⊰⊱ موقف صارلي بسبة صوري بس الحمد لله الله ستر علي ⊰⊱

بنات انا رح احكيلكم موقف صارلي قبل 4 سنين تقريبا حسيت نفسي حزتها اني راح اموت وعقلي توووقف

ورح تلتمسون من قصتي ان كيف ربكم يستر على عبيده الحمد لله يارب لك الحمد والشكر..

ياليت المشرفات لا يحذوفووونه بلييييييييييييز لان قريت قصص كثيرة تخص الصور وابا اللي تعرضو لتهديد بالصور وماشابه يطمن قلبها مدام فيه

رب كبييييييييييييييييييييييير

انا من النوع اللي ينزل صوري على الكومبيوتر واحب اصور واااااااااااااااااااااااااااااااااااااااااااايد هوايتي …وعندي

صور لرفيجاتي المقربات وربيعاتي اللي كانو معاي بالجامعه وهما اصلا بنات منطقتي عندهم صوري ومنزلة صور اهلي وقرايبنا يعني كنت مب مقصرة مامخليه صورة مامنزلتنها..

صارتلي ظروووف خارجة عن ايدي وطلعت من الجامعه ويلست فترة بالبيت كنت شوية واطقققق بنفجر من

اليلسة كل صديقاتي مسافرين للدراسة ومحد حولي منهم وبينا تليفونات ومسنجر فقط بس زيارات مش

وايد لما كانوو يزورون اهلهم ازورهم وبعدين يرجعون يسافرون للسكن والمنطقة اللي فيها جامعتهم ومن

الملل قررت اشتغل واشتغلت والمنطقة اللي انا يالسة فيها كل ناسها معارف ويعرفون بعض..

وقبل لا احكي اللي صارلي حبيت اوضحلكم اني كنت وااااااااااايد مستهتره و عندي وثووووق بالناس بشكل

مب طبيعي وعلى بالي كل الناس قلوبهم على بعض .. وكنت مش ملتزمه بديني وااايد وطايشة نوعا ماااا

ومابقولكم اني خاليه من الذنوب حتى كنت هذيح الفترة ماعرف الاستغفار ولا شو فايدته وماعرف كيف

ادعي حتى يا دوب اعرف كيف يصلون بس حتى ماكنت ملتزمه بالصلاه…

بس والله يابنات على شهاده الجميع رغم ذنوبي واستهتاري ان قلبي ابيض وفي حاااااااااااااااالي واحب

اساعد الناس وكل البنات يتمنون قربي ويصادقوني الحمد لله ➡ :)..والموقف اللي صارلي ما صار الا عشان ربي

يحبني وعارف اني ممكن اتغير واني حابة اتغير بس المسالة مسالة تعود وكان صعب عليه لاني عشت

مدلعه ومستهترة فترة طويلة فكنت احتاج كف ولا كفين يصحيني عشان اتغير..

لما دوامت بعد فترة قابلت واحد من جنسية عربية (وانا ذكرتلكم ان بمنطقتنا كل الناس عارفة بعضها وتمنيت حزتها اني ماداومت او تنشق الارض قبل لا اشوف هالشخص لان حرقققق اعصاااابي) يعرف اهلي وقاللي يا فلانه ابى اقولج شي قلتله اتفضل قاللي انا مشارك بمنتدى وفي واحد لما درى اني من

المنطقة الفلانيه طرشلي صور كثيرة لبنوته قاللي هالبنت من منطقتكم وانا لما شفت الصور عرفت ان

صاحبة الصور انتي ..انا تنحت حسيت ماي بااااااارد انصب فوق رااااسي ومش عارفة شو اقول!!!! قلتله

يمكن هالبنوته تشبهني قاللي لا لا اهيا انتي كانه متأكد حتى وصفلي صورة من صوري الصورة كانت كذا

ووراكي دولاااب …الخ وفعلا انا عندي صورة بالوصف هذا!!!!!!!!! قلتله انا واثقة من نفسي وربك ماراح

يرضى بظلم عبيده لو كان الموضوع جد ومشيت عنه وانا قلبي يقرقع احس اني بموت مش عارفه اصدقه

ولا لا !!! وبنفس الوقت ما حبيت ابينله اني خايفة لاني ماعرف شو نيته هل هو فعلا خايف عليه ويبى

ينصحني ولا جد عنده صوري ويبى يمسكني من الايد اللي تعورني و عشان يتقرب مني … وليست افكر

واوسوس اقول لو فعلا الصور معاه اللي طرشله الصور من وينله هل هاكرز وسرقهم من كومبيوتري ولا من

كومبيوتر صديقاتي لانهم عندهم صوري او احد من خوان صديقاتي حب ينذل فيني مع اني ما عندي عداوه

مع احد شكيت بالعالم كله ماخليت احد..

