عالم البنات النسائي كل ما يخص المرأة العربية من ازياء وجمال والحياة الزوجية والمطبخ
آلسلآم عليكـم ورحمـة آلله وبركآته
<<رد السلآم وآجب
آزيكم عآمليـن آيه عآوزين آيه
المهم انا لفيت لفه صغنونه على التسليه لقيت كلها فضاوه
<ماعليه على الكلمه بس وشسوي طفشانه
طبعا كلها العاب×العاب
مافيه سواليف ونقاشات وحركتآت
عشان كذا حبيت اكتب هالمويضيع اللي يناقش عن حياتنا اليوميه الاسبوعيه الشهريه السنويه الحياتيه
>>ماصار نقاش
رآح اقول لكم قصتي يوم اني بامريكا الشماليه الجنوبيه يعني في بريطانيا تحديدا في جزر القمر اللي بهاواي
المهم قلت لاه عسى ماشر قال بوديكم لامريكا
وجهي صار تسذا
المهم واروح لامي وانا معي الكيسه اللي فيها ملابسي طبعا الكيسه كيسة اهلا وسهلا >>وجه فقر
واخواني الصغار من ابوي جو يعدون جايبين معهم غترهم يبغوني اكويها لهم قلت معصــــــي
ويوم شفت ابوي قلت ابك انتم اخواني ان ماكويتكم عفواً كويت لكم غتركم من يكويها
المهم والبس واطلع والقى اهلي مو البيت يمممممه خلوني و اوطي رجلي وانحاش الحقهم
القى ابوي في السياره يناديني ياعمشااااااا وانا طيب طيب واركب السياره غمارتين
حقت ابوي وحقت اخوي بعد غمارتين وحنا منقسمين امي مع اخوي وباقي حريم ابوي معه
وانا معهم ومغير ركبي تقول هـه يعني ترتجف
واثناء سيرنا بالسياره وابوي بدا يصبغ شواربه>>هذا اذا كان عنده شواربه
وانا عيوني تناقز يمين يسار وابوي مخلي حرمته الثالثه قدام والثانيه ورى كا كا كا وانا عيوني في عيونها وهي تقول ابك امسكي اخوتس انتي ماتنفعين ياعجوز يابايره وانا احسن منتس رجالتس اخذ عليتس وقبلتس وحده
وقعدنا نتهاوش لين وصلنا للدوادمي وركبنا بالطياره للرياض وبعدها من متسان لمتسان لين وصلنا امريكا
وانا عيوني في الناس مافيه ورع بدون نعال
مافيه عيال يتهاوشون يتلاعنون يتطاردون ابدن ابدن وش هالناس؟!
مافيه حرمه ركبتها سوداء يمممه بيض وانا اقرص اميمتي شوفي شوفي
وامي ابك الله لايغضب علانا هذولي وشنهم؟ قلت يمه هذولي امريكيات وانا مغير اعاين بالزين وتسبدي تقلب واقول في نفسي ابك الحمدلله ان ربي امرنا بالحجاب صدق انه ستر وغطا
لا تكفيـن لايوصل شئ لابوي قلت اجل عاملني كانثى هنا صكني باقرب طاسه فيها لمبهعلى ما اعتقد ان اسمها ابجوره
لين رحت ورقدت فوق الكنب مع حريم ابوي
النوم عيا يجي اجيه منا يروح مناك اجيه مناك يروح منا عيا يجي مرتن مره
وبينما انا اسرح في اصابع رجلين امي الا وتجيني رفسه مع خشمي رقدتني يوم كامل
قمت الظهر ولقيت فطورهم يفتح النفس البيض والجبن ماشوفه هناك
مغير اشوف لي اشكال تهبل وعصير برتقال وحركات
رحنا للحديقه يوم جا العصر ولقيت لي ناس متفسخه ياويلي االحين الحرمه تمشي جنب الرجاجيل عادي ولاتخاف من الله ولا شئ
والقا لي حرمه جايتن يمي تقول لي انتي تغطين للحين على تخلفكم ذا وانا عيوني مبققه تسذا >>مالقيت ايقونه تناسب خخخخخ
وانا اقول ابتس التخلف وش اننا نتغطى صار تخلف ؟! ولا اذا كنا بالسعوديه نتغطى وبرا لا يعني ربي له مكان معين يحاسبنا فيه ولا كيف
المهم الحرمه عطتني مقفاها ومشت وانا عيوني مغير تغارق ابك التخلف وينه التخلف في الستر؟!
رحت للشقه وانا مزاجي صفر وروح لابوي واقول له ابك يازين مكه واهلها آمريكا لها ناسها وحنا مانا من ناسها
وابوي قال ابك يابنيتي والله انتس صادزه ماله داعي القروش اللي بصرفها على الفاضي
<<ابوي نيته القروش
وانتهت القصه طبعا القصه طويله بس اهم شئ تكون البسمه ارتسمت على خششكم الحلوة
واهم شئ بالدنيـآ آلآخلآق وحب آلوطن وطفآية الحريق
مع تحيآت شركة عمشـآء للقصص الخرافيــه
