عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
تدور في بال العرايس أسألة و أسألة ما تلاقي جواب عنها و في بعض الأحيان ما يخطر لها تسأل عن شي معين لكنها تتورط بموقف قد يكون بسيط و لكنها ما تعرف تتصرف فيه
و اليوم كتبت هذا الموضوع حتى يكون مرجع للعرايس يسألون فيه المتزوجات عن أي شي يدور في بالهم و أتمنى من المتزوجات التعاون
و أبدأ أنا بأول سؤال وهو:
ليلة الزواج بعد ما توصل العروس شقتها أو بيتها و ينصرفون الناس شتسوي يعني شنو تلبس و شلون تبدل و شتسوي في شعرها و مكياجها
بالنسبة للبس شخصياً أنا متعودة على خطيبي فبقول له إني ببدل (و أفكر ألبس قميص النوم وفوقه روب و أترك الباقي للظروف) أما مسألة الشعر و المكياج متحيرة فيها هل أترك المكياج ولا أشيله خصوصاً إن المكياج بيكون ثقيل و هل أفك التسريحة و لا أخليها لو فكيتها بيكون الشعر مليان سبراي و بيصير يفشل و لو خليتها أحس بعد بيصير شكلي غلط
و هل أبدل ثيابي بس ولا آخذ شور الأول؟؟ أحس لو دخلت الحمام بتأخر عليه
فشنو رايكم؟؟
ياريت ألاقي الأجوبة الشافية لأسألتي و طبعاً عندي وايد أسألة بعد و اتمنى بعد من العرايس يشاركونا الموضوع علشان يستفيدون و يلاقون أجوبة لأسألتهم
في الانتظار
