ينزل علية دم الله يكرمكم

بنات انا عندي مشكلة مررررررررررررة متعبتني ومطفشتني
انا نزل مني دم الله يكرمكم قبل موعد الدورة يمكن بعشر ايام او اكثر المهم انا ماني عارفة ايش اسوي لاني في رمضان نزل علية دم قبل الدورة فسألت البنات قالولي مادام لون الدم شوي بني وكمان ينزل دم خفيف فهذا استحاضة وقالولي لازم اصلي بس هذي المرة الدم ينزل مرررررة كثير زي بداية الدورة وكمان احس بألام الدورة بطني وظهري يعوروني والدم لونة احمر المشكلة ان اليوم لية اكثر من عشر ايام والدم ماخف والالم كمان ماخف وكمان ماصليت لان خالاتي قالولي عشان نفسيتي تعبانة يمكن تكون الدورة نزلت في غير مو عدها بس انا اكثر شي مخوفني كثرة الدم والم البطن والظهر
وكمان مرررررررة محتارة في موضوع الصلاة لأني صراحة في البداية صليت بس لمن شكيت انها دورة خفت اقابل ربي وانا ينزل مني دم نجس الله يكرمكم
بنات اللي حل معاها زي او عندها خبرة تقولي الله يعافيكم ويرحمكم