يبيع >>>بليلة>>>قدام قصر ابوه !!!

سلام عليكم
باحكي لكم حكاية!!

الحكاية شفتها (بام عيني ) وعاصرت احداثها بحكم الجيرة كم سنة لهالعائلة

وحبيت اعرضها هنا …يمكن القى سبب وجيه لها:(

ولد عمره عشر سنوات يبيع بليلة …بجنب محل ابوه (تاجر الاقمشة ) 😈

وبصراحه اتعمدت بعنوان الموضوع اكتب (قصر) وليس محل, حتى ابين الفرق الكبير بين (قدر بليلة)من بائع متجول وبين (محل كبير في مركز مشهورلبيع الاقمشة الفاخرة المستوردة من الهند) !!

الولد يجي مع ابوه في فترة العصرية …للمركز التجاري,,,الاب يروح يفتح محله …والابن (يبسط )بقدر البلية …في نفس المركز ,,,ويرجعون بالليل على الساعه 12 للبيت وكل واحد يشيل الغلة بيده!!!

why?

هل هو عشق التجارة بدءا من بليلة وانتهاءا باقمشة فاخرة؟؟!!!

هل هو حب المال؟؟,,وهل الي يجي من قدر البليلة يروي عطش الاب من المال؟!!

هل هو مجرد تخبط ,,بلا مبدا ولا هدف ولا تفكير؟؟

هل خصص العائد من البليلة مصروف لولده <<يامال الفقر 😆 🙄

ليش ماراعي الاعتبارات الاجتماعية؟؟!!! 😛

ليش ماقال انا تاجر معروف ابا عن جد بهالمركز مايصير اخلي ولدي بنفس المكان يجاهر ببليلته!! . 😡

طيب ليه مافتح للولد محل صغير محترم وخلاه يبيع بليلة وفلافل وشاورما …ان شاء الله لو شاهي بريالين!!:P

فيه في الحكاية هذي ….بعض المنعطفات باكتبها حتى تحيطوا بالموضوع من جميع الجوانب !!

بالنسبة للولد:

اولا : الولد خايب بدراسته <<<اتقول امه احيان ينسى الشنطة ويتذكرها لما ينزل من السيارة قدام المدرسة يلاحظ انه نازل فاضي!!! وطبعا بسرعه يرجع يجيبها من البيت!!

ثانيا: كثير من الاحيان ياخذ معه اخوه 3 سنوات للمركز <<<يمكن عشان يعلمه اسرار المهنة !!

بالنسبة للام:

من عائلة فقيرة عكس زوجها (تاجر الاقمشة) ,,,هل هذا سبب وجيه لبيع البليلة؟؟!!<<<يمكن التجارة اتخص الام وتبغى تبدا من الصفر!!

بالنسبة للاب (بطل الحكاية):

حنون …وطيب ..لدرجة (الهبل) ,,وكم مرة الام تقول له على الاقل خلي شخصيتك قوية قدام عيالك !!!<<هل هذا برضه مبرر لعدم ردعه للام وولدها في البسطة بالبليلة قدام محل ابوهم؟؟!

بصراحه (مادري) 😆 🙂

ماني لاقية مبرر …هل انتم معي في حيرتي؟؟؟!!…او اتشوفون ان الموضوع اعطيته اكثر من حقه وان بيع البليلة (البطل الثاني في الحكاية) هو مجرد تسلية وربح مفيد للولد لااكثر …………ولو كنتم مكان هالتاجر ,,,,,كيف بيكون المستوى الاجتماعي الي بتحطون اولادكم فيه؟؟ 😛