يا أهل خير تعالي شوفوا حالتي

غفر الله لكم وأصلح شأنكم

بقوول لكم شي كنت كثير متررده فيه لكن يوم شفت الحلول في كل من تحط هنا مشكلتها قلت يله حتى أنا

ياجماعة بكمل سنتين وأنا على هذا الحال مدري شو صاير فيني وهالأيام أحسها زادت حالتي أنا كنت ملاحظة بس قلت ضغوط من الدراسة وأيام مراهقة بعدين تزول لكن أكتشتفت أني أعاني من أشياء غريبه بدنية وكمان ألي حولي نبهوني ➡

بقوول لكم بالتفصيل 😆 idea:

صرت أكره أهلي ولا أحب أسمع منهم كلمه حتى أمي ألا هي جنتي مدري شو جرى لي 😀 ولو بعدت عنهم أجلس أبكي وأشتاق لهم

تعبت ياناس …أنا شخصيتي ملتزمة أما ألحين أحس خف ألتزامي وحتى الصلاة ألي كنت أتلذذ فيها ماصرت أتلذذ فيها أسرح لمن أصلي وأحاول أقطع حبل أفكاري في الصلااة لكن ماقدرت ….أحس أني داخله في عالم جديد ….صرت أحس بالأكتئاب والحزن مدري من أيش أخاف أحيانا أجلس وحدي وأحيانا أكرره جمعات أقاربي أفضل العزلة وصرت أحلم بكوابيس كثيرة ومزعجة دايم أحلم بالوزغ يطاردني ويآذيني ..وألحين لو أشووف وزغ من بعيد يجيني خووف مو طبيعي أشووف ثعبان ولا أشووف وزغ 😳

وأشم ريحة كريهة مثل الجيفه ما أدري ليه …وأعاني من أنتفاخات شديدة في البطن وأحس بشيء يتحرك في بطني ويتركز دايم تحت القفص بجهة اليسار

وصرت عصبية وأتنرفز من أدنى شيء مع أهلي أما في المدرسة عكس شخصيتي في المدرسة شخصيتي طيبة وصبورة مثل أول

وأحيانا لمن أكون جالسة أحس بشعور غريب مثل أكتئاب وحزن مع أختناق بسيط ودي أبكي أصيح بس ما أدري من شو وفجأة يروح 👿

وفي رمضان ألي راح تخيلو جلست أبكي مدري من أيش ما قدرت أصلي التراويح أبكي وكأن شخص مات عليه حتى أمي بالغصب هدتني …ونادت أخوي وقرأ عليه(أخوي يرقي) بعدها أرتحت ولكن ما تأثرت بشيء وعلى طول رحت أنام مدري ليه مع أنو مو وقت نومي حسيت بخووف وفكي يرجف وبرودة وقدرت أنام لكن أحلم بكوابيس أن الجن تآذيني وأشووف نفسي أجري منها وألاقي أمي في الدرج وأشووف عند عتبة الباب (أبو أربع وأربعين لونه بني) وأجلس أصيح ..قمت من نومي مفزوعة

ومرة أخوي قرى على وحدة من أخواتي وجلست معاه بس ما تأثرت بتاتا
قلت أكيد أنا أتوهم

وألحين حالتي تزداد

تكفون شخصوا حالتي حتى أهلي لا حظوا تغيري …وكثير من ألي حولي لاحظوا هالشيء

الله يجزاكم خير 😛 😆 🙄