يلا ناكل نجرسكو

السلام عليكم
امبارح جربت النجرسكو وطلعت تجنن وخفيفه وجوزى حبها على غير العاده(مش بيحب التجديد)
قلت اجيب لكم طريقتها
المقادير
مكرونه اسباجتى
1/2فرخه (صدر)
بشاميل
جبنه موتزاريلا
بصله

عملت البشاميل
معلقتين سمنه و5ملاعق دقيق وحمرته لحد لما اصفر
وبعدين ضفت اللبن تقريبا لتر الا شويه وقلبتهم سوا ولما اتكتل منى كالعاده ضربته فى الخلاط بقى كويس وبعدين ضفت عليه بيضه وملح وفلفل اسود

قلبت المكرونه على الفراخ على 1/2البشاميل
جهزت قارب بيركس ودهنته سمنه وبطنته بقسماط وحطيت الخلطه فيه
رشيت على الوش جبنه موتزاريلا

وبعدين قلبت باقى البشاميل على الوش

ودخلته الفرن ولما البشاميل استوى شغلت الشوايه حمرت الوش


وبالهنا والشفا