عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا كروشات رجعت لكم بقصة ولادتي أإاااااخ بـس
بسم اللـه نبدأ:
يوم السبت 16 _ 7 جيت عند أهلي لأن زوجي مستلم في الدوام واستلمتني أمي وسوت لي تمر مع رشاد وحبه سوداء وأكلتها بعدين قالت لي قومي أمشي في الحوش ومشيت بـس ماعندي بوادر ولاده أبدا ويوم جاء الليل رحت إنام اتقلب يمين يسار ماقدرت عندي أرق مأاكمل ساعه نايمه المهم إذن الفجر وقومت صليت وانسدحت ع السرير يوم جت الساعه 8 الصبح إلا أحس بمويه تصب مني كثيئير مره جلست أنادي على أمي ومن صياحي البيت كله قام وأمي تهديني وأنا اقوولها ودووني المستشفى ودوووني ودقيت على زوجي وعلمته وأنا أصيح مررره ارتبك وقال يلا جائ بسرعه وأمي تقول يلا بنوديك أقولها ? أبي زوجي وأصيح والى الآن مافي طلق ولا شيء
رحت على المستشفى قوى الأمن دخلوني الطوارئ كشفوا لقو الرحم مفتوح واحد سانتي بسـ وقالو مافي سرير وحولووني على مستشفى الدكتور أحمد ابانمي وصلت ع المستشفى وخذتني الممرضه بعربيه لأني مااقدر أمشي مـن المويه وركبتلي مغذي وخذت مني تحليل وقاست الضغط والحراره الخ
بعدين طلعوني على غرفه وجتني الدكتوره تفحصني وقالت واحد سانتي ونوموني عندهم لأنو المؤية نازله الكلام هذا الساعه 10 الصبح واجلس مع الأم خفيفه ألين الساعه 10 بالليل وجت فحصتني الدكتوره قالت واحد سانتي أنا هنا تدمرت على الآخر وقلت خـلاص مافي أمل أكيد عمليه وقالو الصبح الساعه 8 بنعطيك طلق صناعي وجلست ادعي وإقراء سورة مريم بعدين قام الألم كل شوي يشتد وناديتها الساعه 1 بالليل عشان تفحصني قالت 2 ونص أنبسطت مرره والألم يزيئييد لين صرت مااقدر اتحمل بـس ماابغى أصيح وأمي يأقلبي جنبي اضغط على يدها كل ماجتني الطلقه وربي المممممم فضيئييع وقلت لهم خـلاص تعبت عطووني إبرة الظهر
ويوم جت الساعه 5 الفجر قالت 4 سانتي يلا ولاده وعطتني الإبره. الشرجيه وخذو مني تحليل دم عشان يشووفوا عندي حساسيه مـن أي دواء
وخذوني لغرفة العمليات وجاء دكتور التخدير وعطاني الإبره ماحسيت فيها ورحت لغرفة الولاده وركبولي مغذي ومضاد وفحصت لقته 5 سانتي وركبولي التخطيط. والطلق حآاااامي مووووووت والألم باقي ماراح وقلت للممرضه نادي دكتور التخدير وزود لي الجرعه وقال اصبري ربع ساعه والألم بيخف وفات ربع ساعه والألم باقي موجود وعلمت الممرضه ونادت الدكتور وجاب معه 2 دكاترة تخدير استغربوا وزودو الجرعه مره ثانيه وخف الألم وفحصت الدكتوره لقت الرحم فاتح 10 قالت أول ماتجيكي طلقه إدفعي وصرت ادفع ادفع بِــ??سّ مافي فايده خـلاص تعبت ماعاد فيني حيل وصرت استفرغ وأنتو بكرامه وارتفعت حرارتي 39 وشوي وعطوني أبره في المغذي والحمدالله نزلت حرارتي وقالت الدكتوره الجنين منتفخ شارب مويه ويمكن نسوي عمليه بِــ??سّ بنصبر عليــــ??ك ساعه وأنا كل ماتجيني الطلقه ادفع وخـلاص يأست واتصلو على دكتوره عشان العمليه وجت وهي جالسه تلبس البس الأخضر قلت في نفسي حرام بعد التعب هذا يسوي عمليه ودفعت مرررره وحده بقوووووه وطلع نونتي خلوودي بمساعدة الدكتوره وحسيت برجؤوله وهي طالعه مـن بطني وطلع يصيح وأنا جلست أبكي مادري ليـه وجلست الدكتوره تخيط أبدا ماحسيت بالخياطه دخللت غرفة الولاده الساعه 6 الفجر وولدت الساعه 11 و9 دقائق الظهر
الحين بقوولكم شؤوية حاجات ~
1» بالنسبه للكشف مـن تحت أبدا مايووووجع والدكتوره قبل ماتدخل يدها تقولي خدي نفس
2 » الولاده تيسير مـن ربي ?????ـَّـ? مجرد ماشفت نونتي أني نسيت الوجع حتى الحين أتذكر أني تالمت بِــ??سّ مادري كيف الألم
3» إبرة الظهر نعممممممه مـن ربي بِــ??سّ تراها ماتخفي الألم أنا سألت الدكتوره قالت لإزم يكون فيه ألم عشان تدفعين بِــ??سّ خفيف مو مقارنه بأول بِــ??سّ الحين أعاني مـن ألم أسفل ظهري واستعمل مسكن
4« مستشفى الدكتور أحمد ابانمي قممممممه نظافه وعناية وكل الطاقم مـن ممرضات الى دكاتره طيبين مرررره بِــ??سّ عندهم مشكله المرافق ماله دخل ? أكل ولا أي خدمات
5» أنا كنت دائما أقول لامي أني برروح أولد لحالي وماابغى أحد يجئ معاي وإذا ولدت وخلصت بتصل عليكم وأعلمكم مادريت أن العلم كذا
وأراد ربي و زوجي يستلم واجي عند أإمي وهي ??لَلِي? توديني المستشفى وكانت نعمممه مـن ربي ?????ـَّـ? ساعدتني وكانت واقفه جنبي طول الوقت وتذكرني أتنفس وادعيي. وقت الطلقه لأني جلست يومين منومه في المستشفى عشان المؤية نصيييييييييييحه مـن أخت لاتروحي لوحدك تؤولدي خلي عنك الهيااااط خخخخخ
وسلاااااامتكم دعوواتكم ربي يحفظ لي خالد
