقص قدامي قلت قصي آبو ابوي..قصت طبعا مع الالم يابنات والله ماحسيت بالقصة أبدآآآآآآآآ
المهم قالت اييييوه وحسيت سحبت شي مني..انا قلت يمكن هذي الي يقولوا عنها المشيمة؟؟بس انا سمعت صوت أحسبه احتكاك العربات بالارض..وبعدين وضح انه بيبي قلت ماشاء الله هذي الغرفة الي جنبي ولدت..وهم بلشين بالي سحبوه..لما استوعبت قلت يمكن انه البيبي؟؟قلت..نيرس انا ولادة؟؟يوووووم انتبهوا لوجودي قالوا اييوه قلت هاه؟ووينه البيبي..؟يوم بسم الله رفعته قدامي!!!!!
انا انخرعت خرعة الله لا يوريكم..
ههههه كان شعور كنت ظنيت انه دجاجة مجمدة جايبينها من تحت السرير..هما هو يكون ملتف على نفسه؟قلت واااااااااع وخريه عني!!!!!
خرعوني حسبي الله عليهم…غسلته وحطته على سريره وانا جابولي موية بشفااط يااالله الجنة..
تبون نكمل مغامراني مع مستشفى الملك خالد؟؟ولا يكفي هذا؟؟
هلا حبوبات..
شككككرا لكل من تابعني ..وعلمني انه تابعني علشان احس اني مو جالسة اسولف ويا روحي..!!
بارك الله فيكم..
ويابنات الصبر غصب بتصبرين اذا اقتنعتي انه مافيه احد داري عنك..ومافي احد تشكين له,,
يعني يوم تدق خالتي كنت متحممسة مرة اني ارد وانفجر فيها!!
بس اصررخ لمين؟خلاص انا عارفة اني اتألم ما يحتاج اعلم نفسي اني اتألم بالصراخ والولوله..بعدين هم يقولوا البكرية دايم كذا لان كل ما جا شي تقول لا بيجي بعده شي اقوى!!ويصير عندها سهل..
الي جابوا الثاني يعلموننا عن هذي النظرية..
باضافة للكتاب انصح الكل بقراءته على ما والشرب منه..
نكمل………
اني يوم الحمدلله خلصت ونظفوني وولدي الي كان زي الدجاجة لانه كان يلمع من الموية وملتم على بعضه زي الدجاجة لما يموع عنها الثلج..ماااااقدرت التفت لم جهته أبدااااا مدري ليه ؟؟وكان معاي بالغرفة..
جابولي وجبة اكرم الله النعمة اشوفها قلت وييييه بس بذوق شوي من المكرونه لأني تصدقون ماذقت شي من الصبااااح؟؟بس كانوا شابكين علي المغذي..
كنت ياحياتي مسوية ساندوتش لبنه ونسيتها قلت لزوجي بالطريق تشتريلي؟ونسى وانا بعد نسيت
الشاهد اني لحسسسسسسسسسسست الصينية كلها ةاتنافض جوع حتى!!
المهم ان النوم طااااااااااار عني وصحصحت بشكل مو طبيعي..قلت يالله الله يجزاكم خير وين غرفتي؟؟قالت الزنجية لااا لازم تجلسين انك مانزفتي كثير ونخاف ان فيه مشكله..الي ماتنزف كثير يصير يجيها فجأة نزيف بعدين عرفتوا.؟المهم قالت بننتظر همن نخيطك همن تطلعين..
