عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخباركم ياحلوووين ولله الحمد تم افتتاح قروبنا بشكل رسمي طبعا امس كان بودي اني افتحه بدري عشان يكون احسن بس رحنا لم خوالي من زمان عنهم وانشغلت عنكم بس والله من يوم كانت الساعه 1ونص تقريبا جيت فتحت الموضوع وجبت اله حاسبه وبديت اطرح واحسب اللحين تقلون طبعا وش تطرح وتحسب صح؟؟؟
انا كنت مففكره اقسم القروب الى فرقين ع حسب اوزانهم بس نبهتني صمت الجبال ع مااظن قالت المفروض تكون الفريق المشتركات فيهم اوزانهم متقاربه يعني لو وحده وزنها70وهدفها مثلا50مستحيل راح تلحق اللي وزنها 60 وهدفها 50فعشان كذا رحت وكتبت اسماء المشتركات وكل وحد ووزنها وهدفها وبديت اطرح واشوف هي كم راح ينزل وزنها وعلى هذا الاساس قسمت القروب الى5افرقه
وتحت راح تشوفون اسماء الافرقه وكيف قسمته وكل وحده كم راح تفقد من وزنها
نجي اللحين للشروط والعقاب<<هع هع
الشروط \
1-لازم كل وحده مشتركه معنا بالقروب تدخل يوميا وتكتب لنا يومياتها وياليت مثلا تعلق على بعض الردود وكذا عشان يكون في تواصل اكثر بين القروب<<اتوقع هذي النقطه ماراح نعاني منها لانكم كلكم كاتبين في الاقتراحات التواصل بالقروب بشكل يومي
2-في يوم الميزان ياليت الجميع يلتزم بالموعد عشان يسهل علي الجرد واطلع من الفريق الرشيق ومين رشيقه الاسبوع
وراح يكون يوم الميزان الخميس من بدايه اليوم الا الساعه 7المغرب ياليت الجميع يلتزمJ
عشان يوم الجمعه بااذن الله احط الاوسمه للفايزين واعلمكم كل وحده كم خسرت من وزنها
اما اليوم المفتوح فكل وحده ورغبتها
لان البعض منكم ماينا سبهم يوم الخميس فبراحتكم اي وقت تبونه يكون اليوم المفتوح بشرط تقسين وزنك قبل اليوم المفتوح يعني مايكون يومك المفتوح الجمعه والميزان الخميس
3-مثلا مايمنع وحده عندها طبخه معينه فيها سعرات حراريه اقل تقولها لنا اوو تصور غداها وعشاها وكذا واللي عندها معلومات مفيده مثلا عن الرجيم والرشاقه وكذا ليش ماتقولها لنا عشان الكل يستفيد
المسابقات
بمااننا قسمنا القروب الى 5افرقه فراح يكون وسام للفريق الرشيق اللي يكنون اعلى في خساره الوزن
وراح يكون وسام لرشيقه الاسبوع اللي هي اكثر وحده خسرت وزنها في هذا الاسبوع
العقاب
راح يكون عقاب للفريق الاقل خساره في الوزن وراح يختار العقاب الفريق الفايز(رشيق هذا الاسبوع)
وراح تكون فيه دبه الاسبوع اللي ماخسرت اقل من كيلو يعني أي وحده مانقص من وزنها الا كيلوا واقل راح تكون دبه الاسبوع وراح تتعاقب واللي تعاقبها رشيقه الاسبوع
طبعا العقابات ياما تكون زياده في ساعات الرياضه او ممكن يقولون لها العشاء راح يكون مثلا سلطه بس وكذا المهم يكون متفق عليه من قبل الفريق اذا كان الفريق هو اللي راح يعُاقب…
رجاء ياحلوين اذا جاء يوم الميزان وبتكتبون اوزانكم يالت تكتبين انتي من أي فريق مثلا آإرتقآء من الفريق الاول وكذا
ووبس واي اقتراح انا مانفذته قولوا ايش عشان نتناقش فيه واذا كانتم موافقين عليه طبقناه
واحب اشكر الحلوتيين
boboo119
α7ℓα тσƒє
على مساعدتهم لي في شعار القروب+التصميم+الجدول+تواقيع الافرقه وكل ابو شي بالفتو ساعدوني فيه
الله يجزاهم خيير يارب وويسعدهم وويوفقهم ويحقوقون اهدافهم ويحرم ايديهم منن النار ويرزقه الفردوس الاعلى
وهذا الجدول يوضح كل وحده طولها ووزنها وهدفها
وهذا شعار القروب <ياليت كل وحده تحطه بتوقيعها؛؛
(α7ℓα тσƒє الجميله مابعد ارسلت الجدول والشعار اول ماترسلهم ابي احطهم لكم )
