عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخباركم
انا مدري وش اقول .. لكن مواضيعي طول الفتره الي راحت تتكلم بدالي ..
وجناني وهوسي عالزواج وهو ابعد مايكون عني يتكلم ..
الـ 13 خطابة الي كلمتهم ولا قدرو يجيبون لو رجال واحد يتكلمون ..
كان وما زال شي مو طبيعي ..
شي مايصدق ..
انا مو شينه . واهلي معروفين واصل وفصل وجمال .. والحمدلله الكل يشهد بجمالي
والله لما اروح افراح وارجع بيتنا ثاني يوم الكلام يوصل لبيتنا مدح وثناء
كل من شافي قال ( امريكيه . فرنسيه ) حشا ماهي سعوديه
وبيت علم ودين واخلاق
ومع ذا كله والحمدلله ماتزوجت عمري 29 قربت عالثلاثين
ياناس ..!!!
الخطابات بعضهم قالو بنجي نشوف عشان نوصف للرجال والله لما شافوني قالو وين جماعتك
وين اهلك .. وين عيال عمك ؟؟؟ انحرجت منهم ..
وهذا كلام الناس كلهم ..
– كل ماذكر اعلاه مو مدح والله لكن عشان تعيشون الوضع صح .. ))
المهم
قبل اسبوع قالت وحده من الخطابات امكن بنتكم فيها عين ..!!!
وقريت موضوع هنا عن السحر والعين ..!!!
فقلت خليني اجرب واروح لشيخ ..
رحت لشيخ معروف ( شيخ يقرا ايات من القران وبصوت مرتفع )
وطول الطريق صدري متضايق وما ادري وش السبب
ولما قربنا وشفنا بيته ضحكت وبدون اي سبب صرت اقهقه مثل المجنونه هههههههه
ولما دخلنا تجمدت اطرافي وكاني ثلجه ..
قرا الشيخ صارت عيوني تدمع كثيييييييييييير وزي النار ..
وطول ماهو يقرا وانا اقول اوووووووف اووووووووووووووووووف اووووووووووووووووووووووف
وانا مو كذا انا اسمع القران وكنت اختم جزء كل يوم .!!!!!!
المهم شوي بعد القراءة صارت رجولي تتحرك وصار جسمي مو ملكي
انحني واقوم واتهزهز بقوه عند بعض الايات ..!!
وعرفنا طبعا من اسئلة الشيخ لهم وقت القرايه انهم داخلين بسحر وعين وعشق ومس
خخخخخخ يعني كوكتيل 4×1
اهلي وقت القرايه ماهم مصدقين الي يتشهد والي يتحسب والي يبكي
ولما تعبت مررررررره حاول يهدي ويقرا ايات بسيطه الين رجعت طبيعيه
اعطاني ماء زمزم وزيت زيتون وقال اقري واقري
المهم اخذ ابوي وكلمه على جنب
وبس ..!!
وبعدين قال ابوي الشيخ دلنا على شيخ ثاني ان شاء الله ان ايمانه اقوى وله قوه عليهم باذن الله
هذي قصتي وحكايتي ودعواتكم لي
واي بنت فيكم مثلي محتاره في نفسها تروح لشيخ