قلت والى متى ان شاء الله؟قالت تقريبا 4 ساعات..ياويلي؟؟نوم ومافيني وش باقعد اسوي 4 ساعات؟قلت طيب حيبولي تلفون..قالوا خلاص زوجك درى قلت لااااا اهلي باعلمهم قبله..قالوا ما فيه تلفون الا اذا صعدتي لغرفتك..قلت طيب جيبوا جوالي منه؟؟قالوا وش يعرفنا فيه..جت وحدة متسينعه قالت عطيني رقم امك اعلمها ..؟قلت لا ياعمري هذا الي انا خايفة منه..أبي انا اعلمها يوم زعلت مدري ليه ورمت الورقة والقلم الي جايبتهم..مستعدة الاخت..مسكت وحدة ثانية قلتلها فيه جوال؟؟وكلهم يرفضون..قلت باعطيك عشرة حق الشحن بس خليني اكلم..ووكلهم يصرفون..راحت وحدة الله يعافيها تسأل عن زوجي بس هو رفض يعطيها يخاف انها تسرقه..!!لا عادت وشوله ماخليته معي..هذا وانا استعد من اول حملي؟؟
انا اول ما ولدت قالوا ان البيبي كبير -انا كنت مبسوطة بس صار يابنات من سوء تغذيتي!!هو له 3 اسباب يا وراثة يا سكر يا سوء تغذية الام..المهم كانت الغرفة الي جنبي معها دكتورتها سوريه من البداية الى النهاية مو مثلي ما شفتها الى بالكشف..عاد كانت مارة وناديتها ولخبطت هي بيني وبين مريضتها الي بالغرفة الي جنبي..يوم دخلت علي قالت مبروووك جبتي بنت زي الأمر بس حجمها ضعيف من شان هيك هي بالعناية!!خييييير تو يقولون بيق بيبي وهذي تقول ضعيف..قلت لا انا جبت ولد..قالت شووو نفسك في ولد؟؟قلت لا شوفيه هذاه جنبي..!قالت يوه ملخبطة وراحت ناديتها قلت تعاااااااالي الله يرحم ام والديك ابي جوال<<ياشين الشحاذة مدري شلون الناس يشحذون..
قالت شوو اعلم امك؟قلت لا بس انا ابي جوالك شوي..قالت امممم طيب بروح اجيبه..راحت ولا جت..
ناديت السسترات قلت دامي فاضية عطوني ولدي؟قالو لاااااااااااااا ممنوع فيه اجراءات قبل؟؟قلت باوسع صدري حرام عليكم لا انتب الي خلصتوني ولا خليتوني اكلم ولا رقيتوني لغرفتي..مير اخذوا الولد وطاااروا به…!!.
جت الزنجية بتروح قالت خلاص انا قلتلهم الساعة 8 يطلعونك..وراحت انتهى دوامها..يمكن هذا الساعة6
وانا والدة 5 الا ربع
كان فيه وحدة تمشي بالسيب تبي عشان تولد سعودية قلتلها معك جوال قالت لا.قلت معليش تروحين لزوجي تجيبين جوالي؟؟قالت لااااا استحي..حيا مريخ انا ابكلم الناس بقولهم اني ولدددددت…يوم جت وحدة شكلها من الامتياز مرت وناديتها..طلبت جوالها والللله الللله يجزاها الف خير عطتني وكلمت زووووووووووووووجي..-الو
-الو
-شخبارك
كاااااان يقطع
-قلت شفت الولد؟
-لا
ابوووووووووووو البروووووووووووووووووووووووود
قلت دروا اهلي؟
-قال لا..قلت علمهم اخاف امي تزعل لي 3 ساعات والدة !!
كان يقطططططططع مرة
جتطبيبتي الاولى وماشاء الله تعلك علك وتبي تخيط؟؟مدري ليش هي طبيبتي والسسترات الي مولديني؟؟
قالت شوي شوي ما بطول ..وتقعد سااعة الا ربع الله ياخذها..يابنات الخياااط الم فضييييييييييييييييع اولد 20 مرة ولا يخيطوني!
ومدري ليش جلست هالوقت وهي 3 غرز او4 ؟؟
ذبحتني..تشد الخيط بقووة احس فيه وهو يمر من لحمي!!واصرخ عليها اقولها حراااااااااااام عليك والله يألم مووووت وضربتي ابر بنج قالت مقدر ازيد على هذي الابر والله ما كأنها عطتني ولا ابره..يوم خلصت قالت ساعتين نتأكد ان مافيك شي وبعدين تصعدين فوق..
