°•.♥.•° فراخ كنتاكى ورز بالخضار والكارى وبطاطس مقرمشة ** اتفضلو °•.♥.•°

ازيكم يابنات ان شاء الله تكونو بخير
النهارده هقولكم على طريقتى فى الفراخ المقرمشة كنتاكى من مطبخى وطعمها ولا اروع من كنتاكى والطريقة سهلة جدا يلا اعملوها وجربوها ووفروا

اولا الفراخ

اول حاجة نقطع الفرخة 8 قطع ونعمل فيها فتحات بالذات عند الدبوس ونتبلها بالاتى (الخلطة السرية)
ورق لورا مطحون -زعتر – ملح – فلفل اسود – مية بشر بصل- فص توم مطحون جدا -شطة – كارى – بابريكا – بهار فراخ
ونتركها فى التتبيلة حوالى ساعة وكل ما تفضل اكتر هيكون الطعم احلى

ونحضر طبق به ربع كيلو دقيق – معلقة بيكنج بودر عشان القرمشة – ملح -فلفل اسود -بهارات فراخ – شطة لو عايزاها سبايسى

ونجيب الفراخ قطعة قطعة ونغمسها فى طبق نكون مجهزين فيه بيضتين على كوب لبن وضربينهم بالمضرب ووبعدين
نغطيها فى الدقيق

وبعدين نقليهم فى زيت غزير عالى الحرارة واول ما نحط قطع الفراخ نوطى الحرارة ونخليها هادية وتستوى اسرع لو غطينا القلاية

وناخد بالنا عشان ما يتحرقش لان رغاوى البيض هتكون مغطية الزيت فكل شوية نقلب ونشوفها من الناحيتين

ونطلعها على مناديل وتتقدم بالشكل ده

طبعا انا عاملة نصف فرخة فقط عشان انا وبنوتى لوحدنا وجوزى مسافر واتبقى منها كمان لكن المقادير دى لفرخة كاملة

وعملت معه رز بالخضار والكارى

رز
بصل
طماطم
ثوم
زنجبيل فلفل أخضر حار
كوسة / بطاطس / جزر
البهارات:
كاري / فلفل أسود/ ملح
يغسل وينقع الرز ويوضع على جنب
_ يحمر البصل والثوم والطماطم على النار ثم توضع عليها الخضار المقطعة تقطيع صغير (البطاطس / الجزر / الكوسة ) ويضاف الكاري والفلفل والملح وتترك على النار مدة تقريبا 15 دقيقة مع اضافة مقدار كوب ماء مغلي عليها
وفي هذة الاثناء يحمر بصل مع الفلفل الاخضر الحار ثم بعد ذلك يوضع الارز على الخضار ويخلط جيدا على النار

وبعد ان ينضج الرز يوضع في طبق ويقدم
ويوضع فوقه البصل والفلفل الحار

وبطاطس برده مقرمشه شبه ودجز من اختراعى بس طلعت رووعة
بطاطس متوسطة -ملح او حسب الرغبة +فلفل اسود+ذرة كمون+م صغيرة بابريكا+ م كبيرة زيت م كبيرة دقيق +م صغيرة نشا هو ده البديل اللي اخترعته عشان القرمشة ونصف ملعقة صغيرة كربونات الصوديوم (كربوناتوو)
تقطع البطاطس وتدعك بالتوابل والملح ثم الدقيق والنشا ونراعي عدم زيادة الدقيق حتي لا يصبح عندنا عجينة المهم ندعك البطاطس يه جيدا حتي يختفي اثر الدقيق تماما كما في الصورة

نرصهم علي احد الجانبين في صينية مدهونة زيت

وتدخل فرن عالى لمدة نصف ساعة وتحمر من اعلي لمدة 5 دقائق

وسلطة خضراء

وكاتشب

موز وتفاح وبرتقال وفراولة اتفضلو معانا