كلمت زميلة لي بالدوام وايد مقربة لي ما شاء الله عليها انسانة عاقلة وفاهمه وعندها خبره بالحياة قالتلي

كذااااااااااااااااب صدقيني كذاااب لو صورج منتشرة كنت خبرتج الناس اهني مايخفى علييها شي هذا يلعب

عليج عشان تكلمينه..

بس والله بنات رغم كلامها اللي يريح بس بالي ماكان مرتاح انا اهلي بدووو لو درووو ممكن يسووونلي

سالفة وبنفس الوقت ماحب الفضايح ولا اريد افضحهم..

خبرت اختي قالتلي لاتصدقينه كذااااب وصديقة لي ايام المدرسة بعد قالتلي كذاااااب ..

ويلست كل يوم على سجادتي ادعي واتحسب على اللي يبى يفضحني وتقربت من ربي كثيير ..مش

عارفه اصدق مين اصدقه ولا اكذبه…بعد فترة تعرفون شو صارله تقريبا على ماذكر شهر من السالفة

شلوووووه من المنطقة كلهااااااا المحل اللي كان يشتغل فيه خسر واضطر يسافر بس ماعرف هل رجع

لبلاده ولا اشتغل بمنطقة ثانيه… ربكم ستر علي واصلا لو فعلا صوري منتشرة او في احد يبي ينشرها

كانو اخواني عرفووو وصديقاتي واهل المنطقة واكيد رح يخبروني ويخبروو اهلي بس الحمد لله محد درى ولا

احد قاللي او سمع شي بالموضوع وشكله الموضوع كذب او ربي ستر علي وكمان اخذ حقي وربي ياخذ

حق المظلووووم بس رددو حسبي الله ونعم الوكيل او حسبي الله لا اله الا هو عليه توكلت وهو رب العرش

العظيم..ادعووو ربكم اذا تعرضتوووا موقف مثل موقفي او موقف انظلمتوووا فيه وربي رح يكون حسيبكم…

في شي ماذكرته لما هذا الريال العربي قاللي عن موضوع الصور كانت معاي صديقة مغربيه قعدت تدافع

عني قدامه ..وبعد فترة لما سمعت بخبر انه خلاص انتقل من المنطقة والمحل خسر قابلت هذي الصديقة

المغربيه وقالتلي شفتي سبحان الله ربي اخذ حقك منه بفترة بسيطة .. والله يعلم شو كانت بنيته

اتمنى الكل استفاااد ويا بنات لاتخلون صوركم على كومبيوتركم ولا لابتوبكم واهوا ماعليه حماية الاحتياط

واجب انا الحين لو اضطريت اتصور اشل ميموري الكامرا واحطها باللابتوب واللابتوب مب موصول بالنت

واحولهم من الميموري لسيدي فاضي وبعدا ارجع الميموري للكامرا واحتفظ بالسيدي في البوم مخصصتنه

للصور ومحتفضة بهالالبوم بدوولاب خاااص خخخخ<<تعقدت يعني صرت حذرة اكثر عن اول واصلا ماصرت

اتصور كثر اول الا بالمناسبات ومش اي مناسبة احس اني تعقدت من السالفة اللي حرقت اعصابييي…

ولا تعطون صوركم لاي احد مش تشكيكا في صديقاتكم يمكن صديقاتكم مالهم ذنب .. يمكم كومبيرتراتهم

عليها هاكرز او احد من اخوانهم ينسخون الصور من غير علم خواتهم ويسون لكم فيها بلاااوي الله يستر

علينا بس ..

ولو واثقين ان ماراح يصير هذا كله وان صديقاتكم حذرات جدا وعارفين هالمواويل كلها ماله داعي للخوف بس

لو مستهترات ووماعندهم وعي مانصحكم ترسلون لهم صور او تعطونلهم..

لاتنسوني من الدعاااااااااء وان الله يرزقني بالزوج الصالح اللي يستر عليه