عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
كيف حالكم بنات اول موضوع لي ياليت تشاركوني فيه
انا متزوجه من سنه وخمس شهور وماحدث حمل ابد ولا حتى حمل واجهاض
بعد سبع شهور رحت لدكتوره قالت عندك تكيس عطتني كلوميد وابر تفجير 2
وفحصتني بعد اسبوعين قالت حجم البويضات كبير مره ونسبه الحمل 98%
ولا صار حمل
وخذت دورة علاج ثانيه عندها بس زادت ابر التفجير والي صار انا بويضاتي ماكبروا لحجم
ممكن يحدث معاه حمل
والشهر الي وراه طوالي رحت وحده العقم واطفال الانابيب اعطاني منشط ثاني نسيت اسمه
و12 ابره تفجير وبالموت وصل حجم البويضات 17
سويت تلقيح صناعي
وبعد اسبوع بدا يجيني وحم وترجيع ( وانتو بكرامه ) وكرهت عطور معينه واكلات محدده
وتاخرت الدوره علي قلت 100% حامل سويت التحليل
وقبل تطلع النتيجه نزلت الدوره اكرمكم الله
وبعدها تعبت نفسيتي بالمرا جلست كم شهر من غير علاج
رحت الدكتور بمستشفى حكومي قال كل الي سويتيه خطاء وبياثر على الخصوبه
اول شي لازم تاخذين منضم الدوره لمدة شهرين وتجيني اعطيك منشطات
يوم خلصت الشهرين مارحت له رحت حق الي تمرخ وهذا انا مستمره عليها لاكن باقي اسبوعين
على موعد الدوره
لاكن بهذا الشهر جتني حماتي قالت انها حامل ربي يتمم عليها
وبعدها بثلاث ايام اختي وزوجه اخوي ثنينهم متاخره عليهم الدوره وحللو مع بعض وثنينهم حاملين
ربي يوفقهم ويتتم حملهم
وبنت خالتي بعد واليوم زوجه اخوي الثاني حللت وطلعت حامل
ربي يتمم عليهم كلهم
انا مو حاسدتهم لا وربي بس ما ادري شلون شعوري افرح لهم لاكن احزن على نفسي
احس انهم بنات من جد وانا انوثتي ناقصه
وشفرقي عن الرجال تجيني الدوره بس
انا متاكده زوجي لو صبر كمان سنه او سنتين ماراح يصبر العمر كله
وشبيكون شعوري لو تزوج ثانيه واجابت له عيال وشبكون انا بالنسبه له
مجرد ارض صبخ لا تنبت ولا يجنى منها شي
وانا شعوري حرمان الامومه شي مو هين ( المال والبنون زينه الحياة الدنيا )
مدري شسوي يبنات ارجوكم انصحوني
ولله انعزلت عن العالم وكرهت الطلعه وعلاقتي مع زوجي مدري كيف صارت
مو منه هو انا الي تغيرت شعوري بالنقص هو الي غيرني
ولله اني اكتب الموضوع واصيح
والحمدلله على كل حال يارب العالمين وانت نضرتك اكبر واوسع من نضرتنا الناقصه
واكيد كل شي تسويه في صالح لنا
يارب ارزق كل محرومه
برحمتك يا ارحم الراحمين
ارزقنا كما رزقت يحيي رضي الله عنه
فانت قادر وغيرك لا يقدر
اللهم ارشدنا الاسباب وسهلها لنا
وصلى الله على محمد وال محمد اجمعين
