عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عزيزاتي الفراشات أهديكم هذه القصيده وأتمنى تنال على إعجابكم لأنها تتكلم عن أغلى مخلوق”الأم” 😆 ddhgh:
يا يمه منتهي جيتج وطالب منج الغفران***أقبل قاعة أقدامج وأغسلها بدمعاتي
يا يمه كل ما فيني ينادي لج أنا ندمان***طلبتج قولي سامحتك وردي لوجهي بسماتي
أنا أدري قلبج الطيب كسرته بصدمة النكران***غلطت وغلطتي هذي تعير كل غلطاتي
تشوف الشيب يا يمه ترى ما جاء وأنا فرحان***ورب إللي رفع ذاتج ونزل للردى ذاتي
فقدت الراحة من بعدج فقدت الطيبة والتحنان***بدونج راحتي غاية بيدينج هذي راحاتي
أنا … أنا بعدج ولا حاجه أنا بعدج ترى عميان***أشوف ولا أشوف إللي يوريني مساراتي
أنا وسيد الشقاء والهم من بعدج غدينا إخوان***يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تندان***رميتج في بداياتي ورموني في نهاياتي
أنا من شالج بأيده ورماج بأسفل البركان***نخيتيني وطلبتيني ولا حصلتي نخواتي
مثل ما هنتي بعيوني عليهم قلبي يمه هان***رموني وضعفهم فزعه وأنا الدمعات فزعاتي
يا يمه لا تظنيني أنا من فعلهم زعلان***سواتٍ فيج سويته وسووا فيني سواتي
يا يمه يا الله ضميني ودفيني بين الأحضان***أنا أدري فيج مشتاقة وهمج بس ملاقاتي
يا يمه … يا يمه حيل ضميني أبي أرتاح أنا تعبان***تعبت أهرب من ذنوبي أبي أجا خر مسافاتي
أبسمع منج أي كلمه لصوتج مسمعي ولهان***أبسمع يمه بصوتج أبذكر فيها نشواتي
أشوفج ساكتة يمه غفيتي ولا أنا غلطان***غفيتي يا بعد عمري تعبتي من مواساتي
يا يمه … يا يمه … يا يمه …***طالبج قومي إذا لي بعيونج شان
أشوف الموت بعيونج عساها تخيب هقواتي***تعالوا يا بشر شوفو أنا محتار أنا تلفان
أنا أمي ما أدري وش فيها أنا مدري أنا أحاتي***شنو .. شنو .. أمي أنا ماتت لا … لا ترى غلطان
أنا أمي ما تخليني على حزني ووناتي***أنا أمي قلبها طيب ولا يمكن تبجي إنسان
أنا أمي ما تبجيني ولا تتمنى آهاتي***يا يمه صح ما متي وصح الموت تو ما حان
إذا متي أنا بعدج أبقضي وين ساعاتي***يا يمه قومي وقولي الموت لا ما كان
أنا جيتج وأنا ناوي أبدل فيج جناتي***تركتيني ومتي ليه تركتيني وأنا غرقان
ولا مسموح يا وليدي ولا تلعنك لعناتي***أنا الجاني وأنا المجني وأنا المخطي وأنا الندمان
وأنا بيدي رميتج إيــــــــــه وبعثرته ملفاتي***وجيت من الهناء مفلس وقلبي من الضناء خسران
تركتيني على ناري أعدد فيج زلاتي***ولا ني بمرضيٍ ربي ولاني تابع الشيطان
أنا بعدج ترى مابين نهاياتي وبداياتي***يا يمه منتهي جيتج وكلي مرتجي غفران
وشفت الناس تلعني وتحذرني من الآتي ….
عن Lostmind
شاهد أيضاً
مقارنه لبعض المصطلحات الحجازيه والنجدية
اتمني من جميع الفراشات عند قرات الموضوع عدم الزعل انا ما نقلت هذا الموضوع الا …