عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا راح اتكلم عن المسلسلات وكثرة انتقادكم لها طبعا انا اقصد اللي يقولون ان المسلسل يشوه بلادنا وانه عكس صوره للغرب وانه تنقل واقع غير واقعنا وانه احنا ماعندنا هالسوالف احنا اطهر شعب واطهر بنات واحنا مسلمين
انا ابي هالفئه من البنات يسمعون اللي بقوله
بس بالاول افهموا شنو هدف المسلسل شنو مغزى المسلسل
المسلسل ياحبيبتي يناقش قضايا المجتمع وخصوصا اسوار والساكنات في قلوبنا اللي اشوفكم منقدينهم
يوم حطوا مشهد البنات اللي لهم علاقات محرمه هم ناقشوا هذي القضيه ماقالوا يابنات حنا ندعوكم كلكم لمثل هذي العلاقات ولا قال كل البنات لهم علاقات ولا خصصك انتي بالاسم فلانه بنت فلان الفلاني لها علاقه محرمه
افهمي هم يناقشون ذي القضيه يقولون للناس ترى عندكم بنات كذا لاتقولين لا ماعندنا ليش تنكرين؟؟؟ لي متى وانتوا تغوصون في الخطايا وتنكورون احنا الاطهر وحنا الاحسن!!!
اعرف انكم مسلمين لكن هل كلكم تتبعون تعاليم الدين كلها محد يغلط؟؟؟ مافي بينكم عصاه؟؟
ارجع اقول المسلسل يناقش قضيا عشان الناس تنتبه وتحلها
هذي بعض ردود الفراشات في مواضيع ثانيه عن المسلسل
يصوورن للناس انو هذه السعوديه بلد الحرمين ..
وتشويه لسمعة البنت السعودية شفت كم حلقة منه ارتفع ضغطي
فاشــــــــــــــــــــــــــــــــــــــــــــــل
نرجع للمشكال اللي طرحها المسلسل واللي انكرتوا انها موجوده بمجتمعكم
اول مشكله العلاقات المحرمه ؟؟؟ مافي بنات وشباب لهم علاقات ولا كلهم مطوعين؟؟
مافي جرائم قتل؟؟ اجل ليش بين فتره وفتره يصير حكم اعدام؟؟
مافي اغتصاب؟؟؟ لا عاد هذي ياكثرها
وفي غيرها بعد بس اختصارا عشان مايطلع الموضوع طويل
وهذي اراء البعض حول المسلسل
اقول استريحي بس
روحي عالم حواء وشوفي كثر المشاكل والتجريح من قبل الزوج اجل احين صار الرجل السعودي يهتم بمشاعر زوجته صح ان في رجاجيل ذوق ومايقصرون بس هل كلهم يهتم بمشاعر زوجته لا وفوق ذي مقصره معه؟؟ تقصون على من؟؟ مافي رجال يضرب حرمته؟؟؟ مافي واحد يسبها هي واهلها رايح راد؟؟ وهذي مو من عندي كلها مشاكل حقيقيه
النموذج الثاني في المسلسل: يظهر أن الفتيات السعوديات ممنوعات من الخروج حتى لقضاء أبسط الحاجات أو العمل ولا يطلب رأيها وتضرب وتهان أريد أن أعرف أين وجد الكاتب مع احترامي الشديد له هذه النماذج يكفي أي مشاهد أو قارئ أن يذهب لأي مول أو سوبر ماركت ليشاهد نماذج كثيرة وشرائح مختلفة من المجتمع السعودي ولن أقول مطاعم ولن أقول أي منافذ ترفيهية أخرى ولن أقول أي منشأة معظم العاملات فيها من السعوديات فإذا كانت الفتاة السعودية ممنوعة من الخروج فمن نرى في كل مكان نساء المريخ مثلا أو من المغرب أو من سوريا أو من أي دولة.
هو قال بلسانه كل فتيات السعوديه؟؟؟ ومافي بعضهم ممنوعين من الخروج؟؟؟ اهو قاعد يطرح مشكلة هاي الفئه
النموذج الثالث: إظهار المرأة السعودية بأنها سيدة غير اجتماعية ولا تحب العطور والأزياء ولا تهتم بنفسها ولا تهتم بزوجها وأتحدى أي شخص يقول مثل هذا الكلام حيث ان إحصاءات تجارة العطور العالمية تؤكد بأن المملكة من أكبر الدول في العالم استهلاكا للعطور وأدوات التجميل فمن يستخدمها كما أنه أظهر المرأة بأنها لا تحب الخروج إلى أي مكان وتكره المطاعم وتفضل الجلوس في المطبخ ويحضر زوجها إلى المنزل ويشاهدها تطبخ ورائحة البصل والطبخ تفوح منها والحقيقة بأن المرأة السعودية تحب أن تحيا حياة مرفهة وتمتلك ذوقا رفيعا في الأزياء والعطور والتجميل ومعظم السيدات السعوديات يرفضن دخول المطبخ على الرغم أنها سيدة منزل جيدة ولكنها تكره دخول المطبخ.
هل كل بنات السعوديه متكشخات 24 ساعه؟؟ ليش انتي رحتي بيت بيت وطليتي عليهم؟؟ اكرر قاعد يطرح مشلة هاي الفئه بس ماقال كل بنات السعوديه صح في بنات كشخه حتى وهم نايمين بس بعد في العكس؟؟ موصح
http://satfrequencies.com/girls/alfrasha16/thread271495/ وهاي الرابط اللي خذت منه الاراء
يابنات شلون المجتمع راح ينتبه لاغلاطه اذا محد كان يناقش مثل مافي ناس ملتزمين وواعين في ناس غايصه في خاطايها في ناس تغتصب في ناس تسرق في ناس تسوي اشيا حرام بس المجتمع يحتاج يسلط عليها الضوء عشان الناس تصير واعيه وتبدأ في حلها المسلسل ماراح يحط الحلول الناس المفروض تحط الحلول لنفسها
هذي المشاكل مو بس فالسعوديه فالخليج كله وفالبلاد العربيه كلها بس مو معقوله مسلسل سعودي يناقش قضايا اماراتيه ولا لبنانبه مع انها تقريبا متشابهه
لاتنكرون ترا القضايا اللي فالمسلسل موجوده بمجتمكم وتدرون عنها ليش الانكار؟؟
واذا خايفين الغرب ياخذون فكره مشوه عنكم ترا حتى اهمه عندهم هالمشاكل لكن مانكروا وقالوا احنا اطهر ناس!! بالعكس قاعدين يحلونها
مع اني ماظن انهم جابوا خبر مسلسلاتكم
وترا محد قال مسلسلاتنا تشوه منظرنا وتعطي فكره للناس عن مجتمعنا لان الناس كلها تعرف ان هذي فئه من المجتمع مو الكل
( واضح من بعض الردود انكم فهمتوا موضوعي غلط انا مادافع عن الشركه والمسلسل ولا اقول ان المسلسل توب في كل شي في سلبيات كثيره بس قصدي من اللي كتبته فوق لا تنكروووووووووووووووووووووون فقط )
( رجاءاً يابنات اللي تبي ترد لاتقولني كلام ماقلته وتخلي لكلامي مقصد ثاني
في كثير بنات قالوا اني ادافع عن المسلسل انا مادافعت عنه انا بينت شنو هدف المسلسل وقلت ان المشاكل اللي تحصل فيه موجوده في واقعنا لان في بعض البنات انكروا وقالوا احنا ماعندنا قضايا طبعا فمواضيع ثانيه مو هني)
