عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بنات 😈
كل عام و انم بخير ➡
جاني دا الموضوع اليوم و مره يموت من الضحك 😆 hy:
فحبيت انقلو لكم … بليييز كل وحده تكتب ايش احلى تعليق بالنسبه ليها .. اسيبكم مع الموضوع 😡
أحبابي الكرام قرأت هذا الخبر بالصدفة البحته على موقع مصراوى
أجمل مافي الموضوع هو تعليقات القراء
لم اتمالك نفسي من الضحك عندما قرأت التعليقات
ارجو منكم ان تقرأو المقال جيدا قبل قراءة التعليقات
المقال طويل و انا اكتفيت ببعض الفقرات منه
طبيب مصري يعلن انشاء جمعيه لمنع القبلات بين الازواج
6132007 6 😉 00 p.m.
في تقليعه جديده لا يعرف احد الهدف منها اعلن الدكتور عادل عاشور استاذ
طب الاطفال بكلية الطب جامعة القاهره عن رغبته في انشاء جمعيه لمنع
القبلاتبين الاصدقاء و زاد على ذلك بإعلان رغبته في منع القبلات بين الازواج وهو الامر الذي بدا غريبا و فجر المناقشات داخل المجتمع المصري
و عن السبب الرئيسي في طرحه فكره انشاء الجمعيه اكد الدكتور عادل ان
كافة الابحاث العلميه التي نشرت فيكبرى المجلات الطيبه العالميه اجمعت على الاضرار الطبيه الخطيره التي يسببها تبادل القبلات من خلال انتشار العدوى من الامراض الخطيره الفيروسيه و الميكروبيه و ابرزها الامراض الجلديه و يأتي على رأسها حب الشباب و من الامراض الميكروبيه مثل مجموعه المكيروبات العنقوديه و هي ميكروبات موجوده في فم الانسان بصوره طبيعيه
كذلك الحمى الشوكيه وامراض الفيروسيه التي تنقلها القبلهايضا مثل الزكام و الرشح التي يجب عدم الاستهانه بها حيث قد تصيب الخلايا المبكنه لخلايا المخ و ينتج عنها ارتفاع شديد في درجة الحراره يصعب السيطره عليها و قد تؤدي الى الوفاة في بعض الاحيان و ايضا التهاب الغده النكفيه و كذلك الحصبه الرماديه و الالمانيه و الفيروسات الكبديه
و اكد ان الجمعيه تضم في عضويتها كافة التخصصات الطبيه لشرح الاثار السيئه
و عن رأي الدين في اهداف هذه الجمعيه اكد الدكتور اسماعيل معروف بجامعة الازهر ان تعاليم الدين تحرم القبله في غير الاطار الزوجي و قد اكد العلم على وجود اضرار جسيمه لذلك
و عن اراء المواطنين حول هذه الجمعيه المزعم انشاءها تنوعت الاراء بين الرفض و القبول
هدى محمد طالبه بكلية الاعلام وصفت الاعلان عن هذه الجمعيه بأنه كوميدي ولا يهدف سوى الى لفت النظر الى القائمين عليها اذ افتقد الاعلان عن منع القبلات الاساليب الي سوف تتبع للتأكد من حدوث هذا المنع
التعليقات
هذا كلام فاسد و باطل دون تردد، و معارض للسنه النبويه،فقد ثبت ان النبي صلى الله عليه و سلم كان يقبل زوجاته، و كان يقبل السيده فاطمه و الحسن و الحسين رضي الله عن الجميع ، و افتى الشيخ بالقبله في الصيام .
و انصح الدكتوران يبيع لب و يبطل تخاريف.
ــــــــــــــــــــــــــــــــــــــــــــــــــ ــــــــــــ
و انا اقول الرئيس البوسني مات ليه ؟؟
ــــــــــــــــــــــــــــــــــــــــــــــــــ ــــــــــ
واحد يحرم البوسه بين الازواج، وواحد يحلل ان الواحده ترضع زميلها،
ما ترسونا على بر نرضع و ما نبوسش ولا نبوس وما نرضعش.
