ّّ في كل كبد رطبه أجرا ّّّ ..

اسعد الله أوقاتكن بكل خير

اتمنى ان تكونون بأفضل حال

اخواتي الفاضلات

قال صلى الله عليه وسلم : (( ان الصدقه تطفئ غضب وتدفع ميتة السوء ))

أوصيكم ونفسي بالصدقه وخصوصا مع هذا الجو الحار

وبذكر لكم بعض الطرق الي نغفل عنها :

مثلا عامل النظافه بالشارع واقف تحت الشمس ودرجه الحراره تصل لفوق ال 40

وهو يشتغل ويكرف

لو جبتي له فطيره + عصير + ماء << هذي كم بتكلفك بس 3 ريال

وعطيتيه اياه بيفرح فيها كثيير وبكذا كسبتي فيه اجر

او خذي من غداكم شوي وخلي احد من اهلك يطلع برا وبتحصلون العمال ينضفون الشوارع او عمال المحطه راح يفرحون فيها كثييير

( في كل كبد رطبه اجرا )..

وقبل كم يوم شفت مقطع لطير من شدة العطش يشرب من فم انسان

حطي على شباك غرفتك صحن صغير فيه ماء

او بالحوش حطي لك كم صحن فيه ماء

او بقايا الرز الي بعد الغداء بدال مايرمى بالزباله حطيه بالسطح وارفعيه بشي وراح تجي الطيور وتاكل منه وكذا كسبتي اجر ..

ايضا الاغلبيه الحين معها بلاك بيري او ايفون / وفيه شي اسمه برود كاست وسوالف وطقطقه

بدال مانرسل مقاطع شوفو مقطع …. زلق مع الدرج .. صكو الباب بوجهه .. يغني وعليه صوت خقه .. البوم المطربه الفلانيه نزل ..

والاغاني / بتاخذين ذنب كل شخص ارسلتيها له وسمعها فليه نحمل انفسنا ذنوب واحنا مو ناقصين 🙁

وغيره

ارسلي / اذكار الصباح والمساء .. ادعيه .. ورد مذكور عن النبي .. موضوع ديني .. نصيحه ..

هذي بيمشي معك اجرها ليوم القيامه بأذن الله وكل من يستفيد منها ويقرأها بتاخذين عليه اجر ان شاء الله

(( الدال على الخير كفاعله ))

وصدقون ماتتصدقين بشي الا يجيك دبل هالشي الي تصدقتي فيه لوريال ريالين لاتستهينون بالصدقه

خصوصا الي تعبانه تتصدق وتنوي هالشي لقوله صلى الله عليه وسلم :(( داوو مرضاكم بالصدقه ))

هذي بعض الطرق الي ممكن نغفل عنها

الموضوع من كتابتي

اسأل الله لي ولكم الاجر