عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يا بنات أنا أبي أسالكم من واقع تجاربكم وغيره.. أدري البعض بيقولي لازم تروحين للدكتوره وأنا فعلا عملت موعد بس حبيت أسألكم وأعرف رأيكم من واقع خبره او تجارب اوغيره
أنا الحين حامل بالإسبوع 19 (يعني بالشهر الخامس) سافرت للإجازه الصيفيه وتعرفون الإجازه الصيفيه ما تخلى من المشي والوقوف وغيره..
المهم…..
من كم يوم نزل علي كذا ماده لزجه وجامده شوي مخلوطه بالدم (شوي) ويوم شفتها تذكرت سدادة عنق الرحم بالحمل.. نفس المواصفات
وبعدها بيومين نزل علي شوية دم مايل لونه على بني .. إستغربت من إلي شفته وما قدرت أروح أشوف طبيبة نساء (لأني مو ببلدي والموضوع يطول) فقلت أنتظر لحد ما أرجع بلدي وأشوف الطبيبه..
وأيضا تيجيني بين فتره وفتره آلام خفيفه مثل آلام الدوره..
أنا الحين رجعت وموعدي بعد 3 أيام بس أبغي اعرف آرائكم.. أيش ممكن يكون هذا وهل له أي دلاله ولا شي عادي؟
إدعولي يا بنات إن الله يسر امري ويكتب لي إلي فيه الخير سواء أكمل هالحمل او لا.. محد عارف وين الخيره….
