..°•°♥تبين بلاشر كريمي؟ تعالي شوفي طريقة عمله سهله وبالصور..°•°…

في بعض الأحيان لما نسوي لوك …. في آخر لحظه نكتشف ان شي معين مش متوفر عندنا!! 😎
شو نسوي نتوهق؟؟ لأ 😛 ندور على بديل 😀

اليوم براويكم بالشرح و الصور كيف تسوون بلاشر كريمي !! 😆 idea:
الفرق بينه و بين البلاشر العادي انه يعطيج اشراقه و لمعه تجنن نفس لوكات الاجانب
دايما تلاحظون ان خدودهم في الصور تعكس لمعه صح؟؟ البلاشر الكريمي يعطيج هالإشراقه
😛

أنا مثلا عندي البلاشر الكريمي هذا

و الحين نفرض ان ما عندي بلاشر كريمي !!

كل اللي نحتاج له هو بيجمنت و ستروب كريم
البيجمنت عبارة عن شادو بودرة
الستروب كريم عباره عن كريم مرطب فيه لمعه خفيفه يستخدم ك بيس للمكياج و ممكن تخلطين منه كميه مع الاساس ويعطيج الاشراقه الحلوه للوجه 😉

انا اخترت بيجمنت Rose

ناخذ قطرة من الستروب كريم

و بعدين ناخذ من البيجمنت كميه بسيطه مثلا بصبعج بس و اخلطي الكميه اللي في صبعج بالستروب كريم اللي حطيتيه في ايدج

شوفي النتيجه!!

و يوم توزعين اللون وزعيه على حسب رغبتج .. اذا تبينه اغمق او افتح
شوفي النتيجه الأخيره

اتمنى ان الموضوع يفيدكم