عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف البنوتات الحلوات << مصدقه نفسي أحسب عمري حرمه :Dههههههههههه
والله بقول لكم وش شفت البارح يوم رحت لمهرجان التسوق عندنا بالطائف …
شي عمري ما شفته ,,, بديت أشك إني بالطائف وربي 😡
أو حتى ببلد إسلامي …
زمان أشوف من هالمواقف بس البارح خلاااااااص غسلت يدي بالمره 🙁
شي مو طبيعي لا بنات ولا شباب …
البنات الله لا يبلانا … عبايات وربي أقمصة نوم أستغفر الله … كل جسمها من ورى باين … ومفصل وواضح وضوح الشمس … وليته على كذا غير مغري بعد … و أنا و أنا بنت أنبهرت بجمال جسمها شلون الشباب 💡
و إلا تجيك عند محل لبيع العود والبخور ,,, وطبعا البائع سعودي و كاشخ على الآخر … وتجي تشمشم في هالبخور والعود توقلين مدمنه … والعيون تسبلها في ذا البائع … وهو مهو مع الناس في عالم ثاني لأن أصلاً حجابها لبس عرس الله يسلمكن …وش أقول العباة إللي لابستها بسطت بليله فيها ثلاث وثلاثين لون … وهاتك أصفر و أحمر و أخضر في العباية…
و إلا بنت ثانيه واقفه عند محل أبهرتني فعلاً … العين مكياج كامل … اليد مناكير وخواتم … العباة كلها فضي … والشنطه طقم الجزمه و أنتوا بكرامه … و أربع كلاب أقصد رجال وراها <<< تكرمون 😉
والله إني أمشي مثل المهبوله فاتحه فمي … الناس وش بلاها … لهدرجة فصخوا الحياء … وين الأهل وين الأبو وين الأم … وين الأخ عن أخته تاركها تمشي كذا حجابها سافر … هي وينها عن نفسها هل ترضى تكون منكيان عرض في بترينت محل …
والشباب الله لا يبلانا بس … يازين أخواني و أعمامي بأشمغتهم بس 😆 idea:… والله وشي يقرف … الشعر يوصل لنص الظهر … ولابس ترنك … والسيقان توقلين سيقان النمر الوردي هههههههههههههه
وحالته حاله وعويناته طايرتن في الجوال عشان البلوتوث … ممكن وحدة صايبها حول في دماغها ترسل له شي والا شي 😉
وحاط لك من ذا الطوق إللي طايحين فيه … شي يحوم الكبد صدق … والبنطلون نازلن لنص …….. <<< كملوا الباقي 😛 وطالع إللي لابسه جوا …
أنا عني كنت أشوفها بالتلفزيون … بس عندنا بالطائف لا ❗ أول مره أشوفها …
وربي عالم فاضية … جد إللي أستنتجه بالأخير أننا و ليس الكل … شعب فاضي لا يجد ما يسد فراغه غير هالكلام الفاضي … ليتنا نستغل ما لدينا من معارف لننمي قدرات هذا البلد الطاهر … إللي غيرنا يحسدنا عليه …
ونرتقي بأنفسنا كأشخاص مسلمون والله غيرنا يحدسنا إنا ناس مسلمين وفتيات مسلمات وشعب مسلم
حبيت تناقشوني في إللي شفته … يا ترى هذا نتاج إيش من العوامل …
أكيد العوامل الغزو الفكري … لكن برأيكن يا بنات … ليش إحنا كذا يا المسلمين … غالبية الغرب … تجدين حياتهم عكس حياتنا … لا فيها فراغ ولا خرابيط مهرجان التسوق إللي شفتها …
ناقشوني يا الغاليات و خلوني أشوف رأيكن …
دمتم في طاعة الله …
