▌ ▌ مقـاضي رمضـان ♥هنا؟؟

▌ ▌ مقـاضي رمضـان ♥

أيام قليلة ويطل علينا ضيف طال إنتظاره ونسأل الله بمنه وكرمه أن يبلغنا إياه ونحن بأحسن حال وأتم صحة حتى نكرمه ونوفيه حقه
مُبارك لنا ولكم شهر الخير ، شهر رمضان
*
طول السنة والبيت فاتح فمه يبغى مقاضي ، أحيانا المقاضي تكون بشكل شهري وأحيانا تكون بشكل أسبوعي لكن مع رمضان الوضع مختلف جداً
من يوم يقرب هلالك يا رمضان والعالم تعد العدة وتحسب الحسبة للهجوم على السوبر ماركت
قائمة طويلة
فيمتو .. تانج .. مكرونة .. شعيرية .. طحين .. رقائق سمبوسة .. كويكر
سبرينج رول .. أنواع اللحوم .. أنواع القشطه .. أنواع الأجبان.. أنواع التمور .. أنواع الحلويات

وصدق اللي قال رمضان يجمعنا
والعالم صراع على العربيات وناس توقف طوابير على الكاشيرات ونشوف عالم بالعربية والاثنين
وناخذ اللي نبغاه واللي مانبغاه
وفاتورة رمضان أكيد انها مختلفة عن باقي الشهور في الطول والسعر طبعا
وطبعاً حالة الإستنفار ليست خاصة بالمقاضي وبس حتى دواليب المطبخ المسكينة ماتسلم ولا الثلاجات والفريزرات
الدفعة القديمة من المقاضي تتقاعد وتجي مكانها دفعة جديدة

وكل هذا لأن رمضان غير
وصدق من قال انه غير بكل شي

ماعلينا

هنا تخصيص مساحة خاصة
نشوف فيها مقاضيكم و ورقه مقاضيكم وأكياسكم وحوستكم
والفريزرات والدوالايب بعد الحشو
واستعدادكم لـ رمضان

مثل ما أنتم شايفين شعور حلـو وأنت طالع تقضي خاصة لـ رمضان وشعور أحلى أنك تشوف مقاضي غيرك بعـد
سواء مأكولات أو أجهزه أو مواعين .. كل شيء تشترونه بهالفتره نبغى صورته شغلو الكاميرات والجوالات وأمتعونا 🙁

* طبعاً ما يحتاج نذكركم بـ 🙂
– الصور تكون من تصويركم الشخص او من النت

– حجم الصور يكون معقول – راح تحذف الصور اللي تمط الصفحة –

– التحميل من أي مكان شرط تكون الصور ظاهره

-ردود الله وحلو ويعطيكم العافية مومكانها هنا عندكم الخاص أو التقيميات

ونذكركم وأنفسنا بقوله تعالى:
{ وكلوا واشربوا ولا تسرفوا إنه لا يحب المسرفين }