عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طالبتكم طلبة اللي تشوف أم البتول جايه مدرعمه تصك الباب عنها
<<<< صرتي رعب المنتدى يا أم البتول
قبل لا أشرح لكم معنى المثل أعلاه <<<<< أكشششششششششششخ
بأقول لكم شي…
فيني تكه مهيب طبيعية 
<<< المعنى تكه بتشديد الكاف تعني غلقة باللام الساكنة والغين المفخمة(وشلون تجي مدري) ويقال أنها تأتي بمعني ضيقة صدر والله أعلم
بكره فيه عزيمة غداء:(
من حبي للعزايم فتصير عزيمة غداء
المهم أن نصف الموضوع هذا طلع بسبة هالغلقة اللي فيني
قبل كم يوم الله لا يؤاخذنا قاعدة أتابع فيلم هندي
وعلى ذمة المواقع النتّية البطلة أكبر مني بسنة وأطول مني بسانتيين <<< على قولة المثل أكبر منك بيوم أطول منك بملي
والله أكبر عليها جسم بنت اللذينا تبون الصدق حسيت جسمي مسطرة جنبها والله بغيت أسوي حركة نذالة وأحط صورتها عند حكلة تكبير الصدر عشان يتحمسون صدق <<<< أبد ماقصدها تقهرهم وتحبطهم 😆
أكيد بتقولون وش دخل هذا في العنوان؟ 😆 🙂
يا جماعة الخير المثل المذكور في العنوان <<< اللي نست المثل ترجع تقراه مالي خلق أعيد كتابته
هذا المثل يضرب لمن أراد تعلم شيء وهو كبير والمفروض أنه يتعلمه يومه بزر
فيقول المثل يوم شاب (يعني صار شايب مو من كلمة شباب) ودوه (بتشديد الدال وتعني خذوه أو أرسلوه أو روحوه اختاري اللي يعجبك) الكتاب (بتشديد اللام وضمها وهو مفرد كتاتيب) <<< بالله ماأنفع معلمه عربي أو دين؟؟؟
نعود لمحور حديثنا
هالهنديه عليها جسم فتان ورقص فنان….. قلت وأنا لحظة حنان وش فيها زود عني؟؟؟؟؟؟؟؟
وأجيك أوقف أهز الخصر <<<< معلومه تراي ماأعرف من الرقص إلا اسمه بسس
تصدقون حسيت إن الكلى عندي خذت لفه وأنا أحاول أرقص والأمعاء معد عرفت ترجع لوضعها الطبيعي
رحت أتلفت يمين ويسار عسى ماشافني أحد
وأعيد لقطة رقصها وأحاول أقلدها مرتين بس وقعدت ألهث <<< من زين اللياقة
وأنا اللي أفكر وتنط في راسي أم البتول تدرون ليه
قريت في أحد مواضيعها أنها مستقعدة لوحدة تعلم الرقص تحس أنها نصابة
<<<< الله يقويك
بس جاء في بالي تساؤل بسيط
ليه مانحط تبع منتدى الفراشة منتدى تعليم الرقص؟؟
والله أني تنبط تسبدي إذا شفت هاللي يرقصون وأنا ماأعرف
طبعا بصفتي صاحبة الإقتراح بكون أنا المديرة والمشرفة العامة والطالبة الأولى
كني أحس أن موضوعي بينزل في نشرة الأخبار القادمة
<<<<<<قلت لكم لاتشرهون على الموضوع ترى فيني تكة
