يـقـولـي كـاشـخـه وش عـنـدك

//

)

أهم الوسائل لانجذاب الزوج للمرأة هو الاهتمام بالشكل والمظهر والسعي للتجديد دائما، كوني دائما أنيقة فالزوج يعشق الأناقة في زوجته، لذلك عليك اختيار ملابس البيت الأنيقة ومن الأنواع التي يفضلها الزوج دائما، وأشعريه بأنك تتزينين من أجله، وليس من اجل الخروج فقط، فإذا اعتاد على شكلك الروتيني في البيت بدون تجديد يضعف انجذابه إليك، فحاسة الرؤية عند الرجل مهمة إلى حد كبير،
من فينا مايحب الزين والمظهر الحسن..
اسعي لذلك ولاتجعلي زوجك يراك بشكل غير مرتب او غير انيقه
الزوجه الذكيه والشاطره من تاسر نظر زوجها بمظهرها الحسن…


لاتقولي انا اتزين واتكشخ ولايعيرني اهتمام طيب هذا معناته انك ماتحبين المظهر الحسن والتزين ولاانتي متعوده ع الظهور بمنظر حسن
ولا الزوجه السنعه والذكيه دائم حريصه ع مظهرها ومظهر بيتها واولادها ولاتحتاج تقول انا اكشخ ومايهتم ولا ليش مايكشخ مثل ماكشخ له
اذا انتي انسانه متعوده ع الزين ماتحتاجين لها الكلام ولاتنتظرين من زوجك مقابل..

يوسفني حال بعض المتزوجات لاتعير نفسها اهتمام تمر سنوات وشهور وماتغير بشكلها ولا لبسها لو بحلف الجدران حفظت شكلها حفظتها من عدم تغيرها
واذا لبست وكشخت بس وقت مناسبات او طلعات
تلبسين لناس وتكشخين لهم ولا تلبسين لزوجك الناس وش تعطيك؟؟
لاكن زوجك يستحق منك ذلك؟؟

اذا رجع من ساعة عمله يريد زوجه تستقبله بااحسن صوره وتوفر له الراحه بمظهرها وبيتها
مو يشوف زوجه بمظهر غير حسن تكدر مزاجه بمنظرها

غمضي عينك وتخيلي شكلك وانتي كاشخه ومتعطره ومرتبة البيت ومجهزه الطعام وتستقبلين زوجك بهالصوره<<
وش موقفك من نفسك وش ردة فعل زوجك؟
اكيد راح ينبسط
ولا شكلك مبهذله وملابسك مو مرتبه والبيت حوسه وريحة الطبخ تفوح منك ويدخل الزوج ع صراخك وصراخ اولادك ومظهرك غير مرتب؟؟
وين تبينه يلقى الراحه وهذا مظهرك

الاهتمام ماراح يكلفك واللبس والكشخه ماتاخذ منك وقت وش يحرمك من المنظر الحلو لاتقولين ماتعودت يوم كنتي عروسه وبشهورك الاولى كيف كان شكلك مو حريصه الا يراك الا بمنظر حسن
والحين وش يمنعك…
لاتحججين بالاولاد الاشغال الدراسه<<الزوجه السنعه لاتوجد هذي الاعذار عندها
هذي الاعذار ناتجه من زوجه مهمله كسوله..

انا مطالبك تزينين زينه كامله كنك طالعه لزواج لا الزينه بالمعقول
جملي مظهرك بالملابس الحلوه والنظافه والتعطر واضفاء لمسات مكياج بسيطه ع وجهك
وشعرك احرصي ع ترتيبه وتنسيقه وتعطيره..
احذري انبعاث روائح كريهة من أي جزء من جسمك، وحاولي نشر الطيب والعطر على جميع أجزاء الجسم. اهتمي بنظافة أظافرك وزيني أطراف أصابعك أو يديك. احذري انبعاث رائحة كريهة من فمك، والتي تنتج غالبا من بعض المأكولات كالثوم والبصل وماشابهه . أزيلي شعر الجسم لأنه يجعل الرجل ينفر منك. اهتمي بارتداء الملابس الداخلية الأنيقة والناعمة وابتعدي عن الملابس الداخلية القطنية غير الأنيقة. نظفي أسنانك دائما. صففي شعرك بتسريحة أنيقة، أو اتركيه منسدلا بشكل أنيق.
رائحة العرق الكريهة ترتبط بصفة عامة بإهمال الاستحمام أو تناول بعض الأطعمة احذري أن تذهبي من المطبخ إلى الفراش مباشرة.
اخذي لك دش ع السريع مع رش البودره المعطره اومعطرات جسم

ولاتنامين وتفوح منك روائح غير مستحبه بعد ماتحممي ع السريع رشي لك عطر
(خصصي لك عطورات لوقت النوم خلي زوجك يتعود ان مايشم هالعطر الا وقت النوم عطرين او 3)
والبسي قميص حلو وناعم وعطريه من هالعطر وشعرك رتبيه وحطي عليه خمريه
حطي كحله بسيطه داخل العين وروج ناعم ومرطب وبلاشر وارسمي حواجبك اذا من النوع الي ترسمين وحطي اظلال لونها لحمي فاتح تعطي العين منظر او اظلال ذهبي فاتح تعطي منظر روعه
يعني مكياج ناعم وبسيط..
احرصي دائم ع التنويع بلبس النوم البسي مره مغري وخالع ومره البسي طويل ومره شورتات…
ومره البسي ملابس داخليه فقط ونامي فيها بس مو اي ملابس لا اخذي ملابس مزينه ومنظرها حلو وتكون طقم
البسي ملابس نوم تفتن زوجك وتبرز مفاتنك وتحرك غرائزه

