ياهمي اثقلت علي فما السبيل للفرار منك ..مشكلتي

السلام عليكم ورحمة الله وبركاته

ياجماعه حاسه اني تايهه ومحتاره وتعبانه ومتضايقه من نفسي ومهمومه
وحزينه جدا
يارب فرج همي وهم من قال معي امين ..
المشكله باختصار اني متملكه منذ سنتان وداخله على السنه الثالثه على واحد من قرايبنا المقربين جدا ماعنده وظيفه ووعدني انه راح يدور وظيفه بس مالقى بسبب انه مامعاها الاالكفاءه ويدرس حاليا بثانويه وانا بالجامعه ،والحين لقى وظيفه بسيطه بمرتب قرابة الفين ريال وقال راح نتزوج وبعدين ادور وظيفه افضل منها ،بس انا رفضت بصراحه مااقدر اعيش بمرتب الفين بالله كيف يبغاني نعيش على الفين! هذا مع الغلاء والحريقه في الاسعار..
والله حاسه اني راح اتبهذل لو تزوجته وهو ماعنده وظيفه جيده خاصه اني الحمدالله مرتاحه في بيت ابوي ومومقصر معانا بشي ، بس مدري فين راح عقلي يوم وافقت عليه، رغم ربي منعم علي بجمال بشهادة كل من شافني اللهم لك الحمد والشكر اللهم لااعتراض على القدر ..
والله مدري وش اسوي حاسه بالندم اني وافقت عليه والحسره على السنتين اللي ضاعت من عمري وانا انتظر فيه ، وش رايكم انا محتاره اتزوجه وهو ماعنده وظيفه زينه ولا اتطلق وافتك من هذا الهم الي على قلبي والحق على عمري الي ضاع في الانتظارعلى الفاضي عمري الان سار24 وقريب بدخل 25.
ابي ارائكم بمشكلتي بكل امانه محتاجه مشورتكم ..
الله يسعدكم كل من قرا قصتي فليدعي لي بتفريج همي عاجل غير اجل مانتم خسرانين شي ..