ايييييه الحين جت المناوبة الي بدال الزنجية قالت مكتوب بملفك بعد اربع ساعات تروحين للغرفة يعني بتحسب الاربع ساعات من الحين
عمى آآآآآآآآآآآآآآآآآآآآآآآآآآآآآآآآآآآ
قلت لا 4 ساعات من الولادة خلاص الحين بروح الساعة8..ورفضت مرة
قلت خلاص انا اصلا بقوم منب محتريتكم..قالت لااااااااامشكلة انتي تعباااان..قلت طيب بروح اجيب جوالي من زوجي وبجي لا انتم الي رحمتوني ولا انتم الي خليتوا رحمت ربي تنزل..قالت هو صحيح امفروض نطلعك الحين بس الحين وقت زيارة اذا انتهى وقت الزيارة نوديك..
على الساعة 9 طلعوني قالوا تروحين دورة المياه علشان نتأكد اننا ما خطنا فتحة البول الله يكرمكم..يوم وصلت الحمام على الكرسي المتحرك ودخلت قالت لا ماتصكين الباب قلت عييب صكري يوم وقفت وطراااااااااااااااااااااخحسيت ان احد سطرني مع اذاني وانعميت اثرها الدوخة من فقر الدم..وتدخل السستر وتساعدني وتغسل وجهي وطلعوووووووووووووووووووووووووني لغررررررررررررررفتيييييييييييييييي
السلام عليكم…
مرررحبا بكل الكرشات..
نكمل..
ودوني لغرفتي بعد ماتقفلت الزيارة حسبي الله علبهم..والدة الساعة4وودوني الساعة 10…ويلحقووني بالتلفوون هههه هبلت فيهم ويا ذالتلفون..
واول ما وصلت الغرفة والسستر تصارخ هلى الي جنبي آآماال سكري الخط..وأول ما سكرته ويدق رفعوها قالوا وين التوت يبغاها التلفون..؟ليييييييييييه وانا مأمله انه امي للحين مادرت وانا الي باعلمها؟؟دقوا يعني عرفوا..
وتحط السستر السماعة باذني وانا ع الكرسي ما قعدت ع السرير بتفتك مني..وانا فيني الصيحة خلاص خلص وقت الزيارة منب شايفة احد هيء هيء…وانا اكلم صارت خالتي ياحبيلها تباركلي وشوي وزوجي دخل..من الفرحة يعني احس انه غير الحين صرت ام كأني اول مرة اشوفه سكرت من خالتي وانا شرهانه عليه ليه يوم اكلمه بالجوال كان بارد ولا كأني ولدت..جا بيحب راسي وطاااح العقال علي..أي أي آآآي ..هذي هدية ولاااادتي؟؟كملها..المهم الحمدلله سمحوله يقعد شوي معي وجابوا البيبي وانا نسيت انه ولدي يابنات ههههجالس بالركن مااهمني..يوم راح زوجي يوووه ياحليله كأن معه عروسه ..الله يرزق كل من تتمنا الذريه ياااارب..بس برضه مالي خلقه ابداااا تعبانه والتعب يزود سبحان الله بدل ما يخف.والحمدلله وفيت بقسمي..يوم كنت اتوحم كنت حالفة انه لا طلع اني اسطره كف ,,بس عجزت اسطره 👿 يوم استرجعت ايام الوحم جتني شجاعة عطيته كف صغينوون باصبعي!!
دقوا اهلي قالوا نجي؟؟قلت حياااكم وصار ابوي يعرف واحد بالمستشفى سمحوا لاهلي يدخلون علشان منتهي وقت الزيارة..
