يانساء نصيحة حصنوا بناتكم قبل ماتطلعوا اي مكان

هذا الموضوع قلتت لازم اكتبه بعد ماشفت الفيديو لمغتصب القاصرات عليه من الله مايستحق 00
صراحة طار النوم من عيني لكن يانساء ويابنات نصيحة حصنوا بناتكم قبل ماتطلعوا اي مكان سوق او ملاهي او زيارة للاقارب او سفر او تروح السوبر ماركت واحسن انها ماتروح السوبر ماركت حصنوهم بالمعوذات واية الكرسي وعلموهم يقولوا دعاء الخروج من المنزل وكل ماخرجوا من البيت او غابوا عن نظرك قولي اللهم اني استودعتك بنتي او بناتي او ابنائي فاحفظهم يامن لاتضيع الودائع000 وربي يحفظها ان شاءالله وكمان علموهم انو اي احد غريب قالها تعالي او شوفي ابوك يبغاك علمي بنتك انو ماتروح ولاترد على الناس الغرباء واذا حاول احد يمسك بيدها او يقرب منها انها تصرخ عشان تلفت نظر الناس الاخرين وكمان حتى الاولاد مو بس البنات لاننا في زمن الله يستر علينا وعلى ابنائنا ويحفظنا وفي نقطة هامة خليهم يحفظوا رقم جوال الاب او الام او العم وحاولي انو هذي النصائح تنقليها للمنتديات الاخرى وتنقليها في المجالس العامة عسى الله ان ينفع بها هذي نقاط حاولت اني اكتبها نصيحة وتوجيه وفي الاخير اللهم احفظنا بحفظك واكلأنا بعنايتك نحن ووالدينا وابنائنا 0000