عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم بكتب خلطه انا سويتها بنفسي ومااحلل اي وحده تنسبها لنفسها سبق وكتبتها بقروب البنت عايشه حياتها وفالتها من كم شهر وقلت لازم انقلها موضوع كامل عشان الكل يستفيد منها مثل مااستفدت منها انا وبزيد عليها التمارين الخاصه بشد الصدر اللي كنت اسويها بالنادي مع المدربه والحمدلله دوورت لحد مالقيتها صور متحركه عشان تكون واضحه ومفهومه
اول شي هي نتاج تجارب وخلط كثير وتفحيص وتمحيص بالمنتديات وتجارب البنات يعني الخلطه حقي وماتلقونها بمكان ثاني خخخخ الا عندنا هنا بمنتدى فراشه والحمدلله انا لقيت منها نتيجه مع بداية الاسبوع الثالث بديت الاحظ التغيير وهو صدر فوووق عاالي 🙂
اول شي الطلبات
لوشن نيفيا لشد الجسم حجم وسط انا اخذته من صيدلية الدواء ب24 ريال
ثانيا زنجبيل طازج مبشور قد كوب شاي
مره حجم قبضة اليد
نيفيا العادي حجم وسط اللي يجي ب10
ولوشن زبدة الكاكاو فازلين اي حجم 
الحين الطريقة اول شي تاخذين الزنجبيل وتحطينه ببراد الشاي وتصبين فوقه كوب ماي وتتركينه يغلي لحد مايتبخر الماي ويبقى مقدار فنجان شااهي عادي تاخذينه الزنجبيل وتصفينه وتاخذين موية الزنجبيل
حطيها بعلبه وضيفي عليها المره واتركيها يوم لحد ماتذوب كلها
ثاني يوم صفي موية المره
الحين نجي للخلط بالمولينكس وادري الريحه قويه بس لازم الخلاط وبعدين انقعيه عشان الريحه هههههههههههههههه 💡
حطي لوشن النيفيا وموية المره والنيفيا الازرق العادي
طبعا الحين علبة النيفيا الازرق فاضيه تاخذين لوشن زبدة الكاكاو وتملين العلبه فيه وتحطين الكميه على الخلطة بالمولينكس >>>>يارب فهمتوا
انه بالنهايه كمية النيفيا العادي نفس كمية زبدة الكاكاو
والحين اخلطيهم بتطلع الخلطة سائله شوي
ولونها بيج وريحتها مرة مسيطره عليها بس تحمليها عادي
الحين رجعي منها كميها لعلبة النيفيا حق الشد لان اسهل للاستخدام وحطيها بالثـــــــــــــــــــــــــــلاجه شفتوا شكبرها بالثــــــــــــــــــــلاجه
وكل ماجيتي تستخدمينها رجي العلبه رجا جيدا هههههههههه
اخذي شوي بيدك ودلكي بشكل داائري من فوق الصدر ولاتنسين المنطقه اللي من تحت الابط لان تاثير كبير بالشد مع فوق الصدر
الدهن مرتين باليوم حسب وقتك انتي 😛
وبجي لشي مهم يابناات يسااااااااااااااااااعد كثير وهو
Sport Braهذي مهمه للي عندهم صدور مترهله لانها تشد ومريحه جداااا وتعطيني نتيجه مع الخلطه لانها تدعم الصدر كله
وشكلها يختلف شوي بس التصميم واحد وتلقينها اكثر شي بمحلات ملابس الرياضه الكبيره مثل اديداس
احس هذريت واجد بس جد لاني متحمسه تجربونها وياي وتنبسطون بصدوركم مثلي هههههه
الحين نجي للتمارين اللي لازم تحافظين عليها حتى لو تركتي اللوشن لانها مهمه وتشد ع فتره طويله حتى بدون كريمات 
التمارين الحمدلله واضحه وبالنسبه للاثقال الافضل تستخدميها لانها تعطي نتيجه افضل وانا استخدم وزن كيلو واحد اخذت الجوز من الفالح ب15 ريال بس
واي سؤال انا حاضره وربي انا ماحطيت اللوشن الا لما شفت نتيجه روووووووووووووعه منه وحبيت تستفيدون مثلي منه
دعواتكم لي بالهدايه والسعاده
اترككم برعاية الله وحفظه