بعدما راحوا اهلي وفتحوا اللمبات وازاحو الستاير الي بين الاسلره..يااااا الهي موقف رهيب..فجأة يميني ويساري وقدامي..حريم..بغيت التفت وراي اشوف اذا فيه؟؟
لااااا والمصيبه كلللهم يعرفون بعض..لأن كلهم كانوا مع بعض منومين قبل الولادة في الكنت راح اتنوم فيه تتذكرون؟لاني خلاص صرت تبعهم فيوم ولدت حطوني معهم..
تخيلوا وولا كأن احد يعرفني..أنا فرحانه اني والدة وهم ولا كأن احد موجود محد عبرني سلم علي تحمدلي بالسلامه..ولاحظوا اني بالوسط كنت..المهم توكلت على الله وصرت اتفرج عليهم واسمع سواليفهم..
ولدي الله يكرمكم وسخ..
انا على براءتي متعودة ع الحمادي ودله امي وخالاتي..ناديت الممرضة قلت لها..البيبي موسخ..قالت شوفي البامبرز عنده بالسرير ..قلت عارفة بس خوذوا نضفوه..قالت لا خلاص انتي امه نظفيه انتي
عمى ان شاء الله
قالت ما تعرفي خلاص انا اعلمك هذي المرة بس..
قلت لا اعرف ما ينظف اخواني الا انا بس تدرين توي جاية من غرفة الولادة؟
بالله عليك ليش انا جالسة عندكم اجل؟؟ليش ما اروح لبيتي ع الاقل اهلي يساعدوني..؟قلت عندنا اطفال كثييير قلت وش شغلتكم اجل؟؟
إيوالله……قالت خلاص جيبيه..قلت لا طسي شكرا..واحط ولدي على رجلي واجلس امسحهم حسسسسبي الله علة ذيك المناوبه اصلا من شكلها يروووع تخيلوا هي سمراء زين؟ولابسة بالطو ابيض ونقاب ابيض واول ما شفتها كان ظلام!!! زي الشبح ونفسها بس رعب..
عاد الحمدلله هذيك اول واخر مرة اشوفها
دقيت على زوجي يوم طلع قلت انا مييييييييته جوع قال دقي اطلبي منهم لك الي تبين لو 20وجبة في اليوم قلت لا دق انت..وانتظر انتظر هالوجبة حسبي الله على بليسهم جابولي حليب مدري شلون قايل..أنا اصلا خلقه ما اشرب الحليب سادة..يوم شربت نصف الكاس اثر نص الكاس البودرة حقت الحليب ما حركوه حتى –عمن يعميهم..
المهم جيت ارضع ولدي وكنت اكلم صديقتي بالتلفون اوسع صدري..يوم فجأة استفرغ ولدي الله يكرمكم دم..انا ارتعت ايدي ممسكة التلفون واطاالع بولدي بس..قاموا البنات الله يذكرهم بالخير اخذوه ودوه ..قالوا عادي يكون شارب الدم اثناء الولادة وكويس انه رجعه ما جلس ببطنه..
انتهى اليوم الاول..
جلست عندهم 5 ايام يوم فيني فقر دم ويوم بيختنون ولدي ويوم ولدي فيه صفار ويوم مدري ايه…………..
والحمدلله الذي بنعمته تتم الصالحات..
احسن شي اتذكره انه زوجي جاب لي شوكلاطة جواهر الحجم الكبير يوووووووووه امووووووووت عليها وهو يمنعني من الخرابيط هذي دايم ينكد علي..بس الحمدلله شبعت منها حد التخمة..
يعيب على المستشفى حضانتهم..يخلون الولد لاااصق فيك وكم مرة تهاوشت معهم..ويهاوشهم زوجي بس يتأدبون همن يتغيرون لان هم مجموعات وحدة النهار ووحدة الليل..اتذكر مرة دخلت ولدي عليهم وهجيت..
….انتهت
اشكر كل الي دعموني..والله اني افتح الموضوع ما اشوف ردود اتحطم بس كم رد يشجعني ويشحذ همتي..
غريبة مع انه بوقتي كان المنتدى حمااااااااس
