عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ما شاء الله تبارك الله لاقوة إلا بالله
بسم الله الرحمن الرحيم
الحمدلله وحده والصلاة والسلام على من لانبي بعد
راح أعرض عليكم هذا الجدول الأكثر من راااااااااااااائع
—-
أول شي وقبل كل شي إذا بديتي بأي شغله قولي وانتي تستخدمينها بسم الله الشافي بسم الله المعافي بسم الله الذي لا يضر مع إسمه شيء في الأرض ولا في السماء وهو السميع العليم
—-
الشعر : ادخلي هالرابط وسوي خلطة الزيوت هذي وحطيها مرتين بالإسبوع
قناع الوجه : 4 ملاعق كبيره ماء ورد + 4 ملاعق كبيره نشاء الذره + كوب صغير ماء … بقدر صغير على النار لحد ما تثقل شوي تكون نفس الكريم أو المهلبيه ترفعينها عن النار وتضيفين لها ملعقة جليسوليد وحركي لين مايتجانس وصبيها بصحن لحد ماتبرد بعدين فرغيها بعلبه وسط وسكريها واحفظيها بالثلاجه << يومياً لحد مايجف تماماً
لازم تدلعين بشرتك بمقشر لبشرة الوجه،ضروري عشان يقشر الجلد الميت << يوميا
وهذا أروع مقشر جربته رآآآآآآئع لأبعد حد من لوريال سعره 32 ريال
تونيك البشره ورفيقها الدائم : ماء الورد حطي بعلبه ( بخاخ ) وبالثلاجه أو مكعبات ماء الورد المثلجه تمرر على الوجه << يومياً
—-
الجسم : خلطة الجليسوليد عباره عن [ علبه كبيره جليسوليد الأحمر الأصلي + علبه صغيره فقس + علبه صغيره فازلين + علبه وسط بودرة جونسون للأطفال + عصير ليمونتين + فنجان ماء ورد + كأس حليب سايل ] تخلط بخلاط يدوي ثم بعلبه زجاجيه ويحفظ برا << يومياً
الطريقه : يدهن ( كل ) الجسم فيها قبل النوم وإذا قمتي خذي دش ينشطك وينعشك …. يعني اشطفي جسمك بمويه شطفه سريعه بعدين حطي على جسمك سكراب بالمشمش والبسي ليفة بودي شوب وفركي ( كل ) جسمك بنعومه وبشوية عنف وبشكل دائري لتنشيط الدوره الدمويه …. ابدي من تحت ….. واذا خلصتي تفريك اشطفيه زين وبعدين تروشي عادي بشاور جل …… وإذا طلعتي رطبي ( كل ) جسمك بأي كريم يريحك لترطيب البشره [ كاميل ، فازلين الجديد بأنواعه ، دوف الشاي الأخضر …. لترطيب البشره
هذي ليفه من بودي شوب توها نازله وكلمة روعه وجنان قليله عليها أفضل من أي ليفه ثانيه خشششنه ومصنوعه من الألياف الطبيعيه سعرها 35 ريال
حمام ساونا << انتظمي عليه كل شهر
الركب والأكواع : علبة فازلين الكبير + 4 ملاعق كبيره كركم جسم ، تخلط جيداً << تدهن يومياً لمده لا تقل عن 3 ساعات ثم تمسح بإسكينول الليمون ثم ترطب
الهالات : علبة فازلين وسط + 2 ملعقه كبيره كركم جسم ، تخلط جيداً – ادهني الهالات بالخلطه يومياً لمدة ساعه ثم يغسل
الرموش: تدهنينها يومياً قبل النوم بزيت الخروع الخاص بالرموش – يفضل انك تفرغين الزيت بماسكارا ماتبغينها وتكون خلصت ( تنظفينها زييييييين بمويه ساخنه وتخلينها تنشف ) وتصبين فيها الزيت شوي شوي
الشفايف: تدهنينها يومياً قبل النوم بخلطه عباره عن ملعقه كبيره زيت زيتون + ملعقه كبيره عسل + ملعقه كبيره ماء ورد
تخلطينه وتحفظينه بعلبه صغيره –لتقشير الشفايف استخدمي مقشر الشفايف من بودي شوب – رطبي شفايفك كل ماحسيتي بجفافها بهذا المرطب الرااائع من نيتروجينا
—-
بكذا خلصت من الجدول باقي تنظيمه وهذا أهم شي
(( التنظيم هو اللي بيسهله عليك وبيحسسك إنه خفيف ومنظم ومو معقد ))
الأشياء اللي عليك تسوينها قبل النوم
الوجه: غسل الوجه بالصابون – خلطة التفتيح – زيت الرموش – خلطة الشفايف
الجسم: خلطة الجليسوليد على كامل الجسم
الشعر: __
إذا قمتي
الوجه: غسل الوجه بالصابون – بخاخ ماء الورد المبرد أو مكعبات ماء الورد المثلجه
الجسم : تآخذين شاور بحيث انك تقشرين جسمك ، شرحته فوق
الشعر: __
منتصف يومك
الوجه: تقشير
الجسم: __
الشعر: براحتك متى مابغيتي زيتيه أو حنيه أو سدر أو كريم حسب انتي كيف نظمتي جدول اسبوعك للشعر
النصف الأخير من يومك
الوجه: قناع ماء الورد – خلطة الهالات
الجسم: خلطة الركب
الشعر: غسلي شعرك عقب الزيت أو الـ … الخ
—-
[ شرب 8 أكواب مويه مضاف لها شوية ماء ورد + الفواكه و الخضار = كفيله بجمالك ]
—-
وبس
تم بعون الله
والحمدلله
(( المهم ))
{ ما أحلل ولا أسامح أي وحده تآخذ الجدول هذا اللي تعبت عليه وتنسبه لنفسها ولاحتى نقله إلا مع ذكر اللقب والموقع >> نــــــاعــمـــــه موقع ومنتدى الفراشه النسائي }
—-
راح نبدا بالجدول السبت بداية رمضان وماراح ينتهي بإذن الله
(( لأن العنايه مو وقت محدد وتنتهي ))