وقبل ماتنامين لاتنسين تفرشين اسنانك لانك لو نمتي ومافرشتيهم اول ماتصحين راح تنبعث من روائح غير مستحبه
وانصحك اول ماتصحين الصبح تمضمضين بموية الورد <<<مره حلوه تعطي انفاسك رائحه حلوه وتعقم الفم

ملابسك الداخليه بعد ماتنظفينهم لاتنسين تخصصين لهم عطر مركز من دهن العود لانه يثبت بالملابس اكثر
حطيهم بعلبة او درج ورشي العطر عليهم وسكري الدرج او العلبه وبعد ماتفتحينه تلقين الروائح تفوح

وبشرتك لاتهملينها ولاتخلينها تجارب لمساحيق المكياج والخلطات…
استخدمي مايناسبك ولاتكثرين مكياج…

لاتخلين زوجك يشوفك طول الوقت بمنظر واحد لاغيري والبسي يعني مثلا مرتين باليوم او 3 ع الاقل
وغيري من طريقة مكياجك وشعرك وريحة عطرك…

أحرصي على التزين لزوجك بأفضل صورة ممكنة حتى لا يشعر بأنك تتزينين لغيره ولعملك أكثر منه
واغلب الازواج يقولون زوجتي تزين لصديقاتها اكثر مني تزين للعمل اكثر مني..
ابي اسئل الي تزين للناس وللعمل اكثر من زوجها وش ناقصه زوجك عشان ماتزيني له..
لو فعلا انتي انسانه تحبين الزين والظهور بمنظر حسن ماقصرتي ع زوجك تزينين لناس وتزينين لزوجك مو تخصين الناس ع زوجك

من حق زوجك يشوفك بااحلى صوره وانتي كذلك من حقك تشوفينه بااحلى صوره
لكن الزوجه الذكيه تقدر تخلي زوجها يلبس لها ويتكشخ مو تقول خليه يهتم في نفسه ثم اهتم في نفسي خليه يكشخ لي واكشخ له
الزوجه الي تفوه بهالكلمات ينقصها شي بشخصيته..

اسأليه عن طبيعة الملابس والزينة التي يحب أن تتزيني بها داخل المنزل ، واستفسري منه بين الحين والآخر عن الموضة الجديدة التي يحبها حتى لا يصبح مظهرك روتينيا ممل
مثلا وش رايك بهاللبس علي وش خاطرك فيه البس لك اليوم
وش اللبس الي تحب اشريه لك وتشوفه علي والمكياج والشعر اسئليه عنهم

عليك أن تعرفي مواعيد عودته إلى المنزل ، واحرصي على أن تتزيني له قبل عودته

خصصي ملابس لتنظيف والطبخ فالملابس التي ترتدينها للطبخ أو أثناء التنظيف غير مناسبة للظهور أمام زوجك.

من اكثر الامور المعينه ع الجمال واظهاره النظافه النظافه
النظافه دليل ذوق وجمال وحسن تربيه..
احرصي على ان يكون لبسك ومظهرك نظيف وكذلك اولادك وبيتك..

كم من زوج اتى بيته وهو مشتاق لاهله ولكنه عند اول دخوله صدم برائحه كريهه بالبيت او تنبعث من الزوجه او راى الزوجه مبهذله بمنظرها وذهبت كل مافي نفسه من شوق وحنين

كم من زوجه احرمت الجمال لاكن اعطت نفسها جمال النظافه والاخلاق والتزين لزوجها
وكم من زوجه اعطت جمال لاكن اندفن جمالها بسوء تصرفاتها وعدم اهتمامها بمنظرها

احرصي النظافه والمظهر الجميل وارتداء الحسن والمغري لتجذبي زوجك لما انتشر اليوم من ظهور النساء بكامل زينتهن بالسوق والاماكن العامه والتلفاز
فعند روية زوجك لتلك المناظر والنساء لاشك يتحسر ع منظرك ويتمنى لو عنده زوجه بتملك المنظر والاهتمام..

لاتجعلين اهمالك لزينتك ونظافتك وتكشخك سبب لزوجك
في التجريء على مشاهدة المتبرجات أو المتزينات في الأسواق وغيرها من الأماكن …
وحتى في التلفاز يرى المذيعة او الفنانه في كامل أناقتها وهو لا يعرف المسكين أنها مصبغة إلى آخر درجة هو يرى فقط الجمال الخارجي كأنه يرى حورية…
وعندما يلتفت إلى زوجته يراها بإحدى الجلابيات العادية التي تلبسها طول اليوم ….؟؟؟ وشعرها مبعثر والعيون بيضاء لا كحل ولا ظل … ورائحتها تفوح منها رائحة الطبيخ. !!

وبعض المتزوجات يقال انه مسويه انجاز بعد ماتخلص الاربعين غيرت الشعر ووقعدت تهتم بشكلها طيب وبعد الاربعين وقبل الاربعين وين اهتمامك ذا ولا زوجك ماراح يشوفك دائم..

لازم تستيسرين نظر زوجك بتغيير مظهرك من منظر الى منظر بلون صبغه برسمة حواجب بلبس غريب بطريقة مكياج بتسريحة شعر,,,الخ

زيني جسمك بالنقش والحناء
ضعي نقاشات ناعمه ع اطراف الاصابع او ع الساق او ع اليد او ع الفخذ او ع الظهر او ع الخصر او ع اطراف الارداف..
راح يعطيك منظر خصوصا النقش بالدوج
النقش مايكلف اشري لك طبعة نقشه ب5 ريال
واشري حناء جاهز تحصلينه بالعطار ع شكل معجون واطبعي ع اجزاء جسمك الي تعجبك..

شعرك اهتمي بترتيبه وضعي عليه اكسسورات وزينيه بانوثتك واجعلي رائحته زكيه