ــــــــــــــــــــــــــــــــــــــــــــــــــ ـــــ
الدكتور دا اكيد معندوش شفايف
ــــــــــــــــــــــــــــــــــــــــــــــــــ ــــ
كل حاجه بقت مشكوك فيها و بتجيب الامراض حتى البووووس اظاهر كل واحدحيروح يبوس نفسو في المرايا
ــــــــــــــــــــــــــــــــــــــــــــــــــ ــ
روح شوف العيش المسرطن ولا الشيبسي ولا المياه المجاري ولا الخضروات المسرطنه و الهرمونات ولالالالالا و بعدين اتكلم على البوس
ــــــــــــــــــــــــــــــــــــــــــــــــــ ـــ
فعلا فعلا الدكتور دا يستاهل بوسه ف بؤه مش بوسه وحده لا ده يستاهل 80 مليون بوسه من 80 مليون بوووؤ عشان تجيله كل الامراض الي في الدنيا
ــــــــــــــــــــــــــــــــــــــــــــــــــ ـــــــــ
نحن جمعية هنبوس هنبوس حتى لو البوس بفلوس و ياريت الدكتور يجي يبوس الواوا
ــــــــــــــــــــــــــــــــــــــــــــــــــ ـــ
الحياه من غير بوس زي قوله من غير مايه
ــــــــــــــــــــــــــــــــــــــــــــــــــ ـــــــــــــــــ
مش عارف اقول ايه مش كفايه مش لاقين نتجوز كمان الي مجوزين مش حايبوسوا طب ده نسميه ايه ؟؟؟؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــ ـــــــ
اليوم تقليعة البوس ينقل الامراض الجلديه و بكره لاتلمس جسد زوجتك لمنع انتشار الامراض الجلديه و بعد غدا يستحسن ابدادة صنف النساء انكم تسعون لتحريم الحلال (واضح ان البوس عامل مشكله للدكتور) اقلك حاجه اعمل زي اللمبي بلغ لجنة حروق الانسان
ــــــــــــــــــــــــــــــــــــــــــــــــــ ـــــــــ
طيب لمن زغيف العيش يقع على الارض اجيبه و ابوسه ولا غلط يا حلاوه على العلم و الي بيتعلموه
و احب اقول لسعادة الدكتور الفاضل ادرسلك حاجه تنفعك احسن و سيب الناس تبوس ياعم و بلاش و ساوس
ــــــــــــــــــــــــــــــــــــــــــــــــــ ـــــــــــ
لقد صدر اخر التعديلات الدستوريه وهي منع البووووووووووس نهاءي نظرا لانتشار الامراض و قد نفذ حتى على الازواج ما عدا كل ماهوا وطنيييييي و يعتبر ممارسيه نوع جديد من الارهاب و يسمى الاخوان البايسين طبعا لا ينفذ على الحكومه لأنهم مبيدات .
ــــــــــــــــــــــــــــــــــــــــــــــــــ ـــــــ
انا عايزه اطمن الدكتور ده و اقوله انه و لله الحمد معظم الازواج في مصر ما بيبسوش بعض اصلا !! بوس ايه ياعم بلاش اقله ادب ، هزا احنا بنتجوز و ندفع دم قلبنا ولاد وبنات عشان نبوس!! ايه المسخره ديه !!
ــــــــــــــــــــــــــــــــــــــــــــــــــ
يعني لو وحده اسمها بوسي تغيره و يبقى متبوسيش بس كده اتحلت خلاص مع تحيات شركة متبوسيشي لانسر
ياعم بوس ايه الي عايز تمنعه؟؟؟
ــــــــــــــــــــــــــــــــــــــــــ
دا الواحد بيبقى لسه سايب صاحبه من ربع ساعه يشوفه يقوم نازل فيه بوس…بوس اخوب طبعا… و كمان عايز تمنعه بين الازواج لا ده الواحد يلحق يتجوز قبل ما يبقى قرار و يتناقش فيه مجلس الشغب
ــــــــــــــــــــــــــــــــــــــــــــــــــ ــــ
يعني بوس الواوا دح
__________________________
على رأي الفنان محمد رضا : مش هنبوس بقى
ــــــــــــــــــــــــــــــــــــــــــــــــــ ــ
ممكن كل واحد قبل ما يبوس البت بتاعته يتمضمض بمحلول “البيتادين” و يدهن شفايفه بردو بمحلول “البيتادين” و بعد ما يخلص البوسه بتف تلات مرات و يشرب كبايه اكيد…. “البيتادين” …. ربنا يشفيكم
منقووووووووووول 